Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୨ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୫୪୦ କରୋନା ସଂକ୍ରମିତ ଚିହ୍ନଟ
  • ||
  • ଡିସେମ୍ବର ୩୧ପୂର୍ବରୁ ବସିବ ବିଧାନସଭାର ଶୀତ ଅଧିବେଶନ
  • ||
  • କରୋନାର ଦୈନିକ ସଂକ୍ରମଣରେ ବୃଦ୍ଧି, ୨୪ଘଣ୍ଟାରେ ୪୩୮୯୩ ନୂଆ ଆକ୍ରାନ୍ତ ଚିହ୍ନଟ
  • ||
  • ଅପରେସନ ଅଲ୍ଆଉଟ୍ : ସେନା ଗୁଳିରେ ୨ ଆତଙ୍କୀ ନିହତ, ବନ୍ଧୁକ ଓ ଗୁଳି ଜବତ
  • ||
  • ବିହାର ନିର୍ବାଚନ : ପ୍ରଥମ ପର୍ଯ୍ୟାୟ ପାଇଁ ମତଦାନ ଆରମ୍ଭ, ୭୧ଟି ଆସନରେ ଚାଲିଛି ଭୋଟିଂ
  • ||

ବୀଚ୍ ରାସ୍ତାରେ ମହିଳାଙ୍କୁ ଲାତ ଗୋଇଠା ମାରିଲେ କଂଗ୍ରେସ ନେତା ; ଭିଡିଓ ଭାଇରାଲ

15/06/2019 at 1:30 PM

ଜଣେ ମହିଳାଙ୍କୁ ଘରୁ ଘୋଷାଡ଼ି ଆଣି ମଝି ରାସ୍ତାରେ ବେଲ୍ଟ, ଜୋତାରେ ମାଡ ମରାଯାଇଛି । ମହିଳାଙ୍କୁ ରକ୍ଷା କରିବାକୁ ଆସିଥିବା ଆଉ ଜଣେ ମହିଳାଙ୍କୁ ମଧ୍ୟ ମାଡ଼ ମରାଯାଇଛି । ମହିଳାଙ୍କୁ ମାଡ ମାରୁଥିବା ବ୍ୟକ୍ତି ହେଲେ ଜଣେ କଂଗ୍ରେସ ନେତା । ଟଙ୍କା କାରବାର ଯୋଗୁଁ ଏହିଭଳି ଘଟଣା ଘଟିଥିବା ଆଶଙ୍କା କରାଯାଉଛି ।

ଶୁକ୍ରବାର ଦିନ ପଞ୍ଜାବ ମୁକ୍ତସର ସହରରେ ଘଟିଥିବା ଏହି ଘଟଣାର ଭିଡିଓ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି । ଘରୁ ଘୋଷାଡ଼ି ଆଣି ରାସ୍ତା ମଝିରେ ଦୁଇଜଣ ମହିଳାଙ୍କୁ ମାଡ ମାରିବା ଘଟଣାରେ ଦୋହଲିଯାଇଛି ପୁରା ସହର । ଘଟଣାର ଭିଡିଓ ସୋସିଆଲ ମିଡ଼ିଆରେ ଭାଇରାଲ ହେବାପରେ ଏହାକୁ ବିରୋଧ କରାଯାଇଛି । ମହିଳାଙ୍କୁ ମାଡ ମାରୁଥିବା କଂଗ୍ରେସ ନେତା ଫେରାର ହୋଇଯାଇଛି ।

ମହିଳାଙ୍କୁ ମାଡ ମାରୁଥିବା ବ୍ୟକ୍ତି ମୁକ୍ତସର ସହରର ଏକ ୱାର୍ଡ ମେମ୍ବରଙ୍କ ଭାଇ । ତାର ଏକ କବାଡି ଦୋକାନ ଅଛି । ସେ ଟଙ୍କା କାରବାର ମଧ୍ୟ କରେ । ମହିଳା ତାଠାରୁ କିଛି ଟଙ୍କା କରଜ କରିଥିଲେ । ସେହି ମାମଲାରେ ସେ ମହିଳାଙ୍କୁ ଘରୁ ଘୋଷାଡ଼ି ଆଣି ନିଜର କିଛି ସହଯୋଗୀଙ୍କ ସହ ମିଶି ମହିଳାଙ୍କୁ ବେଲ୍ଟ ଏବଂ ଜୋତାରେ ଲାତ ବିଧା ମାରିଥିଲା ।

ମହିଳାଙ୍କୁ ଗମ୍ଭୀର ଅବସ୍ଥାରେ ସିଭିଲ ହସ୍ପିଟାଲରେ ଭର୍ତ୍ତି କରାଯାଇଛି । ସମସ୍ତ ଅଭିଯୁକ୍ତଙ୍କ ବିରୋଧରେ ଥାନାରେ ମାମଲା ରୁଜ୍ଜୁ କରାଯାଇଛି । ହତ୍ୟା ଉଦ୍ୟମ ଏବଂ ଅନ୍ୟ ଧାରାରେ ଅଭିଯୁକ୍ତଙ୍କ ବିରୋଧରେ ମାମଲା ରୁଜ୍ଜୁ କରାଯାଇଛି । ମୁଖ୍ୟ ଅଭିଯୁକ୍ତ ଫେରାର ଅଛି । ପୋଲିସ ବିଭିନ୍ନ ସ୍ଥାନରେ ଚଢ଼ାଉ କରି ଅଭିଯୁକ୍ତକୁ ଖୋଜୁଛି । ଖୁବ ଶୀଘ୍ର ଅଭିଯୁକ୍ତକୁ ଗିରଫ କରାଯାଇ କୋର୍ଟ ଚାଲାଣ କରାଯିବ ବୋଲି ପୋଲିସ କହିଛି ।

ଅଭିଯୁକ୍ତଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛି ପୋଲିସ । ପୀଡିତାଙ୍କ ପରିବାରକୁ ମଧ୍ୟ ସୁରକ୍ଷା ଦିଆଯିବ ବୋଲି କହିଛି ପୋଲିସ । ଆଜି ଏହି ମାମଲାରେ ପୋଲିସ ୬ଜଣଙ୍କୁ ଗିରଫ କରିଛି ।

   Related Posts