Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଳାହାଣ୍ଡି : ମମିତା ମେହେର ହତ୍ୟା ଘଟଣା : ମହାଲିଙ୍ଗ୍ ଷ୍ଟାଡିୟମ୍‌ରେ ଅନୁଧ୍ୟାନ କଲେ ମହିଳା କମିଶନ ଅଧ୍ୟକ୍ଷା
  • ||
  • ଭୁବନେଶ୍ବର : ପୁରୀ ନୀଳାଚଳ ହୋଟେଲ ବିକ୍ରି ପାଇଁ ଚାଲିଥିଲା ଯୋଜନା, ୫୦ଲକ୍ଷ ଟଙ୍କା ହେରଫେର ଅଭିଯୋଗରେ ଜଣେ ଗିରଫ
  • ||
  • ଭୁବନେଶ୍ବର : ଶସ୍ତା ରାଜନୀତି କରୁଛି ବିଜେପି, ମମିତା ମେହେର ପ୍ରସଙ୍ଗକୁ ରାଜନୀତିର ରୂପ ଦିଆଯାଉଛି : ବିଜେଡି
  • ||
  • ଭଦ୍ରକ : ଏକତରଫା ପ୍ରେମ : ନାବାଳିକା ଯାଉଥିବା ବାଇକ୍‌କୁ ଗୋଇଠା ମାରି ଗଡାଇଦେଲେ ଯୁବକ, ଏସ୍‌ପିଙ୍କ ଦ୍ବାରସ୍ଥ ହେଲେ ମା’
  • ||
  • ବାରଙ୍ଗ : ନନ୍ଦନକାନନରେ ବିରଳ ହିମାଳୟ ଅଣ୍ଡିରା ଭାଲୁ ‘ମୋତି’ର ମୃତ୍ୟୁ, ୫କୁ ଖସିଲା ସଂଖ୍ୟା
  • ||
  • ଫୁଲବାଣୀ : କନ୍ଧମାଳକୁ ଛୁଇଁଲା ପହିଲି ଶୀତ, କୁହୁଡି ଚାଦରରେ ଢାଙ୍କି ହେଲାଣି ସହର
  • ||
  • କେନ୍ଦୁଝର : ଶିଶୁ କନ୍ୟାର ଉଲଗ୍ନ ମୃତଦେହ ଉଦ୍ଧାର, ବୁଧବାରଠୁ ଝୁମର ନାଚ ଦେଖିବାକୁ ଯାଇ ନିଖୋଜ ଥିଲେ
  • ||
  • ପାକିସ୍ତାନ ବିପକ୍ଷରେ ଭାରତ ଫେଭରେଟ୍, ବିଜୟ ସମ୍ଭାବନା ଅଧିକ : ଅନୁମାନ ଲଗାଇଲେ ମହମ୍ମଦ ଅମିର
  • ||
  • କଣ୍ଟାବାଞ୍ଜି : ଝରଣୀ ଗାଁରେ ମମିତା ମେହେରଙ୍କ ପରିବାରକୁ ଭେଟିଲେ ରାଜ୍ୟ ମହିଳା ଆୟୋଗ ଅଧ୍ୟକ୍ଷାଙ୍କ ସହ ୪ଜଣିଆ ଟିମ୍
  • ||
  • ପନିପରିବା ଖାଇଦେଉଛନ୍ତି ବାର୍‌ହା, ଚିନ୍ତାରେ ଚାଷୀ
  • ||

ଭୋପାଲ ଲୋକସଭା ଆସନରୁ ନିର୍ବାଚନ ଲଢ଼ିବେ କଂଗ୍ରେସର ବରିଷ୍ଠ ନେତା ଦିଗବିଜୟ ସିଂ

23/03/2019 at 3:16 PM

ଭୋପାଲ ୨୩/୩ : ମଧ୍ୟ ପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ତଥା କଂଗ୍ରେସର ପୂର୍ବତନ ମହାସଚିବ ଏବଂ ବରିଷ୍ଠ ନେତା ଦିଗବିଜୟ ସିଂ ଭୋପାଲ ଲୋକସଭା ଆସନରୁ ନିର୍ବାଚନ ଲଢ଼ିବେ | ମଧ୍ୟ ପ୍ରଦେଶ ମୁଖ୍ୟମନ୍ତ୍ରୀ କମଲନାଥ ଭୋପାଲରେ ଏକ କାର୍ଯ୍ୟକ୍ରମ ବେଳେ ଏନେଇ ଘୋଷଣା କରିଥିଲେ | ସୂଚନାଯୋଗ୍ୟ ଯେ, ଦିଗବିଜୟ ସିଂ ନିର୍ବାଚନ ଲଢ଼ିବା ନେଇ ରାଜ୍ୟ ରାଜନୀତି ବହୁତ ଗରମ ଥିଲା | କିଛି ଦିନ ପୂର୍ବରୁ ମୁଖ୍ୟମନ୍ତ୍ରୀ କମଲନାଥ ଏବଂ ରାଜାଙ୍କ ମଧ୍ୟରେ ଆସନ ଏବଂ ନିର୍ବାଚନକୁ ନେଇ ଚର୍ଚ୍ଚା ହୋଇଥିଲା ଯେ, ଦିଗବିଜୟ ସିଂ ଇନ୍ଦୋର ଆସନରୁ ଲଢ଼ିବେ |


