Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେବାଳିଆ ଦ୍ଵାର ଦେଶରେ ଥିବା ଶ୍ରୀଲଙ୍କା ପାଇଁ ଅକ୍ସିଜେନ ପାଲଟିଲା ଭାରତ, ଦେଲା ଏତେ କୋଟି ସହାୟତା
  • ||
  • ପଞ୍ଚାୟତ ନିର୍ବାଚନ ପାଇଁ କଂଗ୍ରେସର ୧୮ ଜଣିଆ ନିର୍ବାଚନ କମିଟି, ନରସିଂହ ଅଧ୍ୟକ୍ଷ
  • ||
  • ପଞ୍ଚାୟତ ନିର୍ବାଚନ: ପ୍ରଥମ ଦିନରେ ନାମାଙ୍କନପତ୍ର ଦାଖଲ କଲେ ୮୭୭୨ ଜଣ ପ୍ରାର୍ଥୀ
  • ||
  • ପୁଣି ନିରାଶ ହେଲେ ସୁମିତ୍, ଆବେଦନ ଖାରଜ କଲେ ଏସଡିଜେଏମ କୋର୍ଟ
  • ||
  • ପଞ୍ଚାୟତ ନିର୍ବାଚନ ପୂର୍ବରୁ ହିଂସା ! ସମିତି ସଭ୍