Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସାଲେପୁର : ମକର ଯାତ୍ରାରୁ ନାବାଳିକାଙ୍କୁ ଟେକି ନେଇ ନଦୀପଠାରେ ଗଣଦୁଷ୍କର୍ମ, ଥାନାରେ ଏତଲା, ଭାଇରାଲ୍ ଭିଡିଓ ନେଇ ପୋଲିସର ଛାନଭିନ୍
  • ||
  • କେନ୍ଦ୍ରାପଡା : ଚିକିତ୍ସା ଅବହେଳାରୁ ରୋଗୀ ମୃତ୍ୟୁ ଅଭିଯୋଗ, ସିଡିଏମ୍‌ଓଙ୍କ କାର୍ଯ୍ୟାଳୟ ଆଗରେ ମୃତଦେହ ରଖି ପରିବାର ଲୋକଙ୍କ ଧାରଣା
  • ||
  • ବୌଦ୍ଧ : ATMରୁ ବାହାରିଲା କାଗଜ ପେଷ୍ଟ ଥିବା ୨୦ଟି ୫ଶହ ଟଙ୍କିଆ ନୋଟ୍, ଫେରସ୍ତ ନେବାକୁ ମନାକଲା ବ୍ୟାଙ୍କ୍ !
  • ||
  • ଭୁବନେଶ୍ବର : ରାଜ୍ୟରେ ବୁଧବାରଠୁ ପୁଣି ଟିକାକରଣ, ଟିକା ନେବେ ବଳକା ୧ ଲକ୍ଷ ୭୩ ହଜାର ୬୩୬ ଜଣ ସ୍ଵାସ୍ଥ୍ୟକର୍ମୀ
  • ||
  • ସମ୍ବଲପୁର : କିନ୍ନରଙ୍କଠାରୁ ୩ବର୍ଷର ଶିଶୁ କନ୍ୟାକୁ ଉଦ୍ଧାର କଲା ଚାଇଲ୍ଡ ଲାଇନ୍, ଚୋରି ସନ୍ଦେହ
  • ||
  • ଭୁବନେଶ୍ବର : STF ପଞ୍ଝାରେ ଧଳା ଜହର ବେପାରୀ, କୋଟିଏରୁ ଅଧିକ ଟଙ୍କାର ବ୍ରାଉନସୁଗାର ଜବତ
  • ||
  • ନବରଙ୍ଗପୁର : ଚଳନ୍ତା କାର୍‌ରେ ଲାଗିଲା ନିଆଁ, ଅଳ୍ପକେ ବର୍ତ୍ତିଲେ ଯାତ୍ରୀ
  • ||
  • ଢେଙ୍କାନାଳ : ହାତୀ ପୁଣି ନେଲା ଆଉ ଜଣଙ୍କ ଜୀବନ, ଶୌଚ ହେବାକୁ ଯାଇଥିବା କଚାଡି ମାରିଲା ଦନ୍ତା
  • ||
  • ବଲାଙ୍ଗୀର : ବିଚାରାଧୀନ କଏଦୀ ମୃତ, ହତ୍ୟା ମାମଲାରେ ଥିଲେ ଅଭିଯୁକ୍ତ
  • ||
  • ଶହେ ତଳକୁ ଖସିଲା ଦୈନିକ ସଂକ୍ରମିତଙ୍କ ସଂଖ୍ୟା : ରାଜ୍ୟରେ ଚିହ୍ନଟ ହେଲେ ଆଉ ୯୯ କୋଭିଡ୍ ପଜିଟିଭ୍‌, ୩୩୪୫୨୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||

ଗାନ୍ଧି-ଗଡସେ ଓ ଆରଏସଏସକୁ ନେଇ କଂଗ୍ରେସ ବିଜେପି ମୁହାଁମୁହିଁ ,ବିଧାନସଭାରେ କଳି ଦେଖୁଥିଲା ବିଜେଡି

3/08/2019 at 6:43 PM

ଭୁବନେଶ୍ବର୩|୮: ଗାନ୍ଧି, ଗଡସେକୁ ନେଇ ବିଜେପି କଂଗ୍ରେସ କଳି ତୁଟୁନି । ତିନିଦିନ ହେଲା ବିଧାନସଭାରେ କଂଗ୍ରେସ ବିଜେପି ସଦସ୍ୟମାନେ ମୁହାଁମୁହିଁ ହେଉଛନ୍ତି  । କେତେବେଳେ କଂଗ୍ରେସ ବିଜେପି କୋର୍ଟକୁ ବଲ୍ ପକାଉଛି ତ ଆଉ କେତେବେଳେ ବିଜେପି କଂଗ୍ରେସ କୋର୍ଟକୁ । ବାସ୍ ବିଜେଡି ମଜା ଦେଖୁଛି । କଂଗ୍ରେସ ନେତା ନରସିଂହ ମିଶ୍ର ଗାନ୍ଧି-ଗଡସେ ଓ ଆରଏସଏସ ଉପରେ ଟପ୍ପଣୀ ଦେଇ ହୁସକାଇ ଦେଉଛନ୍ତି । ବିଜେପି ସଦସ୍ୟମାନେ ଏହାର ପ୍ରତିବାଦ କରି କଂଗ୍ରେସ ଉପରେ ହମଲା କରୁଛନ୍ତି ।

