Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଯୋଗ କରିବାବେଳେ ଭୁଲରେ ବି କରନ୍ତୁ ନାହିଁ ଏହି କାମ : ନଚେତ୍ ଭୋଗିବାକୁ ପଡ଼ିବ ଏହିସବୁ ଗୁରୁତର ସମସ୍ୟା

20/06/2020 at 3:37 PM

ଯୋଗର ଫାଇଦା ଲୋକଙ୍କ ନିକଟରେ ପହଞ୍ଚାଇବା ପାଇଁ ଜୁନ୍ ୨୧ତାରିଖରେ ପ୍ରତିବର୍ଷ  ଆନ୍ତର୍ଜାତୀୟ ଯୋଗ ଦିବସ ସେଲିବ୍ରେଟ୍ କରାଯାଏ। ଚିନ୍ତା ଏବଂ ବିଶୃଙ୍ଖଳିତ ଜୀବନରେ ସୁସ୍ଥ ରହିବା ପାଇଁ ଲୋକେ ଯୋଗର ସାହାଯ୍ୟ ଲୋଡ଼ିଥାନ୍ତି। ଯୋଗ କରିବା ସମୟରେ ଯଦି କୌଣସି ଭୁଲ୍ ହୋଇଯାଇଥାଏ ତେବେ ଫାଇଦା ବଦଳରେ କ୍ଷତି ଅଧିକ ହୋଇଥାଏ। ତେବେ ଆସନ୍ତୁ ଜାଣିବା ଯୋଗ କରିବା ସମୟରେ ଲୋକେ କ’ଣ ଭୁଲ୍ କରିଥାନ୍ତି।

୧. ଯୋଗ ପୂର୍ବରୁ ଭୋଜନ : ଯୋଗ କରିବା ଦ୍ବାରା ୨/୩ଘଣ୍ଟା ପୂର୍ବରୁ କିଛି ଖାଆନ୍ତୁ ନାହିଁ। କାରଣ ଯଦି ଆପଣ ଖାଦ୍ୟ ଖାଇ ଯୋଗ କରୁଛନ୍ତି ତେବେ ଆପଣଙ୍କ ଶରୀରରେ ମାଂସପେଶୀ ସଙ୍କୁଚିତ ହୋଇଥାଏ। ବାନ୍ତି ମଧ୍ୟ ହୋଇଥାଏ। ଶରୀରକୁ ଖାଦ୍ୟ ହଜମ କରିବାକୁ ଅଧିକ ଶକ୍ତି ଆବଶ୍ୟକ ହୋଇଥାଏ। ଯାହା ଫଳରେ ଆପଣଙ୍କୁ ଯୋଗ କରିବା ସମୟରେ ଥକ୍କାପଣ ଅନୁଭୂତ ହୋଇଥାଏ।

୨. ଆଘାତ ଲାଗିଲେ ଯୋଗ : ଯଦି ଆପଣଙ୍କ ଶରୀରରେ କୌଣସି ପ୍ରକାରର ଆଘାତ ବା କ୍ଷତ ରହିଛି ଏବଂ ଆପଣଙ୍କୁ ଯୋଗର କୌଣସି ମୁଦ୍ରା କରିବାକୁ ସମସ୍ୟା ହେଉଛି ତେବେ ଏହାର ସୂଚନା ଆପଣଙ୍କ ଟିଚରକୁ ଦିଅନ୍ତୁ।

୩. ଯୋଗ ସମୟରେ ଗ୍ୟାଜେଟର ବ୍ୟବହାର : ଯୋଗ କରିବା ଆପଣ ନିଜର ପୂରା ଧ୍ୟାନ ଅନ୍ୟ ଜିନିଷରୁ ହଟାଇ କେବଳ ନିଜ ଯୋଗାସନ ଉପରେ ଲଗାଇବା ନିହାତି ଜରୁରୀ। ମୋବାଇଲକୁ କ୍ଳାସରେ ନେଇ ଯାବନ୍ତୁ ନାହିଁ। କାରଣ ଏହା ଦ୍ବାରା ଆପଣଙ୍କ ଧ୍ୟାନଭଙ୍ଗ ହେବ।

୪. ଭଲ୍ ପୋଷାକର ଚୟନ : ଯୋଗ ଅଭ୍ୟାସ କରିବା ପାଇଁ ଉପଯୁକ୍ତ ପୋଷାକର ଚୟନ କରନ୍ତୁ। ଯୋଗ କରିବା ସମୟରେ ଯଦି ଆପଣଙ୍କ ପୋଷାକ ଟାଇଟ୍ କିମ୍ବା କମ୍ ଝାଳ ଅବଶୋଷିତ ହେଉନାହିଁ ତେବେ ଆପଣଙ୍କ ଧ୍ୟାନ ଯୋଗ ଅପେକ୍ଷା ପୋଷାକ ଉପରେ ଅଧିକ ରହିବ।

୫. ଯୋଗ ସମୟରେ କଥାବାର୍ତ୍ତା : ନିଜ କ୍ଲାସମେଟଙ୍କ ସହ କଥା ହେବା ଏକ ଭଲ ଅଭ୍ୟାସ। କିନ୍ତୁ ଯୋଗ କ୍ଲାସରେ ଯେତେ ସମ୍ଭବ କମ୍ କଥା ହୁଅନ୍ତୁ। କାରଣ ଏହା ଦ୍ବାରା ଆପଣଙ୍କ ଧ୍ୟାନ ବିଚ୍ୟୁତ ହେବ ନାହିଁ। ବାକି ଲୋକ ମଧ୍ୟ ନିଜ ଯୋଗରେ ଧ୍ୟାନ ଦେଇ ପାରିବେ ନାହିଁ।

୬. କେଉଁ ଜିନିଷର ଆବଶ୍ୟକତା : ଯୋଗ କ୍ଲାସରେ ତଉଲିଆ କିମ୍ବା ସାଙ୍ଗରେ ରୁମାଲ୍ ନେଇ ଯାଆନ୍ତୁ। ଯାହା ଦ୍ବାରା ଝାଳ ବୋହିଲେ ଆପଣ ଝାଳ ପୋଛି ପାରିବେ। ମନେ ରଖନ୍ତୁ ଯେ ଏହି ପୋଷାକ ସଫା ସୁତୁରା ହୋଇଥିବା ଆବଶ୍ୟକ।

୭. ଜୋଶରେ ଯୋଗାସନ : ଉତ୍ସାହରେ ଆସି କୌଣସି ମୁଦ୍ରାକୁ ଜବରଦସ୍ତି କରିବାକୁ ଉଦ୍ୟମ କରନ୍ତୁ ନାହିଁ। ଏହା ଦ୍ବାରା ଆପଣଙ୍କ ଶରୀରରେ ମାଂସପେଶୀ ସଙ୍କୁଚିତ ହୋଇପାରେ। ବରଂ ଧୀରେ ଧୀରେ ସମୟ ନେଇ ଯୋଗ କରନ୍ତୁ।

   Related Posts