Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଅଭିଯୁକ୍ତ ଅଭିଜିତକୁ ମିଳିଲା ସର୍ତ୍ତମୂଳକ ଜାମିନ୍ : ୨୮ତାରିଖରେ କୋଣାର୍କ ଥାନାରେ ହେବ ହାଜର

20/09/2018 at 4:42 PM

ନୂଆଦିଲ୍ଲୀ ୨୦|୯:  ଓଡିଶା ସଂପର୍କରେ ଅପମାନଜନକ ମନ୍ତବ୍ୟ ଦେଇ ଗିରଫ ହୋଇଥିବା ଅଭିଜିତ ଆୟାର ମିତ୍ରକୁ ଦିଲ୍ଲୀର ସାକେତ କୋର୍ଟ ଟ୍ରାଞ୍ଜିଟ୍ ଜାମିନ ପ୍ରଦାନ କରିଛନ୍ତି । ଓଡିଶା ପୁଲିସ ଆବଶ୍ୟକୀୟ ତଥ୍ୟ ଓ ପ୍ରମାଣ ଉପସ୍ଥାପନ କରିପାରିନଥିବାରୁ ଅଭିଜିତକୁ ଏକ ଲକ୍ଷ ଟଙ୍କା ସିୟୋରିଟି ସର୍ତ୍ତରେ ବିଚାରପତି ମନୀଶ ଖୁରାନିଆ ଟ୍ରାଞ୍ଜିଟ୍ ଜାମିନ ପ୍ରଦାନ କରିଛନ୍ତି । ଫଳରେ ଅଭିଜିତକୁ ତିନି ଦିନିଆ ରିମାଣ୍ଡରେ ନେବା ପାଇଁ ଚାହୁଁଥିବା ଓଡିଶା ପୋଲିସକୁ ଝଟକା ଲାଗିଛି । ତେବେ ଆସନ୍ତା ୨୮ତାରିଖରେ କୋଣାର୍କ ଥାନାରେ ହାଜର ହେବା ପାଇଁ ଅଭିଜିତଙ୍କୁ ଅଦାଲତ ନିର୍ଦ୍ଦେଶ ଦେଇଛନ୍ତି ।

ସୂଚନା ଯୋଗ୍ୟ ଯେ କୋଣାର୍କ ସଂପର୍କରେ ଦେଇଥିବା ଅରୁଚିକର ମନ୍ତବ୍ୟ ପରିପ୍ରେକ୍ଷୀରେ ଅଭିଜିତ ଆୟାରଙ୍କ ବିରୋଧରେ କୋଣାର୍କ ଥାନାରେ ଏକ ମାମଲା ରୁଜୁ ହୋଇଥିଲା । ସେହିଭଳି ଚିଲିକାରେ ପରିବେଶ ଆଇନ ଉଲଂଘନ କରିଥିବା ନେଇ ଅରଖକୁଦ ଥାନାରେ ଆଉ ଏକ ମାମଲା ରୁଜୁ ହୋଇଥିଲା । ଏପରିକି ପୁଲିସ ନିକଟରେ ହାଜର ହେବା ପାଇଁ ମଧ୍ୟ ପୁରୀ ପୋଲିସ ଜାରି କରିଥିବା ସମନକୁ ମଧ୍ୟ ଅଭିଜିତ ଖାତିର କରିନଥିଲେ । ଫଳରେ ପୁରୀ ଓ କୋଣାର୍କର ଦୁଇଜଣ ପୁଲିସ ଅଧିକାରୀ ଅଭିଜିତଙ୍କୁ ଗିରଫ କରିବା ପାଇଁ ଦିଲ୍ଲୀ ଯାଇଥିଲେ । ଆଜି ନିଜାମୁଦ୍ଦିନ ଥାନା ମାଧ୍ୟମରେ ସମନ ଜାରି କରି ଅଭିଜିତଙ୍କୁ ଥାନାକୁ ଡକାଯାଇଥିଲା । ପଚରା ଉଚରା ପରେ ତାଙ୍କୁ ଗିରଫ କରି ସାକେତ କୋର୍ଟରେ ହାଜର କରାଯାଇଥିଲା ।

   Related Posts