ଗାନ୍ଧି, ଗଡସେଙ୍କୁ ନେଇ ବିଜେପି କଂଗ୍ରେସ କଳି ଆଜିର ନୁହେଁ । କିନ୍ତୁ ଏ କଳି ବିଧାନସଭାରୁ ଲୋକସଭା , କୋର୍ଟ କଚେରୀରୁ ରାଜରାସ୍ତା, ଟିଭି ଷ୍ଟୁଡିଓ ଡିବେଟରେ ସବୁବେଳେ ଥାଏ । ମୌକା ମିଳିଲେ ପରସ୍ପରକୁ ତେରଛା ବାଣ ମାରିବାକୁ ଏହି ଦୁଇଦଳ କେବେ ଭୁଲନ୍ତିନି । ଗତ ୩ ଦିନ ହେଲା ବିଧାନସଭାରେ ବି ଗାନ୍ଧି, ଗଡସେଙ୍କୁ ନେଇ କଂଗ୍ରେସ ଓ ବିଜେପି କଳି ଛିଣ୍ଡୁନି ।

ଆଜି ଶୂନ୍ୟକାଳରେ କଂଗ୍ରେସ ଦଳ ନେତା ନରସିଂହ ମିଶ୍ର ପୁରୁଣା କଥା ଉଠାଇ ବିଜେପି ଆଡକୁ ନିଶାନା ସାଧିଛନ୍ତି । କହିଛନ୍ତି ନାଥୁରାମ ଗଡସେଙ୍କୁ କିଛି ନେତା ଦେଶଭକ୍ତ କହୁଛନ୍ତି । ହେଲେ କିଛି ଲୋକେ ଗଡସେଙ୍କ ମନ୍ଦିର ବି କରିଛନ୍ତି । ତେଣୁ ବିଜେପି ସଦସ୍ୟମାନେ ଗଡସେଙ୍କୁ ମୁର୍ଦ୍ଦାବାଦ୍ ବୋଲି କହିବେ କି । ଗତକାଲି ବିରୋଧୀ ଦଳ ନେତା ପ୍ରଦୀପ୍ତ ନାଏକ କହିଥିଲେ, କଂଗ୍ରେସରେ ଥିବା ମୁସଲମାନ ନେତାମାନେ ବନ୍ଦେମାତରଂ କହନ୍ତି ନାହିଁ । ତାର ଜବାବରେ ନରସିଂହ କହିଥିଲେ ମୁଁ କଂଗ୍ରେସ ତରଫରୁ କହୁଛି ବନ୍ଦେ ମାତରଂ ଓ ଭାରତ ମାତା କି ଜୟ । କିନ୍ତୁ ମୁଁ କହୁଛି ବୋଲି ଏକଥା ଆଉ କିଏ କହିବାକୁ ବାଧ୍ୟ କରାଯାଇ ପାରିବ ନାହିଁ ।

ତେବେ ବିଜେପି ସଦସ୍ୟମାନେ ନରସିଂହଙ୍କ ଏଭଳି ମନ୍ତବ୍ୟରେ ଚିହିଁକି ଉଠିଥିଲେ । କହିଥିଲେ ଅଯଥା ପ୍ରସଙ୍ଗ ଉଠାଇ ନରସିଂହ ସମୟ ନଷ୍ଟ କରୁଛନ୍ତି । ବିରୋଧୀ ଦଳ ଉପନେତା ବିଷ୍ଣୁ ସେଠୀ ନରସିଂହଙ୍କୁ କାଉଣ୍ଟର କରିବାକୁ ଯାଇ କହିଥିଲେ ଖୋଦ୍ ଗାନ୍ଧିଜୀ ଆରଏସଏସ କ୍ୟାମ୍ପକୁ ଯାଇ ସମାଜରେ ସମାନତା କିଭଳି ହୁଏ ଦେଖି ଖୁସି ହୋଇଥିଲେ । ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀ ବି ଆରଏସଏସ ଅପିସକୁ ଯାଇ ସଂଘ କାର୍ଯ୍ୟ ସଂପର୍କରେ ଅବଗତ ହୋଇଥିଲେ । ହେଲେ କିଛି ରାଜନୈତିକ ଦଳ ପ୍ରଣବଦାଙ୍କ ଏଭଳି ନିଷ୍ପତ୍ତି ବିରୋଧ କରିଥିଲେ । କଂଗ୍ରେସ ନାଁ ନନେଇ ନରସିଂଙ୍କୁ ତେରଛା ବାଣ ମାରିଥିଲେ ବିଷ୍ଣୁ ।

ଗାନ୍ଧି-ଗଡସେ ଓ ଆରଏସଏସକୁ ନେଇ କଂଗ୍ରେସ ବିଜେପି ମୁହାଁମୁହିଁ ହେଉଥିବା ବେଳେ ବିଜେଡି ସଦସ୍ୟମାନେ କିନ୍ତୁ ଚୁପ୍ ଚାପ୍ ବସି ଦୁଇ ଦଳ ନେତାଙ୍କ କଳି ଶୁଣୁଥିଲେ ।

   Related Posts