Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁଣି ନକଲି ଘିଅ କାରଖାନାରେ ରେଡ୍‌, ମାଲିକ ଫେରାର
  • ||
  • ବିଧାନସଭା ଆଗରେ ମାଆ ଓ ପୁଅଙ୍କ ଆତ୍ମାହୁତି ଉଦ୍ୟମ ଘଟଣା: ସ୍ପଷ୍ଟୀକରଣ ରଖିଲା ଜଗତସିଂହପୁର ପୋଲିସ
  • ||
  • ଲିଭର ପ୍ରତ୍ୟାରୋପଣ ପାଇଁ ସମ୍‌ ହସ୍ପିଟାଲ ଓ ଏସିଆନ ଇନ୍‌ଷ୍ଟିଚ୍ୟୁଟ୍‌ ଅଫ ଗ୍ୟାଷ୍ଟ୍ରୋଏନଟେରୋଲୋଜି (ଏଆଇଜି ) ମଧ୍ୟରେ ବୁଝାମଣା ସ୍ଵାକ୍ଷରିତ
  • ||
  • ଆନ୍ଦୋଳନରତ କୃଷକଙ୍କୁ ଗୃହ ମନ୍ତ୍ରୀ ଶାହାଙ୍କ ସନ୍ଦେଶ, ସରକାର ଆପଣଙ୍କ ଦାବି ଓ ସମସ୍ୟା ଉପରେ ଆଲୋଚନା କରିବାକୁ ପ୍ରସ୍ତୁତ
  • ||
  • ଡିସେମ୍ବର ମାସ ପାଇଁ ଗାଇଡ୍‌ ଲାଇନ୍ ଜାରି କଲେ ରାଜ୍ୟ ସରକାର
  • ||
  • ଭାଇ ହେଲା ଭଗାରୀ: ଜମିବାଡି ଲୋଭରେ ନିଜ ରକ୍ତ ସଂପର୍କର ଭାଇ-ପୁତୁରାକୁ ଦେଲା ହାଣି
  • ||
  • ଅଭୟକାନ୍ତଙ୍କ ଲିଙ୍କ୍‌ର ଖୋଳତାଡ଼: ସମସ୍ତଙ୍କୁ ଯିବ ନୋଟିସ୍, କିଏ ବଫାଦାର- କିଏ ଗଡ଼ ଫାଦର?
  • ||
  • ପରୀ ହତ୍ୟା ମାମଲା: ଅରୁଣ ବୋଥ୍ରାଙ୍କ ନେତୃତ୍ବରେ ୫ ଜଣିଆ ଏସ୍‌ଆଇଟି ଟିମ୍‌ ଗଠିତ, ହାଇକୋର୍ଟଙ୍କୁ ଅବଗତ କଲେ ସରକାର
  • ||
  • ସୋର : ବେଙ୍ଗାଲୁରୁରୁ ଲୁଟ୍ ହୋଇଥିବା ୪ଲକ୍ଷ ଟଙ୍କା ମିଳିଲା ଚାଉଳ ଡବାରୁ
  • ||
  • ତେଲକୋଇ : ମଞ୍ଚାରେ ଶୋଇଥିବା ବେଳେ ଲାଗିଗଲା ନିଆଁ, ପୋଡି ହୋଇ ମହିଳା ଗୁରୁତର
  • ||

ମଧ୍ୟପ୍ରଦେଶ: କମ୍ପ୍ୟୁଟର ବାବା ଗିରଫ, ଇନ୍ଦୋର ଆଶ୍ରମ ଉପରେ ଚାଲିଲା ବୁଲଡୋଜର

8/11/2020 at 4:48 PM

ଇନ୍ଦୋର ୮।୧୧: କମ୍ପ୍ୟୁଟର ବାବା ଓରଫ ନାମଦେବ ଦାସ ତ୍ୟାଗୀଙ୍କ ବିରୋଧରେ ଇନ୍ଦୋର ପ୍ରଶାସନ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରିଛି। ବାବାଙ୍କ ସମେତ ୪ ସହଯୋଗୀଙ୍କୁ ଅଟକ ରଖି ପ୍ରଶାସନ ତାଙ୍କ ଆଶ୍ରମ ଉପରେ ରବିବାର ବୁଲଡୋଜର ଚଲାଇଦେଇଛି। ବାବା ଇନ୍ଦୋର ଏୟାରପୋର୍ଟ ରୋଡରେ ୪୬ ଏକର ଜମି ଜବରଦଖଲ କରି ଏଥିରୁ ୨ ଏକରରେ ଆଶ୍ରାମ ନିର୍ମାଣ କରି ରହୁଥିଲେ। ଏଥିଲାଗି ପ୍ରଶାସନ ପୂର୍ବରୁ ବାବାଙ୍କୁ ନୋଟିସ ଜାରି କରି ଜବରଦଖଲ ଜମି ବାବଦରେ ପ୍ରମାଣ ଉପସ୍ଥାପନ ଲାଗି ମଧ୍ୟ କହିଥିଲେ। ହେଲେ ବାବା ପ୍ରାଶାସନ ନୋଟିର ଜବାବ ଦେଉନଥିଲେ।

