Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ହରିୟାଣା : ଚଳନ୍ତା କାର ଉପରେ ଓଲଟି ପଡିଲା କଣ୍ଟେନର, ୩ ମୃତ
  • ||
  • ଅଷ୍ଟ୍ରେଲିଆକୁ ଆଉ ଏକ ଝଟକା, ଷ୍ଟାର୍କ ଆହତ, ପ୍ରଥମ ଟି୨୦ରୁ ପଡିବେ ବାଦ୍ !
  • ||
  • ବରଗଡ : ଟ୍ରକ୍‌ ସହ ଧକ୍କା ହେଲା ବରଯାତ୍ରୀ ବୋଲେରୋ, ୩ ମୃତ, ୪ ଗୁରୁତର
  • ||
  • ଭୁବନେଶ୍ୱର : ରାଜ୍ୟରେ ଆଉ ୫ କରୋନା ସଂକ୍ରମିତ ପ୍ରାଣ ହରାଇଲେ, ୧୭୫୫ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜଧାନୀରୁ ପୁଣି ବ୍ରାଉନସୁଗାର ଜବତ, ୪ ଗିରଫ
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୪୩୪ କରୋନା ସଂକ୍ରମିତ, ୩୨୦୦୧୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ନୂଆଦିଲ୍ଲୀ : MDH ମସଲାର ପ୍ରତିଷ୍ଠାତା ଧର୍ମପାଲ ଗୁଲାଟୀଙ୍କ ପରଲୋକ
  • ||
  • ଗୋପ : ଜୀବନ ଯୁଦ୍ଧରେ ହାରିଗଲେ କରୋନା ଯୋଦ୍ଧା, କୋଭିଡ୍ ପଜିଟିଭ୍ ହୋଇ ଶେଷ ନିଶ୍ୱାସ ତ୍ୟାଗ କଲେ ଏଏସଆଇ
  • ||
  • ସୋର : ଘରେ ପଶିଲେ ଦୁର୍ବୃତ୍ତ, ବାପ-ପୁଅଙ୍କୁ ଗୋଡାଇ ଗୋଡାଇ ହାଣିଲେ
  • ||
  • କୋରାପୁଟ : ମିଳିଲାନି ଜାମିନ୍, ନିଜ ବେକ କାଟିଦେଲେ କଏଦୀ, ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି
  • ||

ମୋଦୀଙ୍କ ୯ ମିନିଟ୍ ଓ ଦୀପ ଜଳାଇବା ଅପିଲକୁ ପ୍ରଶ୍ନ କଲା କଂଗ୍ରେସ, ଗରିବଙ୍କ ପାଇଁ ଆର୍ଥିକ ଯୋଜନା ଘୋଷଣା କରିବାକୁ ଦେଲା ଆହ୍ଵାନ

3/04/2020 at 8:03 PM

ନୂଆଦିଲ୍ଲୀ ୦୩।୦୪- ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏପ୍ରିଲ ୫ ରବିବାର ରାତି ୯ଟାରେ ଘରର ବାଲକୋନୀରେ ଦୀପ ଜଳାଇବାକୁ ଦେଶବାସୀଙ୍କୁ ଅପିଲ୍ କରିଛନ୍ତି। ପ୍ରଧାନମନ୍ତ୍ରୀଙ୍କ ଏହି ଅପିଲ୍ ପରେ ସାମାଜିକ ଗଣମାଧ୍ୟମରେ ଅନେକ ପ୍ରକାରର ପ୍ରତିକ୍ରିୟା ପ୍ରକାଶ ପାଇଛି। ଗୋଟିଏ ପଟେ ଅଧିକାଂଶ ଲୋକ ଏହାର ସମର୍ଥନ କରୁଥିବା ବେଳେ କିଛି ଲୋକ ଏହା ଉପରେ ପ୍ରଶ୍ନ ଉଠାଇଛନ୍ତି। ଏହି କ୍ରମରେ କଂଗ୍ରେସ ଆନୁଷ୍ଠାନିକ ଟୁଇଟର ଆକାଉଣ୍ଟରେ ଅନେକ୍ ଟୁଇଟ୍ କରି ମୋଦୀ ସରକାରଙ୍କ ଉପରେ ହମଲା କରିଛି।

