Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗତ ୨୪ ଘଣ୍ଟାରେ କରୋନାରୁ ଆରୋଗ୍ୟ ହେଲେ ୨୦୧୦ ସଂକ୍ରମିତ
  • ||
  • ମୋଦୀ ସରକାରଙ୍କ ବଡ ନିଷ୍ପତ୍ତି: ଜାମ୍ମୁ-କାଶ୍ମୀରରେ ଯେ କେହି ବି ଜାଗା କିଣି ପାରିବେ, ବିଜ୍ଞପ୍ତି ଜାରି କଲା ଗୃହ ମନ୍ତ୍ରଣାଳୟ
  • ||
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ, ୧୨୭୨ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ୧୨୪୭ କରୋନା ସଂକ୍ରମିତ, ୨୮୩୯୪୨ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଢେଙ୍କାନାଳ : କେନାଲରୁ ମୃତଦେହ ଉଦ୍ଧାର, ଶୌଚ ହେବାକୁ ଯାଇ ବୁଡିଯାଇଥିବା ସନ୍ଦେହ
  • ||
  • ଢେଙ୍କାନାଳ : ସ୍ତ୍ରୀର ଚରିତ୍ରକୁ ସନ୍ଦେହ କରି ଠେଙ୍ଗାରେ ପିଟି ପିଟି ମାରିଦେଲା, ଅଭିଯୁକ୍ତ ସ୍ବାମୀ ଫେରାର
  • ||
  • ଅନୁଗୋଳ : ଶ୍ରମିକଙ୍କ ସନ୍ଦେହଜନକ ମୃତ୍ୟୁ, ବିଷାକ୍ତ ମଦ ପିଇ ମୃତ୍ୟୁ ଅଭିଯୋଗ
  • ||
  • କଳାହାଣ୍ଡି : ଯୁବକଙ୍କ କ୍ଷତ ବିକ୍ଷତ ମୃତଦେହ ଉଦ୍ଧାର, ହତ୍ୟା ଅଭିଯୋଗ ଆଣିଲେ ପରିବାର ଲୋକ
  • ||
  • ଜଲାପୁଟ ଜଳ ଭଣ୍ଡାରରେ ମାଛଧରା ଡଙ୍ଗା ବୁଡି ୩ ନିଖୋଜ, ଉଦ୍ଧାର କାର୍ଯ୍ୟ ଜାରି
  • ||
  • ପାକିସ୍ତାନ : ପେଶାଓ୍ୱାରରେ ବୋମା ବିସ୍ଫୋରଣରେ ୭ ମୃତ, ୫୫ ଆହତ
  • ||

କଂଗ୍ରେସ ମହାସଚିବ ପ୍ରିୟଙ୍କାଙ୍କ ତ୍ରିରଙ୍ଗାକୁ ଅପମାନ ଦେଇଥିବା ଅଭିଯୋଗରେ ଦିଲ୍ଲୀ ପୋଲିସରେ ମାମଲା ଦାଏର

21/03/2019 at 12:32 PM

ଦିଲ୍ଲୀ ୨୧/୩ : ଲୋକସଭା ନିର୍ବାଚନ ପାଇଁ ପ୍ରଚାର ଜୋରସୋରରେ ଚାଲିଛି | ଉତ୍ତର ପ୍ରଦେଶରେ ପ୍ରିୟଙ୍କା ଗାନ୍ଧୀ ଜୋରସୋରରେ ପ୍ରଚାର ଅଭିଯାନରେ ବାହାରିଛନ୍ତି | ପ୍ରଚାରରେ ଲାଗିଥିବା ପ୍ରିୟଙ୍କା ଗାନ୍ଧୀ ଅସୁବିଧାରେ ପଡିଥିବା ନଜରକୁ ଆସିଛି | ଦେଶର ଜାତୀୟ ପତାକା ତ୍ରିରଙ୍ଗାକୁ ପ୍ରିୟଙ୍କା ଗାନ୍ଧୀ ଅପମାନ ଦେଇଥିବା ଅଭିଯୋଗରେ ବୁଧବାର ଦିଲ୍ଲୀ ବବାନା ଥାନାରେ ଅଭିଯୋଗ ହୋଇଥିଲା | ବାରଣାସୀରେ ଗଙ୍ଗା ଯାତ୍ରା ବେଳେ କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ ତ୍ରିରଙ୍ଗାକୁ ଅପମାନ ଦେଇଥିବା ଅଭିଯୋଗ ହୋଇଛି | ଅଭିଯୋଗକାରୀ ପ୍ରବେଶ ଦଵାସ ଜଣେ ଓକିଲ |


ପ୍ରବେଶ ଦଵାସ ଅଭିଯୋଗ କରିଛନ୍ତି ଯେ, ୩ ଦିନ ଧରି ପ୍ରୟାଗରାଜରୁ ସଙ୍ଗମ ପର୍ଯ୍ୟନ୍ତ ଗଙ୍ଗା ଯାତ୍ରାବେଳେ ପ୍ରିୟଙ୍କା ତ୍ରିରଙ୍ଗାକୁ ଅପମାନ ଦେଇଛନ୍ତି | ଯାତ୍ରାବେଳେ ପ୍ରିୟଙ୍କାଙ୍କ ଡଙ୍ଗାକୁ ତ୍ରିରଙ୍ଗା ପତାକାରେ ଚାରିପଟୁ ଘେରା ଯାଇଥିଲା ବୋଲି ପ୍ରବେଶ ଅଭିଯୋଗ କରିଛନ୍ତି | ଡଙ୍ଗାର ଉପର ଭାଗ, ଏବଂ ଆଗପଛ ତ୍ରିରଙ୍ଗାରେ ଘେରା ଯାଇଥିଲା | କେବଳ ଏତିକି ନୁହେଁ ଗଙ୍ଗା ତଟରେ ଲାଗିଥିବା ବ୍ୟାରିକେଟରେ ମଧ୍ୟ ତ୍ରିରଙ୍ଗା ପତାକା ବ୍ୟବହାର କରାଯାଇଥିଲା ବୋଲି ପ୍ରବେଶ ଅଭିଯୋଗ କରିଛନ୍ତି | ତ୍ରିରଙ୍ଗା ପାଣିରେ ମଧ୍ୟ ଭାସୁଥିଲା | ଏହା ଜାତୀୟ ପତାକାର ଅପମାନ, ଦେଶର ଅପମାନ ବୋଲି କହିଛନ୍ତି ପ୍ରବେଶ | ସେଥିପାଇଁ ପ୍ରିୟଙ୍କାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ଉଚିତ ବୋଲି କହିଛନ୍ତି ପ୍ରବେଶ |


ସୂଚନାଯୋଗ୍ୟ ଯେ, ବୁଧବାର ଦିନ କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ ଗଙ୍ଗା ଯାତ୍ରା ବେଳେ ପ୍ରଧାନମନ୍ତ୍ରୀଙ୍କ ସଂସଦୀୟ କ୍ଷେତ୍ର ବାରଣାସୀ ପହଂଚିଥିଲେ | ବାରଣାସୀରେ ପ୍ରିୟଙ୍କା ଗାନ୍ଧୀ ମୋଦିଙ୍କୁ ଟାର୍ଗେଟ କରି କହିଥିଲେ ଯେ, ମୋଦି ଲୋକଙ୍କୁ ବୋକା ଭାବିବା ଛାଡି ଦିଅନ୍ତୁ |

   Related Posts