Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଜି ରାଜ୍ୟରେ ସୁସ୍ଥ ହେଲେ ଆଉ ୧୭୪୦ ଆକ୍ରାନ୍ତ
  • ||
  • ଏସ୍‌ସିବିରୁ ଗ୍ୟାଙ୍ଗଷ୍ଟର ହାଇଦର ଫେରାର ଘଟଣା : ଆଉ ୨ ଜଣଙ୍କୁ ଗିରଫ କଲା ମଙ୍ଗଳାବାଗ ପୋଲିସ
  • ||
  • ନୂଆପଡା : ଭାରସାମ୍ୟ ହରାଇ ଓଲଟିଲା କାର୍, ୩ ଗୁରୁତର
  • ||
  • ଭୁବନେଶ୍ବର : ଭୁବନେଶ୍ବରର ୩ଟି ଶିକ୍ଷାନୁଷ୍ଠାନ ସିଲ୍, ଖୁଲମଖୁଲା କୋଭିଡ୍ ନିୟମର କରିଥିଲେ ଉଲଂଘନ
  • ||
  • ବ୍ରହ୍ମପୁର : ସୁରଟରୁ ଫେରୁଥିଲେ ପ୍ରବାସୀ, ଟ୍ରେନ୍‌ରେ ଚାଲିଗଲା ଜୀବନ
  • ||
  • ଅନୁଗୋଳ : ଭାରସାମ୍ୟ ହରାଇ ଗଛରେ ପିଟିହେଲା କାର୍, ଗୋଟିଏ ପରିବାରର ଜଣେ ମୃତ, ୨ ଆହତ
  • ||
  • ଭୁବନେଶ୍ବର : ‘ହାଇଦର ପାଇଁ ନଥିଲା ପୋଲିସ ସୁରକ୍ଷା ବ୍ୟବସ୍ଥା, କିନ୍ତୁ ପାଖରେ ଥିଲେ ଯୁବତୀ’ – ଲେଖାଶ୍ରୀ
  • ||
  • ସମ୍ବଲପୁର : ଆଜିଠାରୁ ୧୫ ଦିନ ସମ୍ବଲପୁର ବାର୍ ବନ୍ଦ, କୋଭିଡ୍ ସଂକ୍ରମଣକୁ ଦୃଷ୍ଟିରେ ରଖି ନିଷ୍ପତ୍ତି
  • ||
  • ସୋର : ସରିଥିଲା ନିର୍ବନ୍ଧ, ହେଲେ ପଡିପାରିଲାନି ହାତଗଣ୍ଠି, ଶେଷରେ କାହିଁକି ଝୁଲିପଡିଲେ ଯୁବତୀ ?
  • ||
  • ବାରଙ୍ଗ : ନନ୍ଦନକାନନରୁ ଇନ୍ଦୋର ଯାଉଛନ୍ତି ୧୩ ଜୀବଜନ୍ତୁ, ଧଳା ବାଘୁଣୀ ଓ କଳା ବାଘ ସାମିଲ
  • ||

କଣ୍ଟାବାଂଜିରେ ମାତ୍ର ୧୨୮ଟି ଭୋଟରେ ଜିତିଲେ କଂଗ୍ରେସର ସନ୍ତୋଷ ସିଂ ସାଲିଜା, ଜଣନ୍ତୁ ଆଉ କେଉଁ କେଉଁ ଆସନରେ ହୋଇଛି ଏମିତି କ୍ଲୋଜ ଫାଇଟ୍

24/05/2019 at 7:27 PM

ଭୁବନେଶ୍ବର ୨୪|୫: ଫଳାଫଳ ସ୍ପଷ୍ଟ ।ଭୋଟରଙ୍କ ଫଇସଲା ଜାଣିସାରିଛନ୍ତି ପ୍ରାର୍ଥୀ ।କିନ୍ତୁ କେତେକ ଆସନରେ ହୋଇଛି ଜୋରଦାର ଟକ୍କର ।ଟକ୍କର ଏମିତି ଯେ ଶେଷ ରାଉଣ୍ଡ ପର୍ଯ୍ୟନ୍ତ ସ୍ଥିର ହୋଇପାରୁନଥିଲା କିଏ ଜିତିବେ କିଏ ହାରିବେ ।ମାତ୍ର ୫ ଶହ ହଜାରେ ଦୁଇ ହଜାର ଭୋଟରେ ହୋଇଛି ନିଷ୍ପତ୍ତି । ଏହିସବୁ ଆସନରେ ମାତ୍ର ହଜାରେ ଦି ହଜାରେ ଭୋଟରେ ନିର୍ବାଚନ ଫଳାଫଳ ଫଇସଲା ହୋଇଛି ।

