Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚୋରି କରୁଥିଲା ବିଦ୍ୟୁତ ଖୁଣ୍ଟ, ଗାଁ ଲୋକଙ୍କ ହାତରେ ଧରାପଡିଲା ଚୋର
  • ||
  • ରାଜ୍ୟରେ କରୋନା ନେଲା ଆଉ ୨୧ଜଣଙ୍କ ଜୀବନ, ୨୧୬୧ରେ ପହଞ୍ଚିଲା ମୃତ୍ୟୁସଂଖ୍ୟା
  • ||
  • ୧୧ ହଜାର ଉପରେ କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୧୧,୮୦୭ ପଜିଟିଭ୍
  • ||
  • କମିଲା ତାତି : ଆଜି ଏହି ସବୁ ଜିଲ୍ଲାରେ ବଜ୍ରପାତ ସହ କୁଆପଥର ବର୍ଷା ସମ୍ଭାବନା
  • ||
  • ସଂକ୍ରମଣ ରୋକିବାକୁ ରାଜ୍ୟରେ ସାପ୍ତାହିକ ସଟ୍‌ଡାଉନ୍, ଜରୁରୀ ସେବାକୁ ଛାଡ଼ିଦେଲେ ସବୁ ବନ୍ଦ
  • ||

ଝାରଖଣ୍ଡ ନିର୍ବାଚନ : କଂଗ୍ରେସର ଇସ୍ତାହାର ଜାରି, ପ୍ରତି ପରିବାରରୁ ଜଣକୁ ନିଶ୍ଚିତ ସରକାରୀ ଚାକିରୀର ପ୍ରତିଶ୍ରୁତି

25/11/2019 at 4:24 PM

ରାଞ୍ଚି : ଝାରଖଣ୍ଡ ବିଧାନସଭା ନିର୍ବାଚନ ଲାଗି କଂଗ୍ରେସ ପକ୍ଷରୁ ନିର୍ବାଚନୀ ଇସ୍ତାହାର ଜାରି ହୋଇଛି। ଦଳପକ୍ଷରୁ ପ୍ରତି ପରିବାରର ଜଣକୁ ନିଶ୍ଚିତ ଚାକିରୀର ପ୍ରତିଶ୍ରୁତି ଦିଆଯାଇଛି। ପ୍ରଦେଶ କଂଗ୍ରେସ ପ୍ରଭାରୀ ଆର.ପି.ଏନ. ସିଂହ କହିଛନ୍ତି ଯେ ଯଦି ରାଜ୍ୟରେ ମେଣ୍ଟ ସରକାର ଗଠିତ ହୁଏ ତେବେ ସରକାର ହେବାର ୬ ମାସ ମଧ୍ୟରେ ବିଭିନ୍ନ ବିଭାଗରେ ଖାଲିପଡିଥିବା ସମସ୍ତ ପଦବୀ ପୂରଣ ଲାଗି ପ୍ରଥମେ ପଦକ୍ଷେପ ନିଆଯିବ।

ସେହିପରି ନିର୍ବାଚନ ଇସ୍ତାହାରରେ ଦଳ ଯେଉଁ ପର୍ଯ୍ୟନ୍ତ ପରିବାରର ଜଣକୁ ସରକାରୀ ଚାକିରୀ ନ ମିଳିଛି ସେ ପର୍ଯ୍ୟନ୍ତ ବେକାରୀ ଭତ୍ତା ପ୍ରଦାନ ଲାଗି ପଦକ୍ଷେପ ନେବ। ତେବେ ଯେଉଁ ପରିବାରର ଲୋକେ ପୂର୍ବରୁ ସରକାରୀ ଚାକିରୀରେ ଅଛନ୍ତି ସେମାନଙ୍କ ପରିବାରର ବେକାରଙ୍କ ଲାଗି କଣ ପଦକ୍ଷେପ ନିଆଯିବ ତାହା କିନ୍ତୁ ଦଳ ଇସ୍ତାହାରରେ ସ୍ପଷ୍ଟ କରିନାହିଁ।

କଂଗ୍ରେସ ରାଜ୍ୟରେ ଝାରଖଣ୍ଡ ମୁକ୍ତିମୋର୍ଚ୍ଚା ଓ ରାଷ୍ଟ୍ରୀୟ ଜନତାଦଳ ସହ ମେଣ୍ଟ କରି ନିର୍ବାଚନରେ ପ୍ରତିଦ୍ୱନ୍ଦ୍ୱୀତା କରୁଛି। ମେଣ୍ଟ ବୁଝାମଣା ଅନୁସାରେ ଝାରଖଣ୍ଡ ମୁକ୍ତିମୋର୍ଚ୍ଚା ୪୩ଟି ଆସନରେ ପ୍ରତିଦ୍ୱନ୍ଦ୍ୱୀତା କରୁଥିବା ବେଳେ କଂଗ୍ରେସ ୩୧ ଓ ରାଷ୍ଟ୍ରୀୟ ଜନତାଦଳ ୭ଟି ଆସନରେ ମୁକାବିଲା କରୁଛି। ତେବେ ଆସନ୍ତୁ ଜାଣିବା ଘୋଷଣା ପତ୍ରରେ ରାଜ୍ୟବାସୀଙ୍କ ଲାଗି କଣ ରଖିଛି କଂଗ୍ରେସ।

ଏଥିରେ ମହିଳା ଓ ଚାଷୀଙ୍କୁ ପ୍ରାଥମିକତା ଦେଇଥିବା ବେଳେ ଅଧିକରୁ ଅଧିକ ମହିଳାଙ୍କୁ ପୋଲିସରେ ଚାକିରୀ ପ୍ରତିଶ୍ରୁତି ଦେଇଛି। ସେହିପରି ସରକାରୀ ବସରେ ଏକାକୀ ଯାତ୍ରା କରୁଥିବା ମହିଳାଙ୍କ ନିଶୁଳ୍କ ଯାତ୍ରା, ଚାଷୀଙ୍କୁ ୨ଲକ୍ଷ ଟଙ୍କା ପର୍ଯ୍ୟନ୍ତ ଋଣ ଛାଡ, ଧାନର ସର୍ବନିମ୍ନ ସହାୟକ ମୂଲ୍ୟ ୨ହଜାର ୫ଶହ ଟଙ୍କା କରିବା, ଲଘୁ ବନଜାତ ସମ୍ପଦ ଲାଗି ରାଜ୍ୟରେ ନୂଆ ଆଇନ,  ରାଞ୍ଚି ଲାଗି ମେଟ୍ରୋ ଟ୍ରେନର ପ୍ରସ୍ତାବ ସାଙ୍ଗକୁ ମୋବଲିଞ୍ଚିଂ ଲାଗି କଡା ଆଇନ ବ୍ୟବସ୍ଥା ଓ ପେଟ୍ରୋଲ ଏବଂ ଡିଜେଲକୁ ଭାଟ ମୁକ୍ତ କରିବ ବୋଲି ଦଳ ଘୋଷଣା କରିଛି ଦଳ।  

   Related Posts