ଭୁବନେଶ୍ବର ୨।୧: ଦିନକୁ ଦିନ ବୃଦ୍ଧି ପାଉଥିବା ନାରୀ ନିର୍ଯାତନା ରୋକିବେ ‘ସ୍ପେଶାଲ ପୋଲିସ ଅଫିସର’ ବା ଏସପିଓ ଟିମ୍ । ମହିଳାଙ୍କ ସୁରକ୍ଷା ପାଇଁ କମିଶନରେଟ୍ ପୋଲିସ ପକ୍ଷରୁ ଏସପିଓ ୟୁନିଟ୍ ଗଠନ କରାଯାଇଛି। ଏହି ଟିମରେ ୩୦୦ ମହିଳା ଯୋଗ ଦେଇଛନ୍ତି । ଏମାନଙ୍କୁ ପ୍ରଥମେ ୩ ମାସ ପାଇଁ ନିଯୁକ୍ତି ଦିଆଯାଇଛି । ପରବର୍ତ୍ତୀ ସମୟରେ ଏହି କାର୍ଯ୍ୟକାଳ ବଢିବ । ଏସପିଓ ଟିମ୍ ପାଖରେ ଜଣେ ପୋଲିସ କର୍ମଚାରୀଙ୍କ ଭଳି କ୍ଷମତା ରହିବ । ଆବଶ୍ୟକ ପଡ଼ିଲେ ଏସପିଓମାନେ ଅଭିଯୁକ୍ତକୁ ଗିରଫ ମଧ୍ୟ କରିପାରିବେ ।
{"id":205785,"sizeSlug":"large"}କଟକ ଓ ଭୁବନେଶ୍ବରର ୫୬ରୁ ଅଧିକ ଅନୁଷ୍ଠାନର ମହିଳା ଏହି ଟିମରେ ସାମିଲ ହୋଇଛନ୍ତି । ବିଭିନ୍ନ ଆଇଟି, କଲ ସେଣ୍ଟର ଓ କଲେଜର ଯୁବତୀ ଏଥିରେ ରହିଛନ୍ତି । କାହାକୁ ସୁରକ୍ଷା ଦରକାର, କେଉଁଠି ନାରୀ ଉପରେ ଅତ୍ୟାଚାର ହେଉଛି । ତା ଉପରେ ନଜର ରଖିବେ ଏସପିଓ । ଏସପିଓମାନଙ୍କୁ ପରିଚୟ ପତ୍ର ଓ ଟି-ସାର୍ଟ ପ୍ରଦାନ କରାଯାଇଛି ।
{"id":205786,"sizeSlug":"large"}ମହିଳା ଶସକ୍ତିକରଣ ଏହାର ମୁଖ୍ୟ ଲକ୍ଷ୍ୟ ରହିଛି । ଆଜି ପୋଲିସ କମିଶନରେଟ ପ୍ରତିଷ୍ଠା ଦିବସ ଅବସରରେ ଏସପିଓ ଯୁନିଟର ଶୁଭାରମ୍ଭ କରିଛନ୍ତି ଡିଜିପି ଅଭୟ । ସେ କହିଛନ୍ତି, ମହିଳାଙ୍କ ସୁରକ୍ଷାକୁ ଅଗ୍ରାଧିକାର ଦିଆଯିବ। ସୁରକ୍ଷା ବ୍ୟବସ୍ଥାକୁ ମଜଭୁତ କରିବା ଲାଗି ୟୁନିଫାଏଡ୍ କଂଟ୍ରୋଲ୍ ରୁମ୍ ପ୍ରତିଷ୍ଠା ହେବ।