Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଅନଲାଇନ୍ କ୍ଲାସରେ ଶିକ୍ଷୟତ୍ରୀଙ୍କୁ ମାରିଲେ କମେଣ୍ଟ, ସ୍କୁଲ ଡକାଇ ଛାତ୍ରଙ୍କୁ ଛେଚା, ଭିଡିଓ ଭାଇରାଲ

1/09/2020 at 9:23 PM

ବାଗପତ ୦୧।୦୯: ଉତ୍ତର ପ୍ରଦେଶର ବାଗପତରେ ଏକ ଘରୋଇ ସ୍କୁଲରେ ଦୁଇ ଛାତ୍ରଙ୍କୁ ନିର୍ମମ ଭାବେ ବାଡିରେ ପିଟୁଥିବା ଜଣେ ଶିକ୍ଷୟତ୍ରୀଙ୍କ ଭିଡିଓ ସାମାଜିକ ଗଣମାଧ୍ୟମରେ ଭାଇରାଲ ହୋଇଛି। ଏସପିଙ୍କ ପାଖରେ ମାମଲା ପହଞ୍ଚିବା ପରେ ପୋଲିସ ସକ୍ରିୟ ହୋଇ ଉଠିଛି। ଏସପିଙ୍କ ଆଦେଶ ପରେ  ବାଗପତ ପୋଲିସ ଇନ୍ସପେକ୍ଟର ସ୍କୁଲ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛନ୍ତି। କିନ୍ତୁ ଏହି ଘଟଣାରେ କୋତବାଲି ଥାନାରେ କେହି ହେଲେ ଅଭିଯୋଗ କରି ନାହାନ୍ତି। ପୋଲିସ ଅଧିକାରୀ ତଦନ୍ତ ପୂରା ହେବା ପରେ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି।

ମଙ୍ଗଳବାର ସାମାଜିକ ଗଣମାଧ୍ୟମରେ ଭାଇରାଲ ହୋଇଥିବା ଭିଡିଓ ଦିଲ୍ଲୀ-ସହାରନପୁର ରାଜମାର୍ଗ ସ୍ଥିତ ଏକ ଘରୋଇ ସ୍କୁଲର ହୋଇଥିବା କୁହାଯାଇଛି। ଭିଡିଓରେ ଜଣେ ଶିକ୍ଷୟତ୍ରୀ ହାତରେ ବାଡି ଧରି ପ୍ରଥମେ ଛାତ୍ରଙ୍କୁ ପଚାରୁଛନ୍ତି ଏବଂ ଏହା ପରେ ବାଡିରେ ପିଟୁଥିବା ଦେଖିବାକୁ ମିଳିଛି। କେବଳ ଏତିକି ନୁହେଁ କୋଠରୀରେ ଥିବା ଅନ୍ୟ ଲୋକ ମଧ୍ୟ ଶିକ୍ଷୟତ୍ରୀଙ୍କୁ ଛାତ୍ରଙ୍କୁ ଆହୁରି ପିଟିବା ପାଇଁ ଉସୁକାଉଥିବା ଶୁଣିବାକୁ ମିଳିଛି। କୁହାଯାଉଛି ଅନଲାଇନ୍ କ୍ଲାସରେ ଛାତ୍ର ମହିଳା ଶିକ୍ଷକଙ୍କୁ କମେଣ୍ଟ କରିଥିଲେ, ଏହା ପରେ ତାଙ୍କୁ ସ୍କୁଲ ଡକାଯାଇ ପିଟା ଯାଇଛି। ମଙ୍ଗଳବାର ଭିଡିଓ ଭାଇରାଲ ମାମଲାରେ ବାଗପତ କୋତବାଲି ପୋଲିସର ଇନ୍ସପେକ୍ଟର ଓମପାଲ ସିଂହ ଏସପି ମନିଷ ମିଶ୍ରଙ୍କ ଆଦେଶରେ ତଦନ୍ତ ଆରମ୍ଭ କରିଛନ୍ତି।

   Related Posts