ଝାରସୁଗୁଡା ୧୫|୧୨: ଝାରସୁଗୁଡାରେ କଂଗ୍ରେସର ଜାଗରଣ ଯାତ୍ରାରେ କେବଳ ଜନତାଙ୍କୁ କାହିଁକି ଦଳୀୟ ନେତାଙ୍କୁ ମଧ୍ୟ ଜଗେଇବାକୁ ଚେଷ୍ଟା କରୁଛନ୍ତି ପିସିସି ସଭାପତି ନିରଞ୍ଜନ ପଟ୍ଟନାୟକ । ଝାରସୁଗଡ଼ା ବିଧାୟକ ତଥା ରାଜ୍ୟ କଂଗ୍ରେସର କାର୍ଯ୍ୟକାରୀ ସଭାପତି ନବ ଦାସ ଆଗକୁ ବିଜେଡିରେ ମିଶିବା ନେଇ ଚର୍ଚ୍ଚା ହେଉଥିବା ବେଳେ ବିଜେଡି ସମ୍ପର୍କରେ ଭବିଷ୍ୟବାଣୀ କରି ନବବାବୁଙ୍କୁ ଚେତାଇବାକୁ ଚେଷ୍ଟା କରିଛନ୍ତି ନିରଞ୍ଜନ । ଜାଗରଣ ଯାତ୍ରା ବେଳେ ନିରଂଜନ କହିଛନ୍ତି ଯେ, ଆଗାମୀଦୁଇବର୍ଷ ମଧ୍ୟରେ ବିଜେଡିର ସ୍ଥିତି ଅତ୍ୟନ୍ତ ଖରାପ ହେବାକୁ ଯାଉଛି । ନବ ଦାସ ବିଜେଡିରେ ଯୋଗଦେବାକୁ ଯାଉଥିବା ସମ୍ପର୍କରେ ସେ କହିଛନ୍ତି ସେ ଭଳି କୌଣସି ଖବର ତାଙ୍କ ପାଖରେ ନାହିଁ । ଏହା କେବଳ ମିଢିଆର ମନଗଢା କଥା ।
{"id":64026}
ବିଜେଡି ସମ୍ପର୍କରେ ଇଏ ହେଉଛି ରାଜ୍ୟ କଂଗ୍ରେସ ସଭାପତିଙ୍କ ଭବଷ୍ୟବାଣୀ । ଜାଗରଣ ଯାତ୍ରା କରି ଜନସାଧାରଣଙ୍କୁ ଜଗାଇବାକୁ ଚେଷ୍ଟା କରୁଥିବା କଂଗ୍ରେସ ମୁଖିଆଏମିତି ଭବିଷ୍ୟବାଣୀ କରି ନିଜ ଦଳର ନେତାଙ୍କୁ ମଧ୍ୟ ଚେତାଇବାକୁ ଚାହୁଁଛନ୍ତି । ଝାରସୁଗଡ଼ା ବିଧାୟକ ତଥା ରାଜ୍ୟ କଂଗ୍ରେସର କାର୍ଯ୍ୟକାରୀ ସଭାପତି ନବ ଦାସ ଆଗକୁ ବିଜେଡିରେ ମିଶିବା ନେଇ ଚର୍ଚ୍ଚା ଜୋର୍ ଧରିଥିବା ବେଳେ ଖୋଦ୍ ତାଙ୍କରି ନିର୍ବାଚନ ମଣ୍ଡଳୀରେଠିଆ ହୋଇ ବିଜେଡି ସମ୍ପର୍କରେ ନିରଞ୍ଜନଙ୍କ ଏଭଳି ଭବିଷ୍ୟବାଣୀର ମାନେ କ’ଣ ହୋଇପାରେ ? ଏୟା ଯେ,ଯେଉଁ ନେତାମାନେ କଂଗ୍ରେସ ଛାଡ଼ି ବିଜେଡିରେ ମିଶିବାକୁ ଚିନ୍ତା କରୁଛନ୍ତି ସେମାନଙ୍କୁ ସଚେତନ କରିବା। ନହେଲେ କ’ଣ ନିରଞ୍ଜନବାବୁ ସବୁ ଜାଣି ବି ମିଡିଆଆଡ଼କୁ ଦୋଷ ଠେଲିଥାନ୍ତେ କି ? ଖାଲି କ’ଣ ନିରଞ୍ଜନ ମଉକା ଦେଖି ନବବାବୁ ମଧ୍ୟ ସବୁ ମିଡିଆର ପ୍ରଚାରକହି କ୍ଲିନ୍ କଂଗ୍ରେସ ମ୍ୟାନର ପରିଚୟ ଦେବାକୁ ବି ଭୁଲିନଥିଲେ ।
{"id":64027}
ଝାରସୁଗୁଡ଼ାରେ କଂଗ୍ରେସର ଜାଗରଣ ଯାତ୍ରାରେ ପ୍ରଥମ କରି ବିଧାୟକ ନବବାବୁ ନିଜ ପୁଅକୁ ମଧ୍ୟ ସାମିଲ କରାଇଥିଲେ । ଆଉ ଏହି ଅବସରରେ ଉପସ୍ଥିତି ଥିବା ଏଆଇସିସି ସମ୍ପାଦକ ମସ୍ତାନ ଅଲ୍ଲୀଙ୍କ ଦୃଷ୍ଟି ଆକର୍ଷଣ କରିବାକୁ ଚେଷ୍ଟା କରିଥିଲେ । ଏମିତିରେ ମସ୍ତାନ ମଧ୍ୟ ନବବାବୁଙ୍କ ପଲିଟିକାଲ କ୍ୟାରିୟର ବଖାଣି ତାଙ୍କୁ ଉତ୍ସାହିତ କରିବା ମଉକାକୁ ହାତଛଡ଼ା କରିନାହାନ୍ତି ।
{"id":64028}
ଏପଟେ ପିସିସି ସଭାପତିଙ୍କ ଜାଗରଣ ଯାତ୍ରାର ୨୪ଘଣ୍ଟା ନ ପୁରୁଣୁ ଜାଗି ଉଠିଥିଲେ ନବ ଦାସ । ଆଉ ଏକ ପ୍ରେସ୍ରିଲିଜ୍ ଜାରି କରି ତାଙ୍କର କଂଗ୍ରେସ ଛାଡ଼ିବାର ନାହିଁ ବୋଲି ସ୍ପଷ୍ଟୀକରଣ ଦେବାକୁ ଚେଷ୍ଟା କରିଥିଲେ। ଆଗକୁ କେଉଁ ପାଣି କୁଆଡ଼େ ଗଡ଼ୁଛି ତାହା କେବଳ ଦେଖିବାର କଥା ।
{"id":64029}