ଭୁବନେଶ୍ବର ୭|୩ : ଗଣମାଧ୍ୟମରେ ବୁଲୁଥିବା କଂଗ୍ରେସର ପ୍ରାର୍ଥୀ ତାଲିକା ଠିକ୍ ନୁହେଁ ବୋଲି ସୂଚନା ଦେଇଛନ୍ତି କଂଗ୍ରେସ ମିଡିଆ ସେଲ୍ ଅଧ୍ୟକ୍ଷ ସତ୍ୟ ନାୟକ । ପିସିସି ଅଫିସିଆଲ ଏଭଳି କୌଣସି ପ୍ରାର୍ଥୀ ତାଲିକା ଜାରି କରି ନାହିଁ ବୋଲି ସେ ସ୍ପଷ୍ଟ କରିଛନ୍ତି । ତେବେ ଗଣମାଧ୍ୟମରେ ବୁଲୁଥିବା ଏଭଳି ତାଲିକା ଦ୍ବନ୍ଦ୍ବ ସୃଷ୍ଟି କରୁଛି ।
ଗଣମାଧ୍ୟମରେ ବୁଲୁଥିବା ତାଲିକାକୁ ବିଶ୍ବାସ କରନ୍ତୁ ନାହିଁ ବୋଲି କଂଗ୍ରେସ ପକ୍ଷରୁ କୁହାଯାଇଛି । ପିଇସି ପକ୍ଷରୁ ୨୧ ଲୋକସଭା ଓ ୧୪୭ ବିଧାନସଭା ଆସନ ପାଇଁ ତାଲିକା ହୋଇଛି ଓ ତାଲିକାକୁ ସିଇସି ଓ ଏଆଇସିସିକୁ ପଠାଯାଇଛି । ତେବେ ଗଣମାଧ୍ୟମରେ ବୁଲୁଥିବା ତାଲିକା ସେ ତାଲିକା ନୁହେଁ ବୋଲି କଂଗ୍ରେସ କହିଛି । ଆଜି ଏ ନେଇ କଂଗ୍ରେସ ପକ୍ଷରୁ ଏକ ପ୍ରେସମିଟ୍ କରାଯାଇ ସ୍ପଷ୍ଟୀକରଣ ରଖାଯାଇଛି ।