କଂଗ୍ରେସ ଆଇସିୟୁ ବେଡ୍ସ, ଭେଣ୍ଟିଲେଟର୍ସ, ଟେଷ୍ଟ କିଟ୍ ଓ ମେଡିକାଲ ଉପକରଣର ଅଭାବକୁ ନେଇ ପ୍ରଧାନମନ୍ତ୍ରୀଙ୍କ ଅପିଲ୍ ଉପରେ ଟାର୍ଗେଟ୍ କରିଛି। କଂଗ୍ରେସ ପ୍ରଧାନମନ୍ତ୍ରୀ ମୋଦୀଙ୍କ ନଅ ମିନିଟ୍ ଓ ଦୀପ ଜଳାଇବା ଅପିଲ୍ ଉପରେ ତାତ୍ସଲ୍ୟ କରିବା ସହିତ ବ୍ୟବସ୍ଥାର  ଶୋଚନୀୟତା ଉଜାଗର କରିବାକୁ ଚେଷ୍ଟା କରିଛି।

କଂଗ୍ରେସର କହିବା କଥା ଏହି ସବୁ ପ୍ରଶ୍ନରୁ ପ୍ରଧାନମନ୍ତ୍ରୀ ମୋଦୀ ଲୁଚିବାକୁ ଚେଷ୍ଟା କରୁଛନ୍ତି। କଂଗ୍ରେସ୍ ଯେଉଁ ସବୁ ଟୁଇଟ୍ କରି ସେଥିରେ ପ୍ରଶ୍ନ ପଛରେ ପ୍ରଧାନମନ୍ତ୍ରୀ ମୋଦୀଙ୍କ ଫଟୋ ଦେଇଛି।

କଂଗ୍ରେସ ପ୍ରଶ୍ନ କରିଛି ଯେ, ଆମର ସ୍ଵାସ୍ଥ୍ୟକର୍ମୀଙ୍କୁ ସମସ୍ତ ସୁବିଧା ଉପଲବ୍ଧ କରାଇବାକୁ ବାରମ୍ବାର ଦାବି କରାଯାଉଛି। ମାତ୍ର ସରକାର ଦ୍ଵାରା ଏହାକୁ ଅଣଦେଖା କରାଯାଉଛି। ଏହି ଯୁଦ୍ଧରେ ଲଢେଇ କରୁଥିବା ଲୋକଙ୍କ ପ୍ରତି ଏମିତି ଆଭିମୁଖ୍ୟ ସେମାନଙ୍କର ଜୀବନକୁ ବିପଦରେ ପକାଇପାରେ।

କଂଗ୍ରେସ ଅନ୍ୟ ଟୁଇଟରେ ଲେଖିଛି ଯେ, ପରୀକ୍ଷଣ କ୍ଷମତାକୁ ବଢାଇବାର ଆବଶ୍ୟକତା ରହିଛି ମାତ୍ର ବର୍ତ୍ତମାନ ପରୀକ୍ଷଣ କ୍ଷମତାର ପୂରା ବ୍ୟବହାର କରାଯାଉ ନାହିଁ। ସରକାର କାହାକୁ ଅପେକ୍ଷା କରିଛନ୍ତି। ଏହା ସହିତ ଟୁଇଟରେ ପ୍ରଶ୍ନ କରାଯାଇଛି ଯେ, ସରକାର ବିଶେଷଜ୍ଞଙ୍କ କଥାକୁ କଣ ପାଇଁ ଅଣଦେଖା କରୁଛନ୍ତି ଏବଂ ଟେଷ୍ଟିଂ କ୍ଷମତା ବଢାଇବାକୁ କଣ ପାଇଁ ମନା କରୁଛନ୍ତି।

ଏହା ସହିତ କଂଗ୍ରେସ ନିଜର ପରବର୍ତ୍ତୀ ଟୁଇଟରେ ଆଇସିୟୁ ବେଡ୍, ଭେଣ୍ଟିଲେଟର ଓ ଆଇସୋଲେସନ ଓ୍ଵାର୍ଡର ସଂଖ୍ୟା ବଢାଇବା ସଂପ୍ରତି ଅତି ମହତ୍ଵପୂର୍ଣ୍ଣ ଥିବା କହିଛି। କଣ ସରକାର କ୍ଷମତା ବଢାଇବେ ଏବଂ ଏନେଇ ନିଜର ଆଭିମୁଖ୍ୟ ସ୍ପଷ୍ଟ କରିବେ କି ?

   Related Posts