Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୭୯୬ ମୃତ
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୮୯ କରୋନା ସଂକ୍ରମିତ, ୧୦୫୦୨୪୯ରେ ପହଞ୍ଚିଲା ସଂଖ୍ୟା
  • ||
  • ୟୁକ୍ରେନ ଉପରେ ଆକ୍ରମଣ କରିବ ଋଷ ! ପୁଟିନଙ୍କ ଦେଢ ଲକ୍ଷରୁ ଅଧିକ ସୈନ୍ୟ ଅଛନ୍ତି ପ୍ରସ୍ତୁତ
  • ||
  • ଜାନୁଆରୀ-ଫେବୃଆରୀ ମଧ୍ୟରେ ଭାରତରେ ଆସିବ ତୃତୀୟ ଲହର, ଓମିକ୍ରନ୍ ସାଜିବ ବାହକ : ଦାବି କଲେ ବିଶେଷଜ୍ଞ
  • ||
  • ଚାଲିଥିଲା ଧାନ ଚୋରା ଚାଲାଣ, ୨୨୦ ବସ୍ତା ଜବତ କଲା ଯୋଗାଣ ବିଭାଗ
  • ||
  • ଜଓ୍ୱାଦ ଦୁର୍ବଳ, ଟଳିଲା ବଡ ବିପଦ : ପୁରୀଠୁ ୨୭୦ କିମି ଦୂରରେ କେନ୍ଦ୍ରୀଭୂତ
  • ||
  • ଜଗତସିଂହପୁରରେ ଲଗାଣ ବର୍ଷା, ଧାନ ଫସଲ କ୍ଷତିଗ୍ରସ୍ତ
  • ||

ଟିକେଟ ତାଲିକାରେ ନାଁ ଥିବା କଂଗ୍ରେସ ନେତା ବିଶୃଙ୍ଖଳା କଲେ ତାଙ୍କ ଟିକେଟ୍ କଟିବ କହିଲେ ନିରଂଜନ, ସଗରିଆଙ୍କ ଚେତାବନୀ କାଟିକି ଦେଖାଓ

22/11/2018 at 6:37 PM

ଭୁବନେଶ୍ବର୨୨|୧୧: ବିଶୃଙ୍ଖଳାକାରୀଙ୍କ ପାଇଁ କଂଗ୍ରେସ ଟାଣିଲା ଲକ୍ଷ୍ମଣରେଖା । ଟିକେଟ ତାଲିକାରେ ନାଁ ଥିବା କଂଗ୍ରେସ ନେତା, ବିଶୃଙ୍ଖଳା କଲେ ତାଙ୍କ ଟିକେଟ୍ କଟିବ । ଏଭଳି ଚେତାବନୀ ଶୁଣାଇଛନ୍ତି ପସିସି ସଭାପତି ନିରଞ୍ଜନ ପଟ୍ଟନାୟକ । କୃଷ୍ଣଚନ୍ଦ୍ର ସଗରିଆଙ୍କ ନାଁ ଏଆଇସିସି ପାଖକୁ ଯାଇଥିବାରୁ ଏଆଇସିସି, କୃଷ୍ଣଙ୍କ ଉପରେ ପଦକ୍ଷେପ ନେବ । ଏପଟେ ସଗରିଆଙ୍କ ଉପରେ ପିସିସି ସଭାପତିଙ୍କ ତାଗିଦର କିଛି ପ୍ରଭାବ ପଡିନି । ବରଂ ଓଲଟା ଚେତାବନୀ ଶୁଣାଇଛନ୍ତି ସଗରିଆ ।

