Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କେନ୍ଦ୍ରକୁ ଓଡ଼ିଶା ମାଗିଲା ଅଗଷ୍ଟ ବର୍ଷା-ବନ୍ୟାର ସହାୟତା, ଦାବି କଲା ୧୫୬୯.୫୦ କୋଟି ଟଙ୍କା
  • ||
  • ରାଜ୍ୟରେ ଆଉ ୧୬ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୬୩୩ କରୋନା ସଂକ୍ରମିତ ଚିହ୍ନଟ
  • ||
  • ଟ୍ରକକୁ ପଛ ପଟୁ ପିଟିଲା ଟ୍ରଲର, ୨ ମୃତ
  • ||
  • ଡ଼କାୟତି ଯୋଜନା ପଣ୍ଡ, ବାଇପାସ କଡ଼ରୁ ୬ ଡକାୟତ ଗିରଫ
  • ||

ଜୁନ ୩୦ ପୂର୍ବରୁ କରିନିଅନ୍ତୁ ଏସବୁ ବାକିଆ କାମ, ନହଲେ ଆଗକୁ ହୋଇପାରେ ସମସ୍ୟା, ନେଣଦେଣରେ ଘାଟା

7/06/2020 at 6:48 PM

ନୂଆଦିଲ୍ଲୀ, ୦୭|୦୬:  କରୋନା ଭାଇରସର ପ୍ରକୋପରୁ ରୋକିବା ପାଇଁ ଦେଶରେ ୨ ମାସରୁ ଅଧିକ ସମୟ ଧରି ଲକଡାଉନ୍ ଜାରି ହୋଇଥିଲା । ଏହାଫଳରେ ବିଭିନ୍ନ ସରକାରୀ କାର୍ଯ୍ୟରେ ମଧ୍ୟ ବାଧା ଉପୁଜିଛି । ଏହାକୁ ନଜରରେ ରଖି କେନ୍ଦ୍ର ସରକାର ବିଭିନ୍ନ ସରାକରୀ କାର୍ଯ୍ୟର ସମୟସୀମାକୁ ମାର୍ଚ୍ଚ ୩୧ ବଦଳରେ ଜୁନ ୩୦ ଯାଏଁ ବୃଦ୍ଧି କରିଥିଲେ । ଏବେ ଲକଡାଉନ୍ ସରିଯାଇଛି । ଅନଲକ୍ ପ୍ରକ୍ରିୟା ଆରମ୍ଭ ହୋଇଛି । ଏହି ସମୟ ସୀମା ପୂର୍ବରୁ ସମସ୍ତ କାର୍ଯ୍ୟ ସାରିଦେବା ଉଚିତ । ନହେଲେ ଆପଣ ଅସୁବିଧାର ସାମ୍ନା କରିପାରନ୍ତି । ଆସନ୍ତୁ ନଜର ପକାଇବା କେଉଁ ସରକାରୀ କାର୍ଯ୍ୟକୁ ଏହି ସମୟ ମଧ୍ୟରେ ସାରିଦେବା ଉଚିତ ।

ଜୁନ ୩୦ ମଧ୍ୟରେ ପାନ୍ ଓ ଆଧାରକୁ ଯୋଡିବା ଆବଶ୍ୟକ

ସରକାର ପାନ୍ ଓ ଆଧାର କାର୍ଡକୁ ଯୋଡିବା ପାଇଁ ସମୟ ସୀମାକୁ ମାର୍ଚ୍ଚ ୩୧ରୁ ଜୁନ ୩୦ ଯାଏଁ ବୃଦ୍ଧି କରିଛନ୍ତି । ଜୁନ ୩୦ ପରେ ଆପଣ ଉଭୟ କାର୍ଡକୁ ନଯୋଡିଲେ ଏହା ଅବୈଦ୍ଧ ହୋଇଯିବ । ଏପରିକି ଆପଣ କୌଣସି ଫାଇନାନସିଆଲ୍ ଟ୍ରାଞ୍ଜାକସନ୍ କରିପାରିବେ ନାହିଁ ।

