Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କମୁଛି କରୋନା ସଂକ୍ରମଣ, ସୁସ୍ଥ ହୋଇ ଘରକୁ ଫେରିଲେ ଆଉ ୬୬୯ ଆକ୍ରାନ୍ତ
  • ||
  • ସରକାର ଓ କୃଷକଙ୍କ ମଧ୍ୟରେ ପ୍ରଥମ ବୈଠକ ବିଫଳ: ପୁଣି ଡିସେମ୍ବର ୩ରେ ଉଭୟ ପକ୍ଷ ମଧ୍ୟରେ ଆଲୋଚନା, ଜାରି ରହିବ ଆନ୍ଦୋଳନ
  • ||
  • ସୋର : ବାଇକ୍ ଉପରେ ମାଡିଗଲା କାର୍, ୩ ଗୁରୁତର
  • ||
  • କଣ୍ଟାବାଞ୍ଝି : ରାସ୍ତା କଡ ସିମେଣ୍ଟ ଖୁଣ୍ଟରେ ପିଟିହେଲା ବାଇକ୍ଦୁ, ଦୁଇ ମୃତ, ଜଣେ ଗୁରୁତର
  • ||
  • ଭଦ୍ରକ : ଟ୍ରକ୍‌କୁ ୮୭ ହଜାର ଟଙ୍କା ଫାଇନ୍, ପରମିଟ୍ ନଥାଇ ପରିବହନ ହେଉଥିଲା ଅଧିକ ଓଜନର ସାମଗ୍ରୀ
  • ||
  • ଆଠମଲ୍ଲିକ : ବାଇକ୍‌କୁ ଧକ୍କା ଦେଲା ପିକ୍‌ଅପ୍ ଭ୍ୟାନ୍, ଦୁଇ ବାଇକ୍ ଆରୋହୀଙ୍କ ମୃତ୍ୟୁ
  • ||
  • ସୋର : ଟ୍ରକ୍ ଚାପାରେ ମା’ ମୃତ, ବାପା-ପୁଅ ଗୁରୁତର
  • ||
  • ସାନଖେମୁଣ୍ଡି : ଦାଦା ବଟି ମାଗିବା ଅଭିଯୋଗରେ ଯୁବକ ଗିରଫ, ମାଉଜର ଓ ଅଫୁଟା ଗୁଳି ଜବତ
  • ||
  • ରାଜ୍ୟରେ ଆଉ ୫ କରୋନା ସଂକ୍ରମିତ ପ୍ରାଣ ହରାଇଲେ, ୧୭୪୪ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ୩୭୮ କରୋନା ସଂକ୍ରମିତ, ୩୧୯୧୦୩ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||

ଚନ୍ଦ୍ରଯାନ-୨: ଶାହାରୁକ ଖାନ ଲେଖିଲେ- ଚାନ୍ଦ ତାରେ ତୋଡ୍‌ ଲାଓ….ସାରେ ଦୁନିଆ ପର୍‌ ମେ ଚାହୁଁ, ପ୍ରଧାନମନ୍ତ୍ରୀ ପରଦାରେ ଦେଖିଲେ ଐତିହାସିକ ସଫଳତାର ଦୃଶ୍ୟ

22/07/2019 at 8:34 PM

ଶ୍ରୀହରିକୋଟା୨୨|୭: ଆଜିର ଉତକ୍ଷେପଣ ପରେ ଇସ୍ରୋ ବୈଜ୍ଞାନିକ ଓ ଭାରତୀୟ ମହାକାଶ ଗବେଷଣା ସଂସ୍ଥାକୁ ଚାରିଆଡୁ ଛୁଟିଛି ଶୁଭେଚ୍ଛାର ସୁଅ। ପ୍ରଧାନମନ୍ତ୍ରୀ ନିଜ କାର୍ଯ୍ୟାଳୟରୁ ଏହାର ଉତ୍‌କ୍ଷେପଣ ଟିଭିରେ ଦେଖୁଥିବା ବେଳେ ସେ ମଧ୍ୟ ଖୁସିରେ ଉତ୍‌ଫୁଲ୍ଲିତ ହୋଇଥିଲେ।

