Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଶ୍ବକେଶନ ହରିଚନ୍ଦନ ମହାପାତ୍ର ହେଲେ ପିପିଲି କଂଗ୍ରେସ ପ୍ରାର୍ଥୀ
  • ||
  • ମହାରାଷ୍ଟ୍ର ସ୍ଥିତି ସଙ୍ଗୀନ: ୨୪ ଘଣ୍ଟାରେ ୭୭୩ ମୃତ, ୬୬୮୩୬ ନୂଆ ସଂକ୍ରମିତ ଚିହ୍ନଟ
  • ||
  • ବିଶ୍ବକେତନ ହରିଚନ୍ଦନ ମହାପାତ୍ର ହେଲେ ପିପିଲି କଂଗ୍ରେସ ପ୍ରାର୍ଥୀ
  • ||
  • ରାଜ୍ୟରେ ସୁସ୍ଥ ହେଲେ ଆଉ ୨୪୫୨ ଆକ୍ରାନ୍ତ, କିନ୍ତୁ ସଂକ୍ରମଣ ବୃଦ୍ଧିରେ ଲାଗୁନି ରୋକ୍‌
  • ||
  • କମ୍ବିଂ ବେଳେ ଏସ୍‌ଓଜି ଯବାନ-ମାଓବାଦୀ ମୁହାଁମୁହିଁ, ଗୁଳି ବିନିମୟରେ ମାଓବାଦୀ ମୃତ !
  • ||
  • ସାଲେପୁର : ଡାକ ଘରେ ଚାଲିଥିଲା ଭୋଜି ଭାତର ଆୟୋଜନ, ୩ ହଜାର ଟଙ୍କା ତଣ୍ଡ ଗଣିଲେ କର୍ମଚାରୀ
  • ||
  • ନୀଳଗିରି : ପୋଖରୀରେ ଗାଧୋଇବା ବେଳେ ଖସିଗଲା ଗୋଡ, ଚାଲିଗଲା ନାବାଳିକାଙ୍କ ଜୀବନ
  • ||
  • ସାନଖେମୁଣ୍ଡି : ବେଆଇନ ମଦ ବିକ୍ରିକୁ ନେଇ ଜନ ଅସନ୍ତୋଷ, ଥାନା ସମ୍ମୁଖରେ ବିକ୍ଷୋଭ ପ୍ରଦର୍ଶନ
  • ||
  • କର୍ଲାମୁଣ୍ଡା : ୨ ହଜାର ଟଙ୍କା ଲାଞ୍ଚ ନେବା ବେଳେ ଧରାପଡିଲେ ରାଜସ୍ବ ନିରୀକ୍ଷକ
  • ||
  • ଆନନ୍ଦପୁର : ଯୁକ୍ତ ୨ ପରୀକ୍ଷା ବାତିଲ ଦାବିରେ ୨ଟି ମହାବିଦ୍ୟାଳୟ ଛାତ୍ରଙ୍କ ରାସ୍ତାରୋକ
  • ||