ସେହିପରି କେତେକ ଲୋକସଭା ଆସନର ଫଳାଫଳ ୧୦ ହଜାର ଏବଂ ୨୦ ହଜାରରୁ କମ୍‌ ଭୋଟ୍‌ରେ ଫଇସଲା ହୋଇଛି । କିନ୍ତୁ ଏହିସବୁ ଆସନର ଫଳାଫଳ ଯଦି ଭିନ୍ନ ହୋଇଥାନ୍ତା ତେବେ ଏହା ସଂଖ୍ୟା ଗଣିତକୁ ଏପଟ ସେପଟ କରିଦେଇଥାନ୍ତା ।ଆସନ୍ତୁ ନଜର ପକାଇବା ଏପରି କେତେକ ଆସନର ଫଳାଫଳ ଉପରେ । …

ବଲାଙ୍ଗିରର କଣ୍ଟାବାଞ୍ଝି ବିଧାନସଭା ଆସନ । ଏଠାରେ କଂଗ୍ରେସ ପ୍ରାର୍ଥୀ ସନ୍ତୋଷ ସିଂ ସାଲୁଜା ୧୨୮ ଖଣ୍ଡ ଭୋଟରେ ବିଜେପିର ଲକ୍ଷ୍ମଣ ବାଗଙ୍କୁ ହରାଇଛନ୍ତି । କୋରାପୁଟର ଲକ୍ଷ୍ମୀପୁର ବିଧାନସଭା ଆସନରେ ବିଜେଡିର ପ୍ରଭୂ ଜାନୀ କଂଗ୍ରେସର କୈଳାସ କୁଲେସିକାଙ୍କୁ ୨୨୯ଟି ଭୋଟରେ ହରାଇଛନ୍ତି ।

ସେହିପରି ଢେଙ୍କାନାଳର ପରଜଙ୍ଗ ବିଧାନସଭା ସିଟ୍‌ରେ ବିଜେଡି ପ୍ରାର୍ଥୀ ନୃସିଂହ ସାହୁ ୭୪୦ ଭୋଟରେ ବିଜେପିର ବିଭୂତି ଭୂଷଣ ପ୍ରଧାନଙ୍କୁ ହରାଇଛନ୍ତି । ସୁନ୍ଦରଗଡ଼ ରାଜଗାଙ୍ଗପୁରରେ କଂଗ୍ରେସର ସିଏସ୍‌ ରାଜେନ ଏକ୍କା ୯୪୬ ବିଜେଡିର ମଙ୍ଗଳା କିଷାନଙ୍କୁ ହରାଇଛନ୍ତି । ସେହିପରି ମୟୂରଭଞ୍ଜ ଉଦଳାରେ ବିଜେପିର ଭାସ୍କର ମଢେଇ ୧୪୩୩ ଭୋଟରେ ବିଜେଡିର ଶ୍ରୀନାଥ ସୋରେନଙ୍କୁ ହରାଇଛନ୍ତି ।

ବାଲେଶ୍ବର ନୀଳଗିରିରେ ବିଜେପିର ସୁକାନ୍ତ ନାୟକ ୧୫୭୭ ଭୋଟରେ ବିଜେଡିର ସନ୍ତୋଷ ଖଟୁଆଙ୍କୁ ହରାଇଛନ୍ତି । ମୋହନାରେ କଂଗ୍ରେସର ଦାଶରଥୀ ଗମାଙ୍ଗ ୨୩୫୪ ଭୋଟରେ ବିଜେଡିର ପୂର୍ଣ୍ଣବାସୀ ନାୟକଙ୍କୁ ହରାଇଛନ୍ତି । ମାଲକାନଗିରି ଜିଲ୍ଲା ଚିତ୍ରକୋଣ୍ଡା ବିଧାନସଭା ଆସନ । ବିଜେଡି଼ର ପୂର୍ଣ୍ଣଚନ୍ଦ୍ର ବାକା ଏଠାରେ ୨୫୪୫ ଭୋଟରେ କଂଗ୍ରେସର ଲକ୍ଷ୍ମୀପ୍ରିୟା ନାୟକଙ୍କୁ ପରାସ୍ତ କରିଛନ୍ତି ।