ଠିକ୍‌ ୨ଟା ୪୩ରେ ଚନ୍ଦ୍ର ଅଭିମୁଖେ ଅଭିଯାନ ଆରମ୍ଭ କରିଥିଲା ଚନ୍ଦ୍ରଯାନ-୨ ।  ସାରା ଦେଶର ନଜର ରହିଥିଲା ଟିଭି ପରଦା ଉପରେ। ପ୍ରାରମ୍ଭିକ ସଫଳତା ମିଳିଛି ପୃଥିବୀ କକ୍ଷପଥରେ ପହଞ୍ଚିଛି ଚନ୍ଦ୍ରଯାନ । ଗୋଟିଏ ପଟେ ବୈଜ୍ଞାନିକମାନେ ପରସ୍ପରକୁ ବଧେଇ ଜଣାଉଥିଲେ ଆଉ ଦେଶବାସୀ ମଧ୍ୟ କୁରୁଳି ଉଠିଥିଲେ।

ସାରା ବିଶ୍ବରୁ ଇସ୍ରୋ ବୈଜ୍ଞାନକଙ୍କୁ ଛୁଟିଛି ଶୁଭେଚ୍ଛାର ସୁଅ । ରାଷ୍ଟ୍ରପତି, ପ୍ରଧାନମନ୍ତ୍ରୀ ଗୃହମନ୍ତ୍ରୀ , ପ୍ରତିରକ୍ଷାମନ୍ତ୍ରୀ ତଥା ବିଭିନ୍ନ ମହଲରୁ ଚନ୍ଦ୍ରଯାନ ମିଶନ ସଫଳତାକୁ ନେଇ ଟ୍ବିଟ୍‌ ମାଧ୍ୟମରେ ଅଭିନନ୍ଦନ କରିଛନ୍ତି । 

ରାଷ୍ଟ୍ରପତି ରାମନାଥ କୋବିନ୍ଦ ନିଜ ଟ୍ବିଟ୍‌ ପେଜ୍ ରେ ଲେଖିଛନ୍ତି ଏହା ଆମ ଦେଶ ପାଇଁ ଐତିହାସିକ ସଫଳତା । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସାଉଥ୍‌ ବ୍ଲକ୍ ଅଫିସରେ ଛିଡା ହୋଇ ଟିଭି ପରଦାରେ ଦେଖୁଥିଲେ ମିଶନର ପ୍ରତିଟି ସେକେଣ୍ଡ ଅପଡେଟ୍‌। ଆଉ ପ୍ରଥମ ପର୍ଯ୍ୟାୟ ସଫଳ ହେବା ପରେ ସେ ଖୁସିରେ ଉଛୁଳି ପଡ଼ିଥିଲେ। 

ମୋଦି ଟ୍ବିଟ କରିଛନ୍ତି ଚନ୍ଦ୍ରଯାନ-୨ର ସଫଳ ଉତକ୍ଷେପଣ ୧୩୦ କୋଟି ଭାରତୀୟଙ୍କ ପାଇଁ ଗର୍ବର ବିଷୟ । ସେହିପରି ବଲିଉଡ୍‌ ସୁପର ଷ୍ଟାର ଶାହରୁଖ ଖାନ ଲେଖିଛନ୍ତି ଚାନ୍ଦ ତାରେ ତୋଡ୍‌ ଲାଓ….ସାରେ ଦୁନିଆ ପର୍‌ ମେ ଚାହୁଁ ….

ସେହିପରି  ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ  ଓ ପୂର୍ବତନ ପ୍ରତିରକ୍ଷା ମନ୍ତ୍ରୀ ତଥା କେନ୍ଦ୍ର ଅର୍ଥମନ୍ତ୍ରୀ ନିର୍ମାଳା ସୀତରମଣ ପୂରା ଟିମ୍‌କୁ ଅଭିନନ୍ଦନ ଜଣାଇଛନ୍ତି । ଶ୍ରୀହରିକୋଟା ଉତକ୍ଷେପଣ କେନ୍ଦ୍ର ଗ୍ୟାଲେରିରେ ଥିବା  ସଦଗୁରୁ ଇସ୍ରୋ ବୈଜ୍ଞାନକଙ୍କ ପ୍ରତିଭାର ପ୍ରଶଂସାରେ ଅଭିଭୁତ ହୋଇଥିଲେ। ଏବେ ନଜର କେବେ ଚନ୍ଦ୍ରରେ ଚନ୍ଦଯାନ ଅବତରଣ କରିବ।  

   Related Posts