Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : STF ପଞ୍ଝାରେ ବ୍ରାଉନସୁଗାର ବେପାରୀ, ୧କୋଟିରୁ ଅଧିକ ଟଙ୍କାର ଧଳାଜହର ଜବତ
  • ||
  • କଳାହାଣ୍ଡି : ମହାଲିଙ୍ଗ୍ ସନସାଇନ୍ ପବ୍ଲିକ୍ ସ୍କୁଲରେ ପ୍ରଶାସନର ତଦନ୍ତ, କାଗଜପତ୍ର ଯାଞ୍ଚ ସହ ଆୟବ୍ୟୟ ଅଟକଳର ଚାଲିଛି ଖୋଳତାଡ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୨ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୨୪ କୋଭିଡ୍ ପଜିଟିଭ୍
  • ||
  • ଟି୨୦ ବିଶ୍ୱକପ : ସୁପର-୧୨ରେ ଶ୍ରୀଲଙ୍କା, ୭୦ରନରେ ଆୟରଲ୍ୟାଣ୍ଡକୁ ଦେଲା ମାତ୍
  • ||
  • +୩ରେ ଲକ୍ଷେ ସିଟ୍ ଖାଲି, ଗୁରୁବାର ସ୍ପଟ୍ ଆଡମିଶନ ପାଇଁ ଆବେଦନ
  • ||
  • ରାଜ୍ୟରେ ଖରାଟିଆ ପାଗ, ୨୩ ସୁଦ୍ଧା ଫେରିଯିବ ମୌସୁମୀ
  • ||
  • ରାଜଧାନୀରେ ରହିବନି ମୁକୁଳା ଡ୍ରେନ୍ : ଦୁଇ ପାର୍ଶ୍ୱରେ ଲାଗିବ ତାରଜାଲି, ସମ୍ପ୍ରସାରଣ ହେବ ସଙ୍କୁଚିତ ନାଳ
  • ||

ଦିଲ୍ଲୀ ଦଙ୍ଗାରେ କରିଥିଲେ ବିବାଦୀୟ ଟିପ୍ପଣୀ, ଜାଭେଦ ଅଖତାରଙ୍କ ବିରୋଧରେ ଦେଶଦ୍ରୋହ ମାମଲା ରୁଜୁ

5/03/2020 at 8:43 PM

ବେଗୁସରାୟ ୦୫।୦୩- ଗତ ମାସରେ ଦିଲ୍ଲୀରେ ଘଟିଥିବା ଦଙ୍ଗା ବିଷୟରେ ସଙ୍ଗୀତଜ୍ଞ ଜାଭେଦ ଅଖତାର ଏକ ବିବାଦୀୟ ଟିପ୍ପଣୀ କରିଥିଲେ। ଜାଭେଦ ଅଖତାର କହିଥିଲେ ଯେ, ଦଙ୍ଗାରେ ଅନେକ ଲୋକ ପ୍ରାଣ ହରାଇଛନ୍ତି, ଘର ଜାଳି ଦିଆଗଲା, ଦୋକାନରେ ଲୁଟପାଟ୍ କରାଗଲା ମାତ୍ର ପୋଲିସ କେବଳ ଗୋଟିଏ ବ୍ୟକ୍ତିଙ୍କୁ ଖୋଜୁଛି, ସଂଯୋଗବଶତଃ ତାର ନାମ ତାହିର ହୁସେନ। ଅଖତାରଙ୍କ ବୟାନକୁ ନେଇ ବିହାରର ବେଗୁସରାୟରେ ରହୁଥିବା ଜଣେ ଓକିଲ ଜାଭେଦ ଅଖତାରଙ୍କ ବିରୋଧରେ ଅଭିଯୋଗ କରିଛନ୍ତି। ଜାଭେଦଙ୍କ ବିରୋଧରେ ସେ ଦେଶଦ୍ରୋହର ଧାରା ଆଧାରରେ ଥାନାରେ ଏତଲା ଦେଇଛନ୍ତି।

ବେଗୁସରାୟର ମୁଖ୍ୟ ନ୍ୟାୟିକ ଦଣ୍ଡାଧିକାରୀ ଠାକୁର ଅମନ କୁମାରଙ୍କ ଅଦାଲତରେ ବୁଧବାର ସ୍ଥାନୀୟ ଓକିଲ ଅମିତ୍ କୁମାର ପିଟିସନ ଦାୟର କରିଛନ୍ତି। ଏହି  ପିଟିସନରେ ଅଖତାରଙ୍କ ବିରୋଧରେ ଆଇପିସିର ଧାରା ୧୨୪ ଏ(ଦେଶଦ୍ରୋହ), ୧୫୨ଏ(ଦ୍ଵୈଷପୂର୍ଣ୍ଣ ବୟାନ) ଓ ୧୫୩ ବି(ଉପଦ୍ରବିଙ୍କୁ ଉକୁସାଇବା) ଆଧାରରେ ଏତଲା ଦେଇଛନ୍ତି।

ଅଭିଯୋଗକାରୀ ଅମିତ୍ କୁମାର କହିଛନ୍ତି ଏହି ଅଭିଯୋଗ ଆଧାରରେ ମାମଲାରେ ପରବର୍ତ୍ତୀ ଶୁଣାଣି ମାର୍ଚ୍ଚ ୨୫ରେ ହେବ। ଜାଭେଦ ଟୁଇଟ୍ କରି କହିଥିଲେ ଯେ, ଦଙ୍ଗାରେ ଅନେକ ଲୋକ ପ୍ରାଣ ହରାଇଛନ୍ତି, ଘର ଜାଳି ଦିଆଗଲା, ଦୋକାନରେ ଲୁଟପାଟ୍ କରାଗଲା ମାତ୍ର ପୋଲିସ କେବଳ ଗୋଟିଏ ଘରକୁସିଲ୍ କରି ମାଲିକକୁ ଖୋଜୁଛି। ସଂଯୋଗବଶତଃ ତାର ନାମ ତାହିର ହୁସେନ। ଦିଲ୍ଲୀ ପୋଲିସକୁ ସଲାମ।

ଓକିଲ ଅମିତ୍ କୁମାର କହିଛନ୍ତି ଯେ, ଏହି ବୟାନକୁ ପଢିବା ପରେ ସ୍ପଷ୍ଟ ଜଣା ପଡୁଛି ଯେ, ଜାଭେଦ ଅଖତାର ହିନ୍ଦୁସ୍ତାନକୁ ଜାତି, ସଂପ୍ରଦାୟ ନାମରେ  ବାଣ୍ଟିବାକୁ ଚେଷ୍ଟା କରୁଛନ୍ତି।

   Related Posts