ବିଶୃଙ୍ଖଳା ପାଇଁ କଡା ଆଭିମୁଖ୍ୟ ଗ୍ରହଣ କଲା କଂଗ୍ରେସ । ବିଶୃଙ୍ଖଳାକାରୀକୁ ମିଳିବନି ଟିକେଟ ଟିକେଟ ତାଲିକାରେ ନାଁ ଚଢ଼ିଥିଲେ ବି କାଟି ଦିଆଯିବ ଅବୁଝା ନେତାଙ୍କୁ ଟ୍ରାକକୁ ଆଣିବାକୁ ସର୍ତକବାଣୀ ଶୁଣାଇଲେ ପିସିସି ସଭାପତି । ଏଆଇସିସିକୁ ତାଲିକା ଯାଇଥିଲେ ବି ଟିକେଟ ମିଳିବ ନାହିଁ ବୋଲି ରୋକ୍ ଠୋକ୍ ଶୁଣାଇ ଦେଇଛନ୍ତି ନିରଞ୍ଜନ ପଟ୍ଟନାୟକ । ପୂର୍ବତନ ବିଧାୟକ କୃଷ୍ଣଚନ୍ଦ୍ର ସଗରିଆଙ୍କୁ ନେଇ ବିବାଦ ସୃଷ୍ଟି ହୋଇଥିବା ବେଳେ ଦଳ ଏଭଳି ଆଭିମୁଖ୍ୟ ଗ୍ରହଣ କରିଛି । କାରଣ ସଗରିଆଙ୍କୁ ଡାକି ନିଜେ ସଭାପତି ଓ ପ୍ରଭାରୀ ଆଲୋଚନା କରିଥିଲେ । ଗଣମାଧ୍ୟମକୁ ନଯାଇ ଦଳୀୟ ସମସ୍ୟାକୁ ଦଳ ଭିତରେ ଆଲୋଚନା କରିବାକୁ ପରାମର୍ଶ ଦେଇଥିଲେ । କିନ୍ତୁ ସେ ମାନି ନାହାନ୍ତି । ସଗରିଆଙ୍କ ଉପରେ ଉଚ୍ଚସ୍ତରୀୟ କମିଟି ଏଆଇସିସିକୁ ରିର୍ପୋଟ ଦେଇଛି । ଏଭଳି ସ୍ଥିତିରେ ଏଆଇସିସି ନିଷ୍ପତ୍ତି ନେବ ବୋଲି କହିଛନ୍ତି ନିରଞ୍ଜନ । ଏହା ସହ ଯେଉଁନେତାମାନେ ପଛରେ ରହି କଂଗ୍ରେସକୁ  ବଦନାମ କରିବାକୁ ଚେଷ୍ଟା କରୁଛନ୍ତି ସେମାନଙ୍କ ବିରୋଧରେ ବି ହେବ କାର୍ଯ୍ୟନୁଷ୍ଠାନ ।

ବିରୋଧୀ ଦଳ ନେତାଙ୍କୁ ଚିଠି ଲେଖି ବିବାଦ ସୃଷ୍ଟି କରିଥିବା ପୂର୍ବତନ ବିଧାୟକ କୃଷ୍ଣ ସଗରିଆ, ପିସିସି ସଭାପତିଙ୍କ ଚେତବାନୀକୁ ଡରି ନାହାନ୍ତି । ସେ କିଛି ଭୁଲ କରିନାହାନ୍ତି କି ବିଶୃଙ୍ଖଳିତ କାର୍ଯ୍ୟ କରି ନଥିବା କହିଛନ୍ତି । କାହିଁକି ତାଙ୍କ ଟିକେଟ୍ କଟାଯିବ ବୋଲି ସେ ଓଲଟା ପ୍ରଶ୍ନ କରିଛନ୍ତି । ଆଉ ଯଦି ଟିକେଟ୍ କଟାଯାଏ, ତାର ଜବାବ ଦେବାକୁ ସେ ପ୍ରସ୍ତୁତ ଥିବା ଚେତାବନୀ ଶୁଣାଇ ଦେଇଛନ୍ତି ।

ସଭାପତି ପରେ ସଭାପତି ବଦଳୁଛନ୍ତି । ହେଲେ ଗୋଷ୍ଠୀ ବିବାଦ କଂଗ୍ରେସର ପିଛା ଛାଡୁନି । ସଗରିଆ ବିବାଦ ଏବେ ଦଳର ଛବିକୁ ଡ୍ୟାମେଜ କଲାଣି ।

   Related Posts