ଭୁବନେଶ୍ବର ୨।୧୨: ଡିଜିପିଙ୍କୁ ଭେଟିଲେ କଂଗ୍ରେସ ବିଧାୟକ । ଭୁବନେଶ୍ବର କ୍ୟାମ୍ପ ଅଫିସରରେ କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ରଙ୍କ ନେତୃତ୍ବରେ କଂଗ୍ରେସ ବିଧାୟକ ଡିଜିପିଙ୍କୁ ଭେଟିଛନ୍ତି । ମିମିତା ମେହେର ପ୍ରସଙ୍ଗରେ ଡିଜିଙ୍କ ସହିତ ଆଲୋଚନା କରିଛନ୍ତି ।
ନରସିଂହ ମିଶ୍ର କହିଛନ୍ତି, ମିମିତା ମେହେର ପ୍ରସଙ୍ଗରେ ଆଲୋଚନା କଲୁ । ତଦନ୍ତ ଠିକ୍ ବାଟେ ଯାଉ ନାହିଁ । ସିଧାସଳଖ ଏବଂ ପରୋକ୍ଷ ଭାବେ ଜଡ଼ିତ ଲୋକମାନଙ୍କୁ ତଦନ୍ତ ପକ୍ଷଭୁକ୍ତ କରାଯାଉନି । ସେମାନେ ଖସିଯିବେ । ମନ୍ତ୍ରୀ ବି ଖସିଯିବେ। ଯେଉଁମାନେ ଷଡ଼ଯନ୍ତ୍ରରେ ସମ୍ପୃକ୍ତ ସେମାନଙ୍କୁ ଖସାଇଦେବାକୁ ଉଦ୍ୟମ ହେଉଛି ବୋଲି ଡିଜିଙ୍କ ଆଗରେ ଅଭିଯୋଗ କରିଛି ଦଳ। ହାଇକୋର୍ଟ ଯେଉଁ ଅର୍ଡର ଦେଇଛନ୍ତି ତାହା ଠିକ୍ ନୁହେଁ । ଯେଉଁ ଜଜଙ୍କୁ କେସ୍ ଦିଆଯାଇଛି ସେ ହାଇକୋର୍ଟ ନିୟନ୍ତ୍ରଣରେ ନାହାନ୍ତି। ହାଇକୋର୍ଟଙ୍କ ତତ୍ତ୍ବାବଧାନରେ ଏସଆଇଟି ଗଠନ କରି ତଦନ୍ତ କରିବାକୁ ଦାବି କରିଛନ୍ତି ନରସିଂହ ମିଶ୍ର ।