Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜସ୍ଥାନ ରୟାଲ୍ସକୁ ୨୨୨ ରନର ବିଶାଳ ବିଜୟ ଲକ୍ଷ୍ୟ ଦେଲା ପଞ୍ଜାବ କିଙ୍ଗସ୍‌ : କେ.ଏଲ. ରାହୁଲ, ଦୀପକ ହୁଡାଙ୍କ ବିସ୍ଫୋରକ ଅର୍ଦ୍ଧଶତକ
  • ||
  • ମୋଦୀଙ୍କୁ ସୋନିଆଙ୍କ ପତ୍ର: ବୟସ ପରିବର୍ତ୍ତେ ଆବଶ୍ୟକତା ଅନୁସାରେ କରୋନା ଟିକା ଦିଆଯାଉ
  • ||
  • ବାଗ୍‌ଚି ଦମ୍ପତ୍ତିଙ୍କୁ ପ୍ରଶଂସା କଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ଭୁବନେଶ୍ବରରେ କ୍ୟାନସର ହସ୍ପିଟାଲ ଏବଂ କେୟାର ସେଣ୍ଟର ପାଇଁ ସୁବ୍ରତୋ-ସୁସ୍ମିତା ଦେବେ ୪୩୦ କୋଟି ଟଙ୍କା
  • ||
  • ହସ୍ପିଟାଲରୁ ଡିସ୍‌ଚାର୍ଜ ହେଲେ ରାଷ୍ଟ୍ରପତି ରାମନାଥ କୋବିନ୍ଦ, ମାର୍ଚ୍ଚ ୩୦ରେ ହୋଇଥିଲା ବାଇପାସ୍‌ ସର୍ଜରୀ
  • ||
  • ପାଟଣା : ଭାରସାମ୍ୟ ହରାଇ ବ୍ରିଜ୍ ଉପରୁ ୨୦ଫୁଟ ତଳକୁ ଖସିଲା ବାଇକ୍, ୨ ଗୁରୁତର
  • ||
  • ନୀଳଗିିରି : ବିଦ୍ୟୁତ ବିଲ୍ ବୃଦ୍ଧି ପ୍ରତିବାଦରେ ସିପିଆଇର ରାସ୍ତାରୋକ
  • ||
  • ଢେଙ୍କାନାଳ : ମାଛ ଧରିବାକୁ ଯାଇ ନଦୀରେ ବୁଡିଗଲେ ମାଛ ଧରାଳି, ଚାଲିଗଲା ଜୀବନ
  • ||
  • ଭୁବନେଶ୍ବର : ଖରା ପାଇଁ ପାନୀୟ ଜଳ ବିଭାଗର ଛୁଟି ବାତିଲ
  • ||
  • ୨ ବିଶ୍ୱବିଦ୍ୟାଳୟରେ ନୂଆ କୁଳପତି, ରାଜଭବନ ପକ୍ଷରୁ ବିଜ୍ଞପ୍ତି ପ୍ରକାଶ
  • ||
  • ଭୁବନେଶ୍ବର : ଡାକ୍ତରଖାନା ପାଇଁ କୋଭିଡ୍ ଗାଇଡ୍‌ଲାଇନ୍, ଆବଶ୍ୟକତା ନଥିଲେ ସଂକ୍ରମିତଙ୍କୁ ଆଡମିଶନ ମନା
  • ||

କେନ୍ଦ୍ର ବଜେଟରେ ଓଡ଼ିଶା ଭାଗକୁ ନେଇ ବଢ଼ୁଛି ବୟାନବାଜି : ଉଭୟ ବିଜେଡି ଓ ବିଜେପିକୁ କଂଗ୍ରେସର ସମାଲୋଚନା

7/07/2019 at 8:33 AM

ଭୁବନେଶ୍ବର ୭/୭: କେନ୍ଦ୍ର ବଜେଟ୍ ଆସିବା ପରେ ରାଜ୍ୟର ଲାଭ କ୍ଷତି ନେଇ ଚାଲିଛି ହିସାବ କିତାବ । ଓଡ଼ିଶା ବଜେଟରୁ କେତେ ପାଇବ । ଲାଭରେ ରହିବ ନା କ୍ଷତିରେ ରହିବ ତାକୁ ନେଇ ସମସ୍ତେ ଦ୍ବନ୍ଦରେ ଥିବା ବେଳେ ଟେନସନ୍ ରେ ରହିଛି ଅର୍ଥ ବିଭାଗ । ରାଜ୍ୟ ବଜେଟ୍ ଅଟକଳ ଅନୁସାରେ ଗତବର୍ଷ ତୁଳନାରେ ରାଜ୍ୟ ଏଥର ଅଧିକ ପାଇବ ବୋଲି ଅର୍ଥ ବିଭାଗ ଅଧିକାରୀ ହିସାବ କିତାବ କରିଛନ୍ତି । ତେବେ ଏହା କେତେଦୂର ସଠିକ ରହୁଛି ତାକୁ ଅପେକ୍ଷା କରାଯାଇଛି ।

