Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କମୁଛି କରୋନା ପ୍ରଭାବ: ୨୪ ଘଣ୍ଟାରେ ସୁସ୍ଥ ହୋଇ ଘରକୁ ଫେରିଲେ ୬୪୮ ସଂକ୍ରମିତ
  • ||
  • ଲଭ୍‌ ଜିହାଦ ଉପରେ ଅଧ୍ୟାଦେଶ ପାରିତ କଲା ୟୁପି କ୍ୟାବିନେଟ୍‌, ଧୋକା-ଧମକ ଦେଇ ଧର୍ମ ପରିବର୍ତ୍ତନ କରାଇଲେ ୧୦ ବର୍ଷ ଜେଲ୍‌
  • ||
  • ଅତ୍ୟଧିକ କାମର ବୋଝ ସହିନପାରି ଆଖି ବୁଜିଲେ ବାପା: ଉପର ଅଧିକାରୀଙ୍କ ବିରୋଧରେ ସଂଗୀନ ଅଭିଯୋଗ ଆଣିଲେ ଝିଅ, କହିଲେ…
  • ||
  • Snack Video ସମେତ ପୁଣି ୪୩ଟି ମୋବାଇଲ୍‌ ଆପ୍‌ ବ୍ୟାନ୍‌ କଲେ ଭାରତ ସରକାର
  • ||
  • ୨ ବାରହା ଶିକାରୀ ଗରିଫ: ମାଂସ ଭାଗବଣ୍ଟା ବେଳେ ମାଡି ବସିଲେ ବନ ବିଭାଗର କର୍ମଚାରୀ
  • ||
  • କରୋନାରେ ଜୀବନ ହାରିଥିବା ଠିକାଦାରଙ୍କୁ ଆର୍ଥିକ ସହାୟତା ଦେଲା ଠିକାଦାର ସଂଘ
  • ||
  • ୧୦ ଡଲାରରୁ କମ୍‌ ମୂଲ୍ୟରେ ମିଳିବ ଋଷ କରୋନା ଭ୍ୟାକ୍‌ସିନ Sputnik V, ଜାନୁଆରୀରୁ ଆରମ୍ଭ ହେବ ଡେଲିଭରି
  • ||
  • ହାଇଓ୍ବା ଧକ୍କାରେ ଜଣେ ଶିଶୁଙ୍କ ସମେତ ୬ ଜଣଙ୍କ ମୃତ୍ୟୁ: ଚାଲି ଚାଲି ଯିବା ବେଳେ ପଛରୁ ମାଡିଗଲା
  • ||
  • ଭୁବନେଶ୍ୱର : ପୁରୀ ହାଜତ ମୃତ୍ୟୁ ଘଟଣାର ବିଚାର ବିଭାଗୀୟ ତଦନ୍ତ ନିର୍ଦ୍ଦେଶ
  • ||
  • ଯୋଜନାବଦ୍ଧ ଲୁଟ୍ : ସାଙ୍ଗଙ୍କୁ ଲଗାଇ ଡକାୟତି କରାଇଥିଲା IIFL କର୍ମଚାରୀ ଲାଲା ଅମ୍ରିତ ରାୟ
  • ||

କରୋନା ସଙ୍କଟ ସମୟରେ ଏହି ଦେଶରେ ବ୍ୟାପିଲା ଆଉ ଏକ ମହାମାରୀ : ୪ଜଣଙ୍କ ମୃତ୍ୟୁ

2/06/2020 at 10:08 AM

କରୋନା ଭାଇରସ୍ ସଙ୍କଟ ସମୟରେ କଙ୍ଗୋରେ ଆଉ ଏକ ଭୟାନକ ରୋଗ ବ୍ୟାପିବା ଆରମ୍ଭ ହୋଇଗଲାଣି। ଏଥର ଡେମୋକ୍ରେଟିକ୍ ରିପବ୍ଲିକ୍ ଅଫ୍ କଙ୍ଗୋର ପଶ୍ଚିମ ସହରରେ ଏହି ରୋଗ ଯୋଗୁଁ ୪ଜଣଙ୍କ ମୃତ୍ୟୁ ହୋଇ ସାରିଲାଣି। ଏବେ ୨ଜଣଙ୍କ ଚିକିତ୍ସା ଚାଲିଛି। କଙ୍ଗୋରେ ବ୍ୟାପିଥିବା ଏହି ରୋଗକୁ ନେଇ ବିଶ୍ବ ସ୍ବାସ୍ଥ୍ୟ ସଙ୍ଗଠନର ମୁଖ୍ୟ ଜଣାଇଛନ୍ତି।

