Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଓଭରବ୍ରିଜ୍ ଉପରେ ବିରାଟ ଗାତ, ବିପଦସଙ୍କୁଳ ଅବସ୍ଥାରେ ଚଳାଚଳ କରୁଛି ଯାନବାହାନ
  • ||
  • ମାଟି ଘରେ ଶୋଇଥିଲେ ବୃଦ୍ଧା, ହଠାତ ମାଡି ବସିଲା କାନ୍ଥ
  • ||
  • ମାତିଛନ୍ତି ହାତୀପଲ : ଜଳକ୍ରୀଡା ପରେ ଭାଙ୍ଗୁଛନ୍ତି ଘର, ନଷ୍ଟ କରୁଛନ୍ତି ଫସଲ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୬୨୮ କୋଭିଡ୍ ପଜିଟିଭ୍
  • ||
  • ଦେବଶିଳ୍ପୀ ବିଶ୍ୱକର୍ମାଙ୍କ ପୂଜା, ଶିଳ୍ପନଗରୀରୁ ଗାଁ ଗହଳି ସବୁଠି ଉତ୍ସାହ
  • ||
  • ୭୧ ବର୍ଷରେ ପାଦ ଦେଲେ ପ୍ରଧାନମନ୍ତ୍ରୀ : ବିଜେପି କରୁଛି ୨୦ ଦିନିଆ ସେବା ସମର୍ପଣ ଅଭିଯାନ
  • ||
  • ଆଉ ଏକ ଲଘୁଚାପ : ୧୮ରୁ ବଢିବ ବର୍ଷା, ଉତ୍ତରରେ ଛେଚିବ
  • ||
  • ଭାଙ୍ଗିଗଲା ଓଭରବ୍ରିଜ୍‌ର ବିରାଟ ଖଣ୍ଡ, ୧୩ ଶ୍ରମିକ ଗୁରୁତର
  • ||
  • ଶୌଚ ପାଇଁ ଗଲା ବେଳେ ମାଡିଗଲା ଅଜଣା ଗାଡି, ୨ ମହିଳା ମୃତ
  • ||
  • ୧୨ ଘଣ୍ଟିଆ ସୁନ୍ଦରଗଡ ବନ୍ଦ, ଚକ-ଅଖ ସବୁ ଠପ୍
  • ||

କଂଗ୍ରେସ ଭାଙ୍ଗିଲା ୪୬ ବର୍ଷର ପରମ୍ପରା : ସଚ୍ଚିନ ହେବେ କି ସିକନ୍ଦର !

