Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଚୀନ୍‌ରେ ଖେଳାଯାଏ ଭୟଙ୍କର ଖେଳ : ଯିଏ ଅଧିକ ମହୁମାଛି କାମୁଡ଼ା ସହିପରେ ସେ ହୁଏ ବିଜେତା

13/07/2020 at 12:24 PM

ବେଜିଙ୍ଗ ୧୩/୦୭ : ଶାରୀରିକ ସ୍ଫୁର୍ତ୍ତି ପାଇଁ କ୍ରୀଡା ଆବଶ୍ୟକ | ନିଜକୁ ଫିଟ ରଖିବା ପାଇଁ ଏବଂ ସୁସ୍ଥ ରହିବା ପାଇଁ ସାଧାରଣତଃ ଖେଳ ଏବଂ ବ୍ୟାୟାମ ସବୁଠାରୁ ଉତ୍ତମ କସରତ | ନିଜକୁ ଫିଟ ରଖିବା ସହ ସାମାଜିକ ବିକାଶ ଏବଂ ମନୋରଞ୍ଜନ ପାଇଁ ଲୋକେ ଯୁଗ ଯୁଗ ଧରି ଖେଳର ସହର ନେଇଛନ୍ତି | ମନୋରଞ୍ଜନ ପାଇଁ ମଧ୍ୟ ଖେଳ ଏକ ସର୍ବୋତ୍ତମ ମାଧ୍ୟମ ଭାବେ ଗ୍ରହଣ କରାଯାଏ | କିନ୍ତୁ ଯଦି ଆପଣଙ୍କୁ କୁହାଯାଏ ଯେ ଖେଳରେ ଆପଣଙ୍କ ଜୀବନ ଚାଲିଯିବାର ସମ୍ଭାବନା ରହିଛି ତାହେଲେ ଆପଣ କିଭଳି ପ୍ରତିକ୍ରିୟା ରଖିବେ ?

ଦୁନିଆର ଅନେକ ସ୍ଥାନରେ ଏମିତି କିଛି ବିପଦଜନକ ଖେଳ ଖେଳାଯାଏ ଯାହା ଜୀବନ ପ୍ରତି ବିପଦ ଏବଂ ଏଥିରେ ଜୀବନ ମଧ୍ୟ ଚାଲିଯାଇଥାଏ | ଏହିଭଳି କିଛି ଖେଳରେ ସବୁବେଳେ ଜୀବନ ପ୍ରତି ବିପଦ ରହିଥାଏ | ଏହିଭଳି ଏକ ଖେଳ ସମ୍ପର୍କରେ ଜାଣନ୍ତୁ

କମ୍ପିଟେଟିଭ ବି ୱେରିଙ୍ଗ (Competitive Bee Wearing)

ମହୁମାଛି କେତେ ଭୟଙ୍କର ତାହା ଆମେ ସମସ୍ତେ ଜାଣିଛୁ | ମହୁମାଛି କାମୁଡ଼ିଦେଲେ ମଣିଷ ଛଟପଟ ହୋଇଥାଏ | ମହୁମାଛି ଏତେ ଭୟଙ୍କର ଯେ ତା କାମୁଡାରେ ମଣିଷର ଆତ୍ମା ମଧ୍ୟ ଛଟପଟ ହୋଇଥାଏ |  କିନ୍ତୁ ଚୀନରେ ଏହିଭଳି ଏକ ଖେଳ ଖେଳାଯାଏ ଯେଉଁଥିରେ ମହୁମାଛି କାମୁଡ଼ା ଖାଇବାକୁ ପଡିଥାଏ | ଯିଏ ସବୁଠାରୁ ଅଧିକ ମହୁମାଛି କାମୁଡ଼ା ସହିପରିବ ସେ ବିଜେତା ହେବ | କିମ୍ବା ଯାହା ଶରୀରରେ ସବୁଠାରୁ ଅଧିକ ମହୁମାଛି ବସିବେ ସେ ବିଜେତା ହୋଇଥାନ୍ତି |

ଏହି ଖେଳର କିଛି ନିୟମ ମଧ୍ୟ ରହିଛି | ଯିଏ ଖେଳରେ ଭାଗ ନିଅନ୍ତି ତାଙ୍କୁ ହାଫ ପ୍ୟାଣ୍ଟ ପିନ୍ଧିବାକୁ ପଡିଥାଏ | ହାଫ ପ୍ୟାଣ୍ଟ, ଚଷମା ଓ ନାକରେ ନୋଜ ପ୍ଲଗ ଲଗାଇ ପ୍ରତଯୋଗିଙ୍କୁ ପାଖାପାଖି ଘଣ୍ଟାଏ ଯାଏଁ ମହୁମାଛିମାନଙ୍କ ମଧ୍ୟରେ ଛାଡିଦିଆଯାଏ | ଯିଏ ସବୁଠାରୁ ଅଧିକ ମହୁମାଛିଙ୍କ କାମୁଡ଼ା ସହିପରେ କିମ୍ବା ଯାହା ଶରୀରରେ ସବୁଠାରୁ ଅଧିକ ମହୁମାଛି ବସନ୍ତି ତାଙ୍କୁ ବିଜେତା ଘୋଷିତ କରାଯାଇଥାଏ | ଏହି ଅଜବ ଖେଳରେ ଏବେ ଯାଏଁ ଆମେରିକା ଜଣେ ବ୍ୟକ୍ତିଙ୍କ ଦ୍ୱାରା ୩୯.୫ କିଲୋ ମହୁମାଛି ବସାଇବାର ରେକର୍ଡ ରହିଛି | ଏହି ଆମେରିକୀୟଙ୍କ ରେକର୍ଡ ଏବେ ଯାଏଁ କେହି ଭାଙ୍ଗି ପାରିନାହାନ୍ତି | ଶରୀରରେ ଲକ୍ଷ ଲକ୍ଷ ମହୁମାଛି ବସିଥିବା କଳ୍ପନା କଲାବେଳେ ମଧ୍ୟ ଲୋମ ଟାଙ୍କୁରୀ ଉଠିଛି | 

   Related Posts