ସରକାର କା ମାଲ…ରାଜ୍ୟର ପ୍ରାଥମିକ ବିଦ୍ୟାଳୟରେ ଖତ ଖାଉଛି କମ୍ପ୍ୟୁଟର

10/07/2019 at 7:15 PM

ଭଦ୍ରକ ୧୦/୭: ଭଦ୍ରକ ଜିଲ୍ଲାର ଅନେକ ପ୍ରାଥମିକ ବିଦ୍ୟାଳୟରେ ଖତ ଖାଉଛି କମ୍ପ୍ୟୁଟର । ସ୍କୁଲରେ ବିଦ୍ୟୁତ୍ ସଂଯୋଗ ନାହିଁ କି କମ୍ପ୍ୟୁଟର ଶିକ୍ଷକ ନାହାନ୍ତି ।  ଏହି ଖବର ନ୍ୟୁଜ7ରେ ପ୍ରସାରଣ ପରେ ବିଭିନ୍ନ ମହଲରେ ପ୍ରତିକ୍ରିୟା ପ୍ରକାଶ ପାଇଛି । ପ୍ରାଥମିକ ସ୍କୁଲରେ କମ୍ପ୍ୟୁଟର ବର୍ଷ ବର୍ଷ ପଡି ରହି ଖତ ହେବା  ଖବରକୁ ସାଧାରଣ ଲୋକେ ହଜମ କରି ପାରୁ ନାହାନ୍ତି । ଭଦ୍ରକ ରାହାଞ୍ଜ ଏବଂ ଅସୁରା ସ୍କୁଲରେ କମ୍ପ୍ୟୁଟର ସବୁ କେମିତି କଭର ଘୋଡ଼ା ହୋଇ ଥୁଆହୋଇଛି ଚାଲନ୍ତୁ ଦେଖିବା।

କ୍ଲାସ ରୁମ୍ ଭିତରେ କଭର ଘୋଡ଼ା ହୋଇ ଥୁଆ ହୋଇଛି କଂପ୍ୟୁଟର ।  ଟେବୁଲରେ ଲାଇନ ହୋଇ ରହିଛି ଛଅଟି କଂପ୍ୟୁଟର ଓ ଗୋଟିଏ  ପ୍ରିଣ୍ଟର ।  ଏତକ କିଣା ଯାଇଛି ସାଢେ ତିନି ଲକ୍ଷ ଟଙ୍କାରେ । ସାଂସଦ ଅନୁଭବ ମହାନ୍ତିଙ୍କ ହାତପାଣ୍ଠିରୁ ଏହି କଂପ୍ୟୁଟର କିଣାଯାଇଛି । ଦେଖନ୍ତୁ କେମିତି ବହଳ ବହଳ ମଇଳା ଜମିଗଲାଣି ଏସବୁ ସାମଗ୍ରୀ ଉପରେ । ଭଦ୍ରକ ସଦର ବ୍ଲକ ରାହାଂଜ ଓ ଅସୁରା ପ୍ରାଥମିକ ବିଦ୍ୟାଳୟରେ  ଏହି ସବୁ କଂପ୍ୟୁଟର ଖତ ହେଉଛି ।  ସ୍କୁଲରେ  ବିଦ୍ୟୁତ୍ ସଂଯୋଗ ନାହିଁ  । କମ୍ପ୍ୟୁଟର ଟିଚର ବି ନାହାଁନ୍ତି ।

ବିଦ୍ୟାଳୟକୁ କଂପ୍ୟୁଟର ଦେଇଦେଲେ କାମ ସରିଲା ।  ଚାଲୁଛି କି ନାହିଁ, କେମିତି ଚାଲୁଛି କିଏ ଚଳାଉଛି , ସେ କଥା ତଦାରଖ କରି ନାହିଁ ଭଦ୍ରକ ଜିଲ୍ଲା ପ୍ରଶାସନ । ଟେଣ୍ଡର ହୋଇ କଂପ୍ୟୁଟର କିଣାଯାଇଛି ବୋଲି ଜିଲ୍ଲାପାଳ କହୁଛନ୍ତି  । ତେବେ କାହା ପାଇଁ କିଣାଯାଇଛି , କିଏ ଉପକୃତ ହେଉଛି ସେ କଥା ବୁଝିବାକୁ କାହାର ବେଳ ନାହିଁ । ବିଦ୍ୟୁତ ସଂଯୋଗ, କଂପ୍ୟୁଟର ଶିକ୍ଷକ ନଥିବା ସ୍କୁଲକୁ ସାଢ଼େ ୩ ଲକ୍ଷ ଟଙ୍କାର କମ୍ପ୍ୟୁଟର ଦେବାକୁ ସାଂସଦଙ୍କୁ କିଏ କହିଥିଲା, ସେକଥା ବି ଜଣା ନାହିଁ ।

 

   Related Posts