ଗତ ଆର୍ଥିକ ବର୍ଷର ଆଇଟିଆର

ଆର୍ଥିକ ବର୍ଷ ୨୦୧୮-୧୯ ପାଇଁ ଆୟକର ଫାଇଲ କରିବାର ସମୟସୀମାକୁ ମଧ୍ୟ ଜୁନ ୩୦ ଯାଏଁ ବଢାଇ ଦିଆଯାଇଛି । ଏହାକୁ ଆପଣ ଜୁନ୍ ୩୦ ମଧ୍ୟରେ ଦାଖଲ କରିପାରିବେ ।

ଫର୍ମ ୧୬ ଭରିବା

କର୍ମଚାରୀଙ୍କୁ ସେମାନଙ୍କ କମ୍ପାନୀର ଫର୍ମ ୧୬ ସାଧାରଣତଃ ମେ ମାସରେ ମିଳିଯାଏ । କିନ୍ତୁ କରୋନା ପାଇଁ ଏହି ଫର୍ମକୁ ଜୁନ ୧୫ରୁ ୩୦ ମଧ୍ୟରେ ଜାରି କରାଯିବ । ଏହା ଏକ ପ୍ରକାରର ଟିଡିଏସ ସାର୍ଟିଫିକେଟ୍ । ଏହାକୁ ଇନକମ୍ ଟିକସ୍ ଦାଖଲ କରିବା ପାଇଁ ଆବଶ୍ୟକ ପଡିଥାଏ ।

ଟିକସ୍ ବଞ୍ଚାଇବା ପାଇଁ ଏହି ମାସରେ କରନ୍ତୁ ନିବେଶ

ଯଦି ଆପଣ ଟିକସ୍ ବଞ୍ଚାଇବାକୁ ଚାହୁଁଛନ୍ତି ତେବେ ଆପଣଙ୍କ ପାଖରେ ଜୁନ ୩୦ ଯାଏଁ ସୁଯୋଗ ରହିଛି । ଜୁନ ୩୦ ସୁଦ୍ଧା ୮୦ ସି ଓ ୮୦ ଡି ଆଧାରରେ ଟିକସରେ ରିହାତି ମିଳିବ ।

ପିପିଏଫ ଜାରି ରଖିବା ପାଇଁ ତୁରନ୍ତୁ ଭରନ୍ତୁ ଫର୍ମ

ଯଦି ଆପଣ ମାର୍ଚ୍ଚ ୩୧ରେ ମ୍ୟାଚୋର୍ ହୋଇସାରିଛନ୍ତି ଓ ପିପିଏଫ ଆକାଉଣ୍ଟକୁ ଜାରି ରଖିବା ପାଇଁ ଚାହାଁନ୍ତି ତେବେ ଆପଣଙ୍କୁ ଜୁନ ୩୦ ଯାଏଁ ସୁଯୋଗ ମିଳିବ । ଡାକ ବିଭାଗ ଏହାକୁ ନେଇ ଏପ୍ରିଲ ୧୧ରେ ଏକ ସର୍କୁଲାର ଜାରି କରିଥିଲା । ଫଳରେ ପିପିଏଫକୁ ଜାରି ରଖିବା ପାଇଁ ସମୟ ସୀମା ଜୁନ ୩୦ କରାଯାଇଥିଲା ।

ସିନିୟର ସିଟିଜେନ୍ ସ୍କିମରେ ନିବେଶ

ସରକାର ଫେବ୍ରୁଆରୀ ଓ ଏପ୍ରିଲ ମଧ୍ୟରେ ଅବସର ଗ୍ରହଣ କରିଥିବା କର୍ମଚାରୀଙ୍କ ପାଇଁ ସିନିଅର ସିଟିଜେନ୍ ସ୍କିମ୍ ଆକାଉଣ୍ଟରେ ନିବେଶ କରିବାର ସମୟ ସୀମା ବୃଦ୍ଧି କରିଛନ୍ତି । ଏହାକୁ ଜୁନ ୩୦ ଯାଏଁ ବୃଦ୍ଧି କରାଯାଇଛି । ନିୟମାନୁସାରେ, ୫୫ରୁ ୬୦ ବର୍ଷ ବୟସର ସରକାରୀ କର୍ମଚାରୀ ଏହି ସ୍କିମରେ ନିବେଶ କରିପାରିବେ ।

   Related Posts