Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟୋକିଓ ଅଲିମ୍ପିକ୍ସରେ ସ୍ଥାନ ପାଇବ ପଶ୍ଚିମ ଓଡିଶାର କଳାକୃତୀ, ୮ ଓଡିଆ କଳାକାର ହାସଲ କଲେ ସଫଳତା
  • ||
  • ଚିନ୍ତା ବଢାଉଛି ମୃତ୍ୟୁସଂଖ୍ୟା, ରାଜ୍ୟରେ କରୋନା ନେଲା ୬୫ ଜଣଙ୍କ ଜୀବନ
  • ||
  • ଆଉ ଏକ ଲଘୁଚାପ, ୩୦ ଯାଏଁ ସାରା ରାଜ୍ୟରେ ବର୍ଷା
  • ||
  • ବରଗଡ଼ : ଗାଁ ମୁଣ୍ଡରେ ପଡ଼ିଛି ଯୁବକଙ୍କ ରକ୍ତାକ୍ତ ମୃତଦେହ, ହତ୍ୟା ନା ଆଉ କିଛି ?
  • ||
  • ମାଷ୍ଟରକ୍ୟାଣ୍ଟିନ୍‌ ଛକରୁ ମିଳିଲା ମୃତଦେହ, ଶାଢୀରେ ଝୁଲିପଡିଲେ ଯୁବକ
  • ||
  • ଦିନେ ବଢିବା ପରେ ପୁଣି କମିଲା ସଂକ୍ରମଣ : ୨୪ ଘଣ୍ଟାରେ ରାଜ୍ୟରେ ବାହାରିଲେ ୧୬୧୫ କରୋନା ପଜିଟିଭ୍
  • ||

ପିଲାଙ୍କ କମେଣ୍ଟମରାରୁ ୨ ପରିବାର ମାର୍‌ପିଟ୍,‌ ସ୍ୱାମୀ-ସ୍ତ୍ରୀଙ୍କ ସମେତ ୪ ଆହତ

31/07/2020 at 2:16 PM

ଭୁବନେଶ୍ୱର୩୧/୭: ଡିସିପି ଅଫିସ୍‌ ପଛପାଶ୍ୱର୍ ଭୋଇ ନଗରରେ ଛୋଟ ପିଲାଙ୍କ କମେଣ୍ଟମରା ରୁ ୨ ପରିବାର ମଧ୍ୟରେ ମାର୍‌ପିଟ୍‌ ଘଟିିଛି । ବହ୍ଲା ଓ କାଠଫାଳିଆ ମାଡ଼ରେ ୨ ପରିବାରର ୪ ଜଣ ଆହତ ହୋଇଛନ୍ତି । ଆହତମାନେ ହେଲେ, ଅଲେଖ ପାଗଳ(୬୦), ତାଙ୍କ ସ୍ତ୍ରୀ ଓ ପୁତୁରା ପୂର୍ଣ୍ଣଚନ୍ଦ୍ର ପାଗଳ । ଅନ୍ୟ ପରିବାରର ସୀମାଞ୍ଚଳ ବି ଗୁରୁତର ଆହତ ହୋଇଛନ୍ତି । ଏନେଇ ସହିଦନଗର ଥାନାରେ ଦୁଇ ପକ୍ଷରୁ ପୃଥକ ମାମଲା ହୋଇଛି ।

ସୂଚନା ମୁତାବିକ, ଅଲେଖ ଓ ସୀମାଞ୍ଚଳ ଭୋଇନଗର ବସ୍ତିରେ ରୁହନ୍ତି । ନଳା ପାଣି ଯିବାକୁ କେନ୍ଦ୍ର କରି ଦୁଇ ପରିବାରରେ ପୂର୍ବରୁ ଶତ୍ରୁତା ଥିଲା । ଏନେଇ ସହିଦନଗର ଥାନାରେ ପ୍ରଥମେ ଅଭିଯୋଗ ଓ ପରେ ଆପୋଷ ବୁଝାମଣା ବି ହୋଇଛି । କିନ୍ତୁ ଦୁଇ ପରିବାର ପ୍ରତିଶୋଧ ପରାୟଣ ହୋଇ ରହିଥିଲେ । ଆଜି ରାତି ୯ଟାରେ ଅଲେଖଙ୍କ ପରିବାରର ଜଣେ ନାବାଳକ ସୀମାଞ୍ଚଳଙ୍କ ପୁଅକୁ କମେଣ୍ଟ ମାରିଥିଲେ ।

ଏକଥା ସୀମାଞ୍ଚଳ ଜାଣିବା ପରେ ପରିବାର ଅନ୍ୟ ସଦସ୍ୟ ଶ୍ରୀତମ୍‌, ସନ୍ତୋଷୀ ଏକାଠି ହୋଇ ଅଲେଖ ଓ ତାଙ୍କ ସ୍ତ୍ରୀଙ୍କୁ କାଠଫାଳିଆରେ ମାଡ଼ ମାରିଥିଲେ । ପରେ ପୂର୍ଣ୍ଣଚନ୍ଦ୍ର ବହ୍ଲା ଯୋଗେ ସୀମାଞ୍ଚଳଙ୍କୁ ଆକ୍ରମଣ କରିବା ପରେ ନିଜେ ଆକ୍ରମଣର ଶିକାର ହୋଇଥିଲେ । ସ୍ଥାନୀୟ ଲୋକଙ୍କ ଜରିଆରେ ସମସ୍ତ ଆହତ କ୍ୟାପିଟାଲ ହସ୍ପିଟାଲରେ ଭର୍ତ୍ତି ହୋଇଥିଲେ । ସେଠାରେ ଅଲେଖଙ୍କ ସ୍ୱାସ୍ଥ୍ୟାବସ୍ଥା ବିଗିଡିବାରୁ ତାଙ୍କୁ କଟକ ବଡ଼ମେଡିକାଲକୁ ପଠାଯାଇଛି । ପୁଲିସ୍‌ ଘଟଣାର ତଦନ୍ତ ଜାରି ରଖିଛି ।

   Related Posts