Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆସୁଛି ବାତ୍ୟା: ପ୍ରଭାବିତ ହେବ ଓଡ଼ିଶା, ୩ ରାତିରୁ ଉପକୂଳରେ ପ୍ରବଳ ବର୍ଷିବ ଓ ପବନ ବୋହିବ
  • ||
  • ୨୦୧୭ ହତ୍ୟା ଘଟଣାର ଖୋଳତାଡ କରିବ କ୍ରାଇମବ୍ରାଞ୍ଚ, ୪ ପୋଲିସ ଅଧିକାରୀଙ୍କ ବିରୋଧରେ ହତ୍ୟା ମାମଲା ରୁଜୁ
  • ||
  • ମିଚିଗାନ ସ୍କୁଲରେ ୧୫ ବର୍ଷର ଛାତ୍ରର ଉନ୍ମତ୍ତକାଣ୍ଡ, ଆଖିବୁଜା ଗୁଳିମାଡ଼ରେ ୩ ମୃତ
  • ||
  • ଭଦ୍ରକ ବରପଦା ନିକଟରେ ଦୁଇ ଅପରାଧୀଙ୍କୁ ଏନକାଉଣ୍ଟର
  • ||

ମମିତା ମେହେରଙ୍କ ପରିବାରକୁ ଭେଟିଲେ କଂଗ୍ରେସ ପ୍ରତିନିଧି ଦଳ, ଦୋଷୀକୁ ଫାଶୀ ପାଇଁ ଦାବି କଲେ ଏଆଇସିସି ସାଧାରଣ ସମ୍ପାଦକ

28/10/2021 at 4:43 PM

ବଲାଙ୍ଗୀର ୨୮।୧୦: ମମିତା ମେହେରଙ୍କ ମୃତ୍ୟୁ ଘଟଣା ନିର୍ଭୟା, ପରୀ କିମ୍ବା ଲକ୍ଷ୍ମୀମପୁର ଘଟଣାରୁ କମ୍ ନୁହେଁ । ଏଭଳି ଜଘନ୍ୟ କାଣ୍ଡ ଘଟାଇଥିବା ଦୋଷୀକୁ ଫାଶୀ ଏବଂ ସମ୍ପୃକ୍ତ ଗୃହ ରାଷ୍ଟ୍ରମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କୁ ବରଖାସ୍ତ କରି କାର୍ଯ୍ୟାନୁଷ୍ଠାନ ପାଇଁ ଦାବି କରିଛନ୍ତି ଏଆଇସିସି ସାଧାରଣ ସମ୍ପାଦକ ରଣଦୀପ ସୁର୍ଜେବାଲା । ଏଥିସହ ମମିତାଙ୍କ ଭାଇ ପିଣ୍ଟୁକୁ ସରକାରୀ ଚାକିରୀ ଏବଂ ପରିବାରକୁ ୧ କୋଟି ଟଙ୍କାର କ୍ଷତିପୂରଣ ଦେବା ଏବଂ ପରିବାରକୁ ସୁରକ୍ଷା ପ୍ରଦାନ କରିବାକୁ ସେ ଦାବି କରିଛନ୍ତି ।

କଂଗ୍ରେସ ଦଳର ଏକ ଉଚ୍ଚସ୍ତରୀୟ ପ୍ରତିନିଧି ଦଳ ହେଲିକ୍ୟାପ୍ଟରରେ ବଲାଙ୍ଗିର ଗସ୍ତରେ ଆସି କଣ୍ଟାବାଞ୍ଜି ଝରଣୀ ଗାଁକୁ ଯାଇଥିଲେ । ସେଠାରେ ପ୍ରତିନିଧି ଦଳ ପରିବାର ଲୋକଙ୍କୁ ଭେଟିବା ସହ ତାଙ୍କୁ ସମବେଦନା ଜଣାଇଥିଲେ । ଏହାସହ ପରିବାର ଲୋକଙ୍କୁ ନ୍ୟାୟ ଦେବା ସହ ଯେଭଳି ଭାବରେ ଦୋଷୀକୁ ଫାଶୀ ଦିଆଯିବ ସେନେଇ କଂଗ୍ରେସ ପକ୍ଷରୁ ପଦକ୍ଷେପ ନିଆଯାଇ ଏହାକୁ ଜାତୀୟ ପ୍ରସଙ୍ଗ କରାଯିବ ବୋଲି କହିଥିଲେ ।

ସେପଟେ ସୋନିଆ ଗାନ୍ଧୀ ଓ ରାହୁଲ ଗାନ୍ଧୀ ଏ ଘଟଣାକୁ ସମ୍ବେଦନଶୀଳ କହିବା ସହ ଯାହା ସାହାଯ୍ୟ ସହଯୋଗ ଆବଶ୍ୟକ ତାହା ପରିବାର ଲୋକଙ୍କୁ ଦିଆଯିବ ବୋଲି କହିଥିଲେ । ସେପଟେ ମମିତାଙ୍କ ମା’ ଅସୁସ୍ଥ ଥିବାବେଳେ ତାଙ୍କୁ ଦିଲ୍ଲୀରେ ଉତ୍ତମ ଚିକିତ୍ସା କରାଇବାର ବ୍ୟବସ୍ଥା ସୋନିଆ ଗାନ୍ଧୀ କରାଇବାକୁ କହିଥିବା ଏଆଇସିସି ସମ୍ପାଦକ କହିଛନ୍ତି । ସେହିପରି ବଲାଙ୍ଗୀର ବିଧାୟକ ନରସିଂହ ମିଶ୍ର ପୋଲିସର ତଦନ୍ତକୁ ନେଇ ଅସନ୍ତୋଷ ପ୍ରକାଶ କରିଥିଲେ ।  ଡ଼ିଆଇଜି ଉପର ମହଲରୁ ନିର୍ଦ୍ଦେଶ ପାଇ ଘଟଣାର ତଦନ୍ତ ଏବଂ ସୂଚନା ଦେଉଥିବା କହିଛନ୍ତି । ପୂର୍ବରୁ ଏହି ମାମଲାରେ ସମ୍ପୃକ୍ତ ମନ୍ତ୍ରୀ ଦିବ୍ୟଶଙ୍କର ଇସ୍ତଫା ଦିଅନ୍ତୁ ବୋଲି ବାରମ୍ବାର କହିବା ପରିବର୍ତ୍ତେ କିଛି କରୁନଥିବାରୁ ମୁଖ୍ୟମନ୍ତ୍ରୀ ଉତ୍ତର ଦିଅନ୍ତୁ ବୋଲି କହିଥିଲେ । ଏହି ପ୍ରତିନିଧି ଦଳରେ ରାଜ୍ୟ ପ୍ରଭାରୀ ଚେଲାକୁମାର ମଧ୍ୟ ରହିଛନ୍ତି ।

   Related Posts