କୋଟପାଡ଼ ଆସନରେ  ବିଜେଡିର ପଦ୍ମିନୀ ଦିଆନ ୨୬୩୧ ଭୋଟରେ କଂଗ୍ରେସର ଚନ୍ଦ୍ରଶେଖର ମାଝୀଙ୍କୁ ହରାଇଛନ୍ତି । ସେହିପରି ଗୋପାଳପୁରରେ ବିଜେଡିର ପ୍ରଦୀପ ପାଣିଗ୍ରାହୀ ୨୬୭୩ ଭୋଟରେ ବିଜେପିର ବିଭୂତି ଜେନାଙ୍କୁ ହରାଇଛି । ନୂଆପଡ଼ାର ଖରିଆର ସିଟ୍‌ରେ କଂଗ୍ରେସର ଅଧିରାଜ ମୋହନ ପାଣିଗ୍ରାହୀ ୨୮୫୭ ଭୋଟରେ ବିଜେଡିର ଲମ୍ବୋଦର ନିଆଲଙ୍କୁ ପରାସ୍ତ କରିଛନ୍ତି । କିନ୍ତୁ ଏହିସବୁ ଆସନରେ ଯଦି କ୍ଲୋଜ୍‌ ଫାଇଟ୍‌ ପରେ ଫଳ ଏପଟ ସେପଟ ହୋଇଥାନ୍ତା ତେବେ ଏହା ନିର୍ବାଚନର ସଂଖ୍ୟା ଗଣିତକୁ ଏପଟ ସେପଟ କରିଦେଇଥାନ୍ତା ।

ସେହିପରି ଲୋକସଭା ଆସନ ଗୁଡ଼ିକ ଉପରେ ନଜର ପକାଇଲେ ମଧ୍ୟରେ କେତେକ ସିଟ୍‌ରେ କ୍ଲୋଜ୍‌ ଫାଇଟ୍‌ ଦେଖିବାକୁ ମିଳିଛି । କୋରାପୁଟ ଲୋକସଭା ଆସନରେ କଂଗ୍ରେସ ପ୍ରାର୍ଥୀ ସପ୍ତଗିରି ଉଲ୍ଲାକା, ବିଜେଡିର କୌଶଲ୍ୟା ହିକ୍କକାଙ୍କୁ ମାତ୍ର ୩୬୧୩ ଭୋଟରେ ହରାଇଛନ୍ତି । ସମ୍ବଲପୁରରେ ବିଜେପିର ନୀତେଶ ଗଙ୍ଗଦେବ ୯୧୬୨ ଭୋଟରେ ବିଜେଡିର ନଳିନୀକାନ୍ତ ପ୍ରଧାନଙ୍କୁ ହରାଇଛନ୍ତି ।

ସେହିପରି ପୁରୀରେ ବିଜେଡିର ପିନାକୀ ମିଶ୍ର ୧୧୭୧୪ ଭୋଟରେ ବିଜେପିର ସମ୍ବିତ ପାତ୍ରଙ୍କୁ ହରାଇଛନ୍ତି ।ବାଲେଶ୍ବର ଲୋକସଭା ଆସନରେ ବିଜେପିର ପ୍ରତାପ ଷଡ଼ଙ୍ଗୀ, ୧୨୯୫୬ ଭୋଟରେ ବିଜେଡିର ରବୀନ୍ଦ୍ର ଜେନାଙ୍କୁ ହରାଇଛନ୍ତି ।

ବଲାଙ୍ଗିରରେ ବିଜେପିର ସଙ୍ଗୀତା ସିଂହଦେଓ ମାତ୍ର ୧୯୫୧୬ ଭୋଟ୍‌ରେ ବିଜେଡିର କଳିକେଶ ନାରାୟଣ ସିଂହଦେଓଙ୍କୁ ହରାଇଛନ୍ତି । ଭୁବନେଶ୍ବରରେ ବିଜେପିର ଅପରାଜିତା ଷଡ଼ଙ୍ଗୀ ବିଜେଡିର ଅରୂପ ପଟ୍ଟନାୟକଙ୍କୁ ୨୩୮୩୯ ଭୋଟରେ ହରାଇଛନ୍ତି । ଏହିସବୁ ଆସନରେ କିଛି ଭୋଟ୍‌ ଏପଟ ସେପଟ ହୋଇଥିଲେ ଅନେକ ପ୍ରମୁଖ ପ୍ରାର୍ଥୀଙ୍କ ଭାଗ୍ୟ ବଦଳି ଯାଇଥାନ୍ତା ।….

   Related Posts