17/11/2018 at 3:53 PM

ଜୟପୁର ୧୭|୧୧: ରାଜସ୍ଥାନ ବିଧାନସଭା ନିର୍ବାଚନରେ କଂଗ୍ରେସର ପଲ୍ଲା ଭାରି ରହିବ କି ?  ବସୁନ୍ଧରା ରାଜେ ସିନ୍ଧିଆଙ୍କ ସିଂହାସନ ଛଡାଇନେବେ କି ସଚ୍ଚିନ ପାଇଲଟ୍ ?  ଏମିତି ପ୍ରଶ୍ନ ବେଳେ ସର୍ବେ ଆକଳନ କିନ୍ତୁ କଂଗ୍ରେସକୁ ଦେଉଛି ବେଶି ୱେଟେଜ୍ । ତେବେ ନଗଦ ଆଲୋଚନାର କାରଣଟି ହେଲା ରାଜସ୍ଥାନରେ ପ୍ରାର୍ଥୀ ଘୋଷଣା ବେଳେ ୪୬ ବର୍ଷର ପରମ୍ପରା ଭାଙ୍ଗିଛି  କଂଗ୍ରେସ ।  ଆଉ ମୁଖ୍ୟମନ୍ତ୍ରୀ ପଦବୀ ଦୌଡର ଫ୍ରଣ୍ଟ୍‌ ରନର ସଚ୍ଚିନ ପାଇଲଟଙ୍କୁ ଟୋଙ୍କ ବିଧାନସଭା ଆସନରୁ ପ୍ରାର୍ଥି କରିଛି କଂଗ୍ରେସ । ଦୀର୍ଘ ୪୬ ବର୍ଷ ହେବ ଏହି ଆସନରୁ ମୁସଲିମ୍‌ ନେତାଙ୍କୁ କଂଗ୍ରେସ ଟିକଟ୍ ଦେଇ ଆସୁଥିଲା । ଏବେ ସେଠାରେ ଲଢିବେ ପାଇଲଟ୍ । ଯଦିଓ ପାଇଲଟ କହିଛନ୍ତି, ତାଙ୍କ ଇଚ୍ଛାରେ ନୁହେଁ ସେ ଦଳର ମନୋନୟନ ଏବଂ ନିଷ୍ପତ୍ତି ଆଧାରରେ ଟୋଙ୍କ ଆସନରେ ନିର୍ବାଚନ ଲଢିବେ । ତେବେ ଏହି ସୂଚନା କିଛି ମାସ ତଳୁ ମିଳୁଥିଲା । ଟୋଙ୍କ ଜିଲ୍ଲାର ପ୍ରସିଦ୍ଧ ଦେବନାରାୟଣ ମନ୍ଦିରରେ ଭଗବାନ ବିଷ୍ଣୁଙ୍କ ଦର୍ଶନ ଲାଗି ପିତା ରାଜେଶ ପାଇଲଟଙ୍କ ସହ ଅଳ୍ପ କେଇଥର ଯାଇଥିବା ସଚ୍ଚିନ ଗତ ସେପ୍ଟେମ୍ବରରେ  ତାଙ୍କ ଦୁଇ ପୁଅ ଆରନ୍ ଓ ବେହାନଙ୍କୁ ଧରି ସେହି ମନ୍ଦିରକୁ ଦର୍ଶନ ପାଇଁ ଯାଇଥିଲେ ।

ଟୋଙ୍କରେ  ଭୋଟର ସଂଖ୍ୟା ପ୍ରାୟ ୨ ଲକ୍ଷ ୨୦ ହଜାର ହେବ । ସେଥିରୁ ମୁସଲିମ୍‌ଙ୍କ ସଂଖ୍ୟା ୪୦ ରୁ ୫୦ ହଜାର । ସେଥିଲାଗି ୧୯୭୨ରୁ ସେଠାରେ ମୁସଲିମ୍ ପ୍ରାର୍ଥି ଦେଉଛି କଂଗ୍ରେସ । କିନ୍ତୁ ବିଜେପି ସବୁବେଳେ ଆରଏସଏସ୍‌ ପୃଷ୍ଠଭୂମିର ନେତାଙ୍କୁ ଟିକଟ୍ ଦେଉଛି । ୨୦୧୪ ଓ ତାପର ଉପନିର୍ବାଚନରେ ବିଜେପି ଏହି ଆସନ ନେଇଛି । ତେବେ  ୪୧ ବର୍ଷୀୟ ପାଇଲଟ୍ଙ୍କ ଲୋକସଭା ଆସନ ମଧ୍ୟରେ ଥିବା ଟୋଙ୍କରେ ତାଙ୍କୁ ପ୍ରାର୍ଥୀ କରି କଂଗ୍ରେସ ନୂଆ ରଣନୀତି କରିଛି । କାରଣ ଟୋଙ୍କର ମୁସଲିମ ନେତାଏ ପାଇଲଟଙ୍କ  ସହ ସଂପର୍କରେ ଅଛନ୍ତି । ଏବେ ଚର୍ଚ୍ଚା ଟୋଙ୍କରୁ ଜିତି ସଚ୍ଚିନ ହେବେ ମୁଖ୍ୟମନ୍ତ୍ରୀ, ରାଜସ୍ଥାନର ଶାସନ ଡୋରି ଧରିବେ, ହେବେ ସିକନ୍ଦର ।

   Related Posts