ଭୁବନେଶ୍ୱର ୦୭।୦୪: ଟ୍ବିନ୍  ସିଟିରେ ଅମାନିଆଙ୍କୁ ସାବାଡ଼ କରିବ ପୋଲିସ । ସଟ୍  ଡାଉନ୍  ପରେ ଏବେ ଲକ୍  ଡାଉନ୍   ଚାଲିଛି । କଣ୍ଟାକ୍ଟ ଟ୍ରେସିଂ ପାଇଁ  ଭୁବନେଶ୍ବର, କଟକ ଏବଂ ଯାଜପୁରରେ ୪୮ ଘଣ୍ଟା ସଟ ଡାଉନ୍  କରାଯିବା ପରେ ଗତକାଲି ଠାରୁ  ଲକ୍  ଡାଉନ୍  ନିୟମକୁ କଡ଼ାକଡ଼ି ପାଳନ କରିବା ପାଇଁ କହିଛି କମିଶନରେଟ ପୋଲିସ ।

ଏପରିକି ଘରୁ ଗାଡ଼ି ବାହାର ନକରିବା ପାଇଁ ଲୋକଙ୍କୁ କହିଛନ୍ତି ପୋଲିସ କମିଶନର । ଗତକାଲି ଟ୍ବିନ ସିଟିର ବିଭିନ୍ନ ସ୍ଥାନରେ ଲୋକେ ନିୟମ ଭାଙ୍ଗିଥିବା ଦେଖିବାକୁ ମିଳିଥିଲା । ଉଭୟ ସ୍ଥାନରେ ପୋଲିସ ଗତକାଲି ମୋଟ ୨୪୪୭ଟି ଗାଡ଼ି ଜବତ କରିଛି । ତେବେ ଆଜିଠାରୁ ଗାଡ଼ି ଜବତ କରିବା ପରିବର୍ତ୍ତେ ପୋଲିସ ଫାଇନ୍  ଆଦାୟ କରିବ ବୋଲି ନିଷ୍ପତି ନେଇଛି । ବାଇକ୍  ଗୁଡ଼ିକରୁ ୨ ହଜାର ଏବଂ ପ୍ରତି କାର ପିଛା ୫ ହଜାର ଲେଖାଏଁ ଫାଇନ୍  ଆଦାୟ କରାଯିବ ବୋଲି ନିଷ୍ପତ୍ତି ନେଇଛି ପୋଲିସ ।