ବାବା ଅବୈଧ ଜମି ଜବରଦଖଲ କରିଥିବା ପ୍ରଶାସନ ସ୍ପଷ୍ଟ ହେବା ପରେ ରବିବାର ଉଚ୍ଛେଦ ଅଭିଯାନ ହାତକୁ ନେଇଛି। ତେବେ ସରକାରୀ ଜମିରୁ ଜବରଦଖଲ ଉଚ୍ଛେଦ ବେଳେ ବାବା ଅଥବା ଆଶ୍ରମ ଅନ୍ତେବାସୀଙ୍କ ପକ୍ଷରୁ ବିରୋଧ ଆଶଙ୍କାରେ ପୋଲିସ ବାବା ଓ ତାଙ୍କ  ୪ ସହଯୋଗୀଙ୍କୁ ପୂର୍ବରୁ ଗିରଫ କରି ସତର୍କତାମୂଳକ ଅଟକ ରଖିଥିବା ଜଣାପଡିଛି।

ରାଜନୀତିରେ ବି ରହିଛି ବାବାଙ୍କ ଋଚି
କମ୍ପ୍ୟୁଟର ବାବା ଭାବେ ମଧ୍ୟପ୍ରଦେଶରେ ଜଣାଶୁଣା ନାମଦେଭ ଦାସ ତ୍ୟାଗୀ ରାଜନୀତିରେ ମଧ୍ୟ ବେଶ ଋଚି ରଖନ୍ତି। ନିକଟରେ ସେ ଶିବରାଜ ସିଂହ ସରକାରଙ୍କ ବିରୋଧରେ ‘ଲୋକତନ୍ତ୍ର’ ବଞ୍ଚାଅ ଯାତ୍ରା କାର୍ଯ୍ୟକ୍ରମ ହାତକୁ ନେଇଥିଲେ। ଗତ ଲୋକସଭା ନିର୍ବାଚନରେ ବାବା ସଧ୍ୱୀ ପ୍ରଜ୍ଞା ସିଂହଙ୍କୁ ମଧ୍ୟ ବିରୋଧ କରିଥିଲେ। ଏହା ଛଡା ସେ ଦିଗବିଜୟ ସିଂହଙ୍କ ଲାଗି ଯଜ୍ଞ ମଧ୍ୟ କରିଥିବାର ଗଣମାଧ୍ୟମରେ ବେଶ ଚର୍ଚ୍ଚା ହୋଇଥିଲା।

ବାବାଙ୍କୁ ୨୦୧୮ରେ ରାଜନୀତିକୁ ଆଣିଥିଲେ ଶିବରାଜ
ନାମଦେବ ଦାସ ତ୍ୟାଗୀ ପୂର୍ବରୁ ଯଦିଓ ରାଜ୍ୟ ରାଜନୀତିରେ ଋଚି ରଖୁଥିଲେ ହେଲେ ସକ୍ରିୟ ରାଜନୀତି କରୁନଥିଲେ। ଗତ ୨୦୧୮ ମସିହାରେ ବିଜେପି ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ ତାଙ୍କୁ ପ୍ରତ୍ୟକ୍ଷ ରାଜନୀତିକୁ ଆଣିଥିଲେ। ନର୍ମଦା ବନିକରଣ ଅନିୟମିତତା ମାମଲାର ତଦନ୍ତ ଲାଗି ଶିବରାଜ ଗଠନ କରିଥିବା କମିଟିରେ ବାବାଙ୍କୁ ସାମିଲ କରି ତାଙ୍କୁ ରାଷ୍ଟ୍ରମନ୍ତ୍ରୀ ପାହ୍ୟା ପ୍ରଦାନ କରିଥିଲେ। ଏଥିରୁ ବାବା ପ୍ରତ୍ୟକ୍ଷ ରାଜନୀତିରେ ସାମିଲ ହେବା ସହ କଂଗ୍ରେସକୁ ସମର୍ଥନ କରୁଥିଲେ।

ଦିଗବିଜୟ କହିଲେ ଉଦ୍ଦେଶ୍ୟ ପ୍ରଣୋଦିତ
ପ୍ରଶାସନର କମ୍ପ୍ୟୁଟର ବାବାଙ୍କ ଆଶ୍ରମ ଉଚ୍ଛେଦ ପ୍ରକ୍ରିୟାକୁ ବରିଷ୍ଠ କଂଗ୍ରେସ ନେତା ଦିଗବିଜୟ ସିଂହ ରାଜନୈତିକ ଉଦ୍ଦେଶ୍ୟ ପ୍ରେରିତ ବୋଲି କହିଛନ୍ତି। ଏତେ ବର୍ଷରୁ ଶିବରାଜ ସିଂହ ରାଜ୍ୟରେ ମୁଖ୍ୟମନ୍ତ୍ରୀ ଅଛନ୍ତି ବାବା ସରକାରୀ ଜମି ଜବରଦଖଲ କରି ଆଶ୍ରମ କରିଥିଲେ ବୋଲି ଅଜ୍ଞଥିଲେ କି ବୋଲି ଦିଗବିଜୟ ପ୍ରଶ୍ନ କରିଛନ୍ତି। ଏଣୁ ସରକାର ରାଜନୈତିକ ପ୍ରତିଶୋଧ ପରାୟଣ ହୋଇ ତାଙ୍କ ଆଶ୍ରମକୁ ଭାଙ୍ଗିଦେଇଥିବା ଦିଗବିଜୟ ଅଭିଯୋଗ କରିଛନ୍ତି।   

   Related Posts