Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୮୯୯ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଆରମ୍ଭ ହେଲା କୋଭିଡ୍ ଟିକାକରଣ, ୧୬୧ କେନ୍ଦ୍ରରେ ଚାଲିଛି ଟିକାଦାନ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୭୮ କୋଭିଡ୍ ସଂକ୍ରମିତ, ୩୩୩୧୨୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ ଖସୁଛି କରୋନା ଗ୍ରାଫ୍, ଗତ ୨୪ଘଣ୍ଟାରେ ୧୫୧୫୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଘାଟିରେ ଦୁର୍ଘଟଣା : ଟ୍ରକକୁ ସାମ୍ନା ପଟୁ ପିଟିଲା ବାଇକ୍‌, ଚାଲିଗଲା ଶଳା-ଭିଣୋଇଙ୍କ ଜୀବନ
  • ||
  • ବୈଠକ ପରେ ବୈଠକ କିନ୍ତୁ ଫଳ ଶୂନ ! ୧୯’ରେ ପୁଣି ଚାଷୀ-ସରକାର ଆଲୋଚନା
  • ||
  • ବରଗଡ଼: ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କାର ସୁନା-ଗହଣା ଲୁଟ, ୩ ଲୁଟେରା ଗିରଫ
  • ||

ଶନିବାର ବରିଷ୍ଠ ନେତାଙ୍କ ସହ ସୋନିଆ ଗାନ୍ଧୀଙ୍କ କବାଟ କିଳା ବୈଠକ, ଚିଠି ବିବାଦର ୪ ମାସ ପରେ ସନ୍ତୁଷ୍ଟ-ଅସନ୍ତୁଷ୍ଟଙ୍କ ସହ କ’ଣ ହେବ ଆଲୋଚନା ?

18/12/2020 at 2:22 PM

ନୂଆଦିଲ୍ଲୀ, ୧୮|୧୨ : କଂଗ୍ରେସରେ ଦେଖାଦେଇଥିବା ଆଭ୍ୟନ୍ତରୀଣ କନ୍ଦଳର ସମାଧାନ ପାଇଁ ଅଣ୍ଟା ଭିଡିଛନ୍ତି ଅଧ୍ୟକ୍ଷା ସୋନିଆ ଗାନ୍ଧୀ । ଦଳକୁ ମଜବୁତ କରିବା ସହ ସମସ୍ତ ଅସନ୍ତୁଷ୍ଟ ନେତାଙ୍କୁ ମନାଇବା ପାଇଁ ସୋନିଆ ଶନିବାର ଏକ ବୈଠକ ଡାକିଛନ୍ତି । ସୋନିଆ ଏହି ବୈଠକରେ ସେହି ଅସନ୍ତୁଷ୍ଟ ନେତାଙ୍କୁ ଭେଟିବେ ଯେଉଁମାନେ ଚିଠି ଲେଖି ନେତୃତ୍ୱ ଉପରେ ପ୍ରଶ୍ନ କରିଥିଲେ । ଏହି ଚିଠିକୁ ନେଇ କଂଗ୍ରେସ କାର୍ଯ୍ୟକାରୀ ବୈଠକରେ ପ୍ରବଳ ହଟ୍ଟଗୋଳ ହୋଇଥିଲା ।

ଦଳରେ ଫାଟ ସେତେବେଳେ ପଦାକୁ ଆସିଥିଲା ଯେତେବେଳେ ଚିଠି ଲେଖିଥିବା ନେତା ଅନ୍ୟ ବରିଷ୍ଠ ନେତାଙ୍କୁ ସମାଲୋଚନା କରିଥିଲେ । ପରସ୍ପର ପ୍ରତି ଆରୋପ ପ୍ରତ୍ୟାରୋପ କରିଥିଲେ । ଏହାମଧ୍ୟରେ ସୋନିଆ ଗାନ୍ଧୀ ଡାକିଥିବା ବୈଠକ ଅଧ୍ୟକ୍ଷ ଚୟନ ସହ କନ୍ଦଳକୁ ପ୍ରଶମିତ କରିବା ପାଇଁ ହୋଇଥିବା କୁହାଯାଉଛି । ତେଣୁ ଏହି ବୈଠକ ଅନେକ ମହତ୍ତ୍ୱ ରଖୁଛି । ଏହାସହ ନିକଟରେ ସରିଥିବା ଅନେକ ନିଗର ନିଗମ ନିର୍ବାଚନରେ ଦଳର ପରାଜୟକୁ ନେଇ ମଧ୍ୟ ବୈଠକରେ ଆଲୋଚନା ହୋଇପାରେ ।

କୁହାଯାଉଛି ଯେ, ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ କମଲନାଥ ସୋନିଆଙ୍କୁ ଭେଟି ଅସନ୍ତୁଷ୍ଟ ନେତାଙ୍କୁ ମନାଇବାକୁ ପରାମର୍ଶ ଦେଇଥିଲେ । ଅସନ୍ତୁଷ୍ଟ ନେତାଙ୍କୁ ମନାଇବା ପଛରେ କମଲନାଥଙ୍କ ହାତ ଥିବା ଆଲୋଚନା ହେଉଛି । ତେବେ ଚିଠି ଲେଖିଥିବା ୨୩ ନେତା ବୈଠକରେ ସାମିଲ ହେବେ ନାହିଁ । ୫ରୁ ୬ଜଣ ନେତାଙ୍କ ସହ ସୋନିଆ ସାକ୍ଷାତ କରିବେ ।

ଅନ୍ୟଦିଗରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ତଥା ଟିଏମସି ନେତ୍ରୀ  ମମତା ବାନାର୍ଜୀ ଶୁକ୍ରବାର ଜରୁରୀକାଳିନ ବୈଠକ ଡାକିଛନ୍ତି । କାରଣ ଟିଏମସିରୁ ଗୋଟିଏ ପରେ ଗୋଟିଏ ନେତା ମୁହଁ ଫେରାଇଲାଣି । ପ୍ରଥମେ ବରିଷ୍ଠ ନେତା ଶୁଭେନ୍ଦୁ ଅଧିକାରୀ ଓ ଶୁକ୍ରବାର ବିଧାୟକ ଶୀଳଭଦ୍ର ଦତ୍ତ ମମତାଙ୍କ ହାତ ଛାଡିଛନ୍ତି । ବିଜେପିକୁ କାଉଣ୍ଟର ଦେବା ସହ ନୂଆ ରଣନୀତି ଆପଣାଇବା ପାଇଁ ମମତା ବୈଠକରେ ଆଲୋଚନା କରିବେ ।  

   Related Posts