କେନ୍ଦ୍ର ବଜେଟରୁ ଓଡିଶା ପାଇବ କେତେ । ରାଜ୍ୟ ଲାଭରେ ରହିବ ନା କ୍ଷତିରେ । ତାକୁ ନେଇ ଏବେ ସମସ୍ତେ ଦ୍ବନ୍ଦରେ ଥିବାବେଳେ ଏନେଇ ରାଜ୍ୟ ଅର୍ଥ ବିଭାଗ ବି ଟେନସନରେ । ଏଥର କେନ୍ଦ୍ରିୟ ବଜେଟରୁ ରାଜ୍ୟ ଆଶା କରୁଥିଲା କେନ୍ଦ୍ରିୟ ଟିକସ ବାବଦକୁ ୩୯ ହଜାର ୨୦୭ କୋଟି ଏବଂ କେନ୍ଦ୍ରିୟ ଅନୁଦାନ ବାବଦକୁ ୩୦ ହଜାର ୫୫୯ କୋଟି ପାଇବ ବୋଲି । କିନ୍ତୁ ଏହି ପରିମାଣ ଅର୍ଥ ରାଜ୍ୟ ପାଇବ କି ନାହିଁ ତାହା ଅସ୍ପଷ୍ଟ । କାରଣ ନିର୍ବାଚନ ପୂର୍ବରୁ କେନ୍ଦ୍ର ଯେଉଁ କାମଚଳା ବଜେଟ ଉପସ୍ଥାପନ କରିଥିଲା ସେଇ ଅନୁପାତରେ ଏହି ଆକଳନ କରାଯାଇଥିଲା । ଯେଉଁଥିପାଇଁ ରାଜ୍ୟ ସରକାର ୨୦୧୯-୨୦ ବଜେଟ ଅଟକଳକୁ ୧ଲକ୍ଷ ୩୯ ହଜାର କୋଟିକୁ ବଢାଇଥିଲେ । ଏବେ ପୂର୍ଣ୍ଣାଙ୍ଗ ବଜେଟ ଆସିବାପରେ ସେହି ଅନୁପାତରେ କେନ୍ଦ୍ରିୟ ଅର୍ଥ ମିଳିବ ବୋଲି ରାଜ୍ୟ ସରକାର ନିଶ୍ଚିତ ନୁହଁନ୍ତି । କିନ୍ତୁ ଗତବର୍ଷ ତୁଳନାରେ ରାଜ୍ୟ କମ୍ ଅର୍ଥ ପାଇବ ନାହିଁ । ଗତବର୍ଷ ତୁଳନାରେ ଏବର୍ଷ ଅଧିକ ଅର୍ଥ ପାଇବ ବୋଲି ଅର୍ଥ ବିଭାଗର ଅଧିକାରୀ ମାନେ ହିସାବ କରିଛନ୍ତି । ଯାହାକୁ ନେଇ ବିଜେଡି-ବିଜେପି ମିଶ୍ର ପ୍ରତିକ୍ରିୟା ପ୍ରକାଶ କରିଛନ୍ତି । 

୨୦୧୮ -୧୯ରେ ଓଡିଶା କେନ୍ଦ୍ରିୟ ଟିକସ ବାବଦରୁ ପାଇଥିଲା ୩୬ ହଜାର ୫୮୬ କୋଟି । ସେହିଭଳି କେନ୍ଦ୍ରିୟ ଅନୁଦାନ ବାବଦରୁ ମିଳିଥିଲା ୨୪,୭୬୪ କୋଟି । ସେତେବେଳେ ରାଜ୍ୟ ବଜେଟ ଥିଲା ୧ଲକ୍ଷ ୨୦ ହଜାର କୋଟି ।  ତେବେ ଏଥର ବଜେଟ ଅଟକଳକୁ ୧ ଲକ୍ଷ ୩୯ ହଜାର କୋଟି କରିଥିଲେ ଓଡିଶା ସରକାର । ଯେଉଁଥିରେ ୨୩ ହଜାର ୭୩୪ କୋଟି ଟଙ୍କା ଋଣ ଉଠାଇବା ଦର୍ଶାଯାଇଥିଲା । ବିତ୍ତୀୟ ନିୟଣ୍ଟକୁ ମଧ୍ୟ ୩ ପ୍ରତିଶତରୁ ଅଧିକ କରିଥିଲେ ସରକାର । କେନ୍ଦ୍ର ବଜେଟ ପୂର୍ବରୁ ରାଜ୍ୟ ସରକାର ନିଜ ବଜେଟ ଉପସ୍ଥାପନ କରି କେନ୍ଦ୍ରଠାରୁ କେତେ ମିଳିବ ତାର ଆଗୁଆ ଆକଳନ କରି ଯେଉଁ ବଡ ବଜେଟ ଉପସ୍ଥାପନ କରିଥିଲେ ତାକୁ କଂଗ୍ରେସ ସମାଲୋଚନା କରିଛି । ଦଳ କହିଛି ଏଭଳି କରି ବିଜେଡି-ବିଜେପି ଓଡିଶା ଲୋକଙ୍କୁ ଭୁଆଁ ବୁଲାଇଛନ୍ତି ।

କୁହାଯାଉଛି କେନ୍ଦ୍ର ସରକାର ଟିକସ ଆଦାୟ ଲକ୍ଷ୍ୟରେ ପହଁଚି ପାରି ନଥିବାରୁ ରାଜ୍ୟମାନଙ୍କ କେନ୍ଦ୍ରୀୟ ଅଂଶ କମିବ । ସେଥିରେ ଓଡିଶା ଭାଗ ବି କମିବ । ଏହାବାଦ୍ ନରେଗା, ଜାତୀୟ ରାଜପଥ, ପ୍ରଧାନମନ୍ତ୍ରୀ ଗ୍ରାମ ସଡକ ଯୋଜନା ଆଦିରେ କମ୍ ଅର୍ଥ ବରାଦ ହୋଇଥିବାରୁ ଓଡିଶା ବି ସେଥିରେ କ୍ଷତିରେ ରହିବ ।

   Related Posts