ଦିଗବିଜୟ ସିଂ କୌଣସି ମୁଖ୍ୟ ଆସନରୁ ନିର୍ବାଚନ ଲଢ଼ିବା ନେଇ ମୁଖ୍ୟମନ୍ତ୍ରୀ କମଲନାଥ ମଧ୍ୟ ଅପିଲ କରିଥିଲେ | କମଲନାଥଙ୍କ ଅପିଲକୁ ନେଇ ଦିଗବିଜୟ ସିଂ କହିଥିଲେ ଯେ, ରାହୁଲ ଗାନ୍ଧୀ ଯେଉଁଠାରୁ କହିବେ ସେ ସେହି ଆସନରୁ ନିର୍ବାଚନ ଲଢ଼ିବେ | କଂଗ୍ରେସ ସ୍କ୍ରିନିଙ୍ଗ କମିଟି ବୈଠକ ମଧ୍ୟ ପ୍ରଦେଶର ସମସ୍ତ ୨୯ଟି ଆସନରେ କଂଗ୍ରେସ ପ୍ରାର୍ଥୀଙ୍କ ନାଁ ଚୂଡାନ୍ତ କରାଯାଇଥିଲା | ଖୁବ ଶୀଘ୍ର ଏହିସବୁ ନାଁ ଘୋଷଣା କରାଯିବ |


ଭୋପାଳ ଲୋକସଭା କ୍ଷେତ୍ରକୁ ବିଜେପିର ଗଡ ବୋଲି କୁହାଯାଏ | ୧୯୮୪ ମସିହା ପରଠାରୁ କଂଗ୍ରେସ ଭୋପାଲରେ ନିଜର ସ୍ଥିତି ହରାଇ ସାରିଛି | କଂଗ୍ରେସର ବରିଷ୍ଠ ନେତା ସୁରେଶ ପଚୋରି, କେଏନ ପ୍ରଧାନ ଏବଂ ନବାବ ମନସୁର ଅଲ୍ଲୀ ଖାନ ମଧ୍ୟ ଏହି ଆସନରୁ ହାରି ଯାଇଥିଲେ | ଭୋପାଲ ଆସନରୁ ଏବେ ବିଜେପି ନେତା ଆଲୋକ ସଞ୍ଚର ସାଂସଦ ଅଛନ୍ତି | ସଞ୍ଚର ସାଂସଦ ହେବା ପୂର୍ବରୁ ଭୋପାଲ ନଗର ନିଗମ କାଉନସିଲର ଥିଲେ |


ଦିଗବିଜୟ ସିଂ ୨ ଥର ରାଜଗଡ଼ ଲୋକସଭା ଆସନରୁ ଜିତି ସାଂସଦ ହୋଇଥିଲେ | ୧୯୮୪ ମସିହାରେ ସେ ପ୍ରଥମଥର ପାଇଁ ସାଂସଦ ହୋଇଥିଲେ | କିନ୍ତୁ ୧୯୮୯ ମସିହାରେ ବିଜେପିର ବରିଷ୍ଠ ନେତା ଏବଂ ସଂଘ ପ୍ରଚାରକ ପ୍ୟାରେଲାଲ ଖଣ୍ଡେଲବାଲଙ୍କ ଠାରୁ ପରାସ୍ତ ହୋଇଥିଲେ | ୧୯୯୧ ମସିହାରେ ପୁଣିଥରେ କମ ସଂଖ୍ୟକ ଭୋଟରେ ନିର୍ବାଚନ ଜିତିଥିଲେ | ୧୯୯୩ ମସିହା ଠାରୁ ୨୦୦୩ ପର୍ଯ୍ୟନ୍ତ ସେ ମଧ୍ୟ ପ୍ରଦେଶ ମୁଖ୍ୟମନ୍ତ୍ରୀ ଥିଲେ | ରାଧୋଗଡ ବିଧାନସଭା ମଣ୍ଡଳୀରୁ ସେ ବିଧାୟକ ଥିଲେ | ଏବେ ତାଙ୍କ ପୁତ୍ର ଜୟବର୍ଦ୍ଧନ ସିଂ ଏହି ଆସନରୁ ବିଧାୟକ ଏବଂ ରାଜ୍ୟ ମନ୍ତ୍ରୀମଣ୍ଡଳ ସଦସ୍ୟ ଅଛନ୍ତି |

   Related Posts