Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ହେଲମେଟ୍ ପିନ୍ଧି ଲକ୍ଷେ କି.ମି.ର ଯାତ୍ରା, ଅନ୍ୟମାନଙ୍କ ପାଇଁ ଉଦାହରଣ ସାଜିଲେ ମନୋଜ

କଟକ ୨୯।୨: ଲୋକଙ୍କ ଭିତରେ ହେଲମେଟ ପିନ୍ଧିବା ଅଭ୍ୟାସ ବଢାଇବା ପାଇଁ ପୋଲିସକୁ ଅନେକ କସରତ କରିବାକୁ ପଡୁଛି । ମାତ୍ର କଟକରେ ଏମିତି ଜଣେ ବ୍ୟକ୍ତି ଅଛନ୍ତି, ଯିଏ ହେଲମେଟ ବ୍ୟବହାରକୁ ନେଇ ଅନେକଙ୍କ ପାଇଁ ଉଦାହରଣ ପାଲଟିଛନ୍ତି । ଜୀବନରେ କେବେବି ବିନା ହେଲମେଟରେ ଗାଡି ଚଲାଇନଥିବା ଏହି ବ୍ୟକ୍ତି ହେଲମେଟ ପିନ୍ଧି ଲକ୍ଷେ କିଲୋମିଟର ଯାତ୍ରା କଲେଣି । ଗୋଟିଏ ଦୁର୍ଘଟଣାରୁ ଏହି ବ୍ୟକ୍ତି ଜଣଙ୍କ ହେଲମେଟ ବ୍ୟବହାରର ଶିକ୍ଷା ପାଇଥିଲେ।

ଲୋକଙ୍କୁ ହେଲମେଟ ପିନ୍ଧାଇବା ପାଇଁ ନାକେଦମ୍ ହେଲାଣି ପୋଲିସ । କିନ୍ତୁ ଏମିତି କିଛି ଲୋକ ଅଛନ୍ତି ଯେଉଁମାନେ ହଲମେଟ ବ୍ୟବହାର କରି ଅନେକଙ୍କ ପାଇଁ ଉଦାହରଣ ପାଲଟିଛନ୍ତି । ଏମିତି ଜଣେ ବ୍ୟକ୍ତି ହେଉଛନ୍ତି କଟକର ମନୋଜ କୁମାର ରାଉତ। ଗୋଟିଏ ଦୁର୍ଘଟଣା ମନୋଜଙ୍କ ଭିତରେ ହେଲମେଟ ପିନ୍ଧିବା ପ୍ରତି ଥିବା ଧାରଣାକୁ ବଦଳାଇ ଦେଇଥିଲା ।

ଗାଡି ଚଳାଇବା ଦିନଠାରୁ ମନୋଜ କେବେବି ବିନା ହେଲମେଟରେ ବାଇକ ଚଳାଇ ନାହାନ୍ତି । ମନୋଜଙ୍କ ଉଦାହରଣ ଅନେକଙ୍କୁ ହେଲମେଟ ପିନ୍ଧିବା ପାଇଁ ପ୍ରେରଣା ଦେଇଛି।

ଆସନ୍ତାକାଲିଠାରୁ ପୁଣି ହେଲମେଟ ଯାଞ୍ଚ କଡାକଡି ହେଉଛି । ତେଣୁ ଆଶା କରାଯାଉଛି ଲୋକେ ମନୋଜଙ୍କ ଉଦାହରଣ ଅନୁସରଣ କରିବେ।

   Related Posts