କଙ୍ଗୋର ପଶ୍ଚିମ ଅଞ୍ଚଳରେ ସ୍ଥିତ ବାଣ୍ଡାକା ସହରରେ ଇବୋଲା ମହାମାରୀ ବ୍ୟାପିବା ଆରମ୍ଭ ହୋଇଗଲାଣି। ଏହା କାରଣରୁ ଏଠାରେ ୪ଜଣଙ୍କ ମୃତ୍ୟୁ ହୋଇ ସାରିଲାଣି। ୨୦୧୮ମସିହା ପରେ ଏବେ ପୁଣି ଥରେ ଏହି ରୋଗ କଙ୍ଗୋର ଦ୍ବିତୀୟ ଭାଗରେ ପହଞ୍ଚି ସାରିଛି। ଏହା ପୂର୍ବରୁ ଇବୋଲା କେବଳ ପୂର୍ବ ଅଞ୍ଚଳକୁ ପ୍ରଭାବିତ କରିଥିଲା।

ବାଣ୍ଡାକା ସହରରେ ୬ଜଣ ଇବୋଲା ଭାଇରସ​‌ରେ ସଂକ୍ରମିତ ଥିବା ଜଣା ପଡ଼ିଛି। ଏଥିରେ ୪ଜଣଙ୍କ ମୃତ୍ୟୁ ହୋଇସାରିଛି। ବାଣ୍ଡାକା ଏକ ବ୍ୟାବସାୟିକ ସହର। ଏଠାରେ ପାଖାପାଖି ୧୫ଲକ୍ଷ ଲୋକ ରୁହନ୍ତି। ଏହି ସହର କଙ୍ଗୋ ନଦୀ କୂଳରେ ଅବସ୍ଥିତ।

ବାଣ୍ଡାକା ସହର ପୂର୍ବ ଅଞ୍ଚଳରେ ଥିବା ସହର ଉତ୍ତର କିବୁ ସହରରୁ ପାଖାପାଖି ୧୦୦୦କିଲୋମିଟର ଦୂରରେ ଅବସ୍ଥିତ। ଉତ୍ତର କିବୁ ସହର ଉଗାଣ୍ଡା ସୀମା ନିକଟରେ ଅବସ୍ଥିତ। ଏଠାରେ ଇବୋଲା ଯୋଗୁଁ ଏବେ ସୁଦ୍ଧା ୨୨୦୦ଲୋକଙ୍କ ମୃତ୍ୟୁ ହୋଇ ସାରିଛି।

୧୯୭୬ମସିହାରେ କଙ୍ଗୋରେ ଇବୋଲାର ପ୍ରଥମ ସଂକ୍ରମଣ ବ୍ୟାପିଥିଲା। ଏହା ପରଠୁ ଗତ ୪୪ବର୍ଷରେ ଇବୋଲା କଙ୍ଗୋ ଦେଶରେ ୧୧ଥର ପ୍ରବେଶ କରିଛି ଏବଂ ହଜାର ଲୋକଙ୍କୁ ମୃତ୍ୟୁମୁଖରେ ପହଞ୍ଚାଇ ସାରିଛି। ବାଣ୍ଡାକାରେ ଇବୋଲା ପ୍ରଥମ ଥର ୨୦୧୮ମସିହାରେ ସାମନାକୁ ଆସିଥିଲା।

 କଙ୍ଗୋର ସ୍ବାସ୍ଥ୍ୟ ମନ୍ତ୍ରୀ ଇଟେନି ଲୋଙ୍ଗୋଡ଼ୋ କହିଛନ୍ତି ଯେ ଆମେ ବହୁତ ଶୀଘ୍ର ଭ୍ୟାକସିନ୍ ଏବଂ ଔଷଧ ପଠାଉଛୁ। ଇବୋଲା ଭାଇରସ୍ ଯୋଗୁଁ ମନୁଷ୍ୟଙ୍କୁ ହେମୋରେଜିକ୍ ଫିବର ହୋଇଥାଏ। ଏହା ପରେ ରୋଗୀଙ୍କୁ ବାରମ୍ବାର ବାନ୍ତି ହୋଇଥାଏ ଏବଂ ସେ ଡାଇରିଆର ଶିକାର ହୋଇଥାଏ।

କଙ୍ଗୋରେ ଏବେ ମିଳିମିଳା ଏବଂ କରୋନା ଭାଇରସ୍ ମଧ୍ୟ ବ୍ୟାପି ସାରିଛି। ମିଳିମିଳା ଯୋଗୁଁ ୬୦୦୦ ଏବଂ କରୋନା ଯୋଗୁଁ ୭୧ଜଣଙ୍କ ମୃତ୍ୟୁ ହୋଇ ସାରିଛି। କରୋନା ଯୋଗୁଁ କଙ୍ଗୋରେ ପାଖାପାଖି ୩୦୦୦ ସଂକ୍ରମିତ ଥିବା ଜଣା ପଡ଼ିଛି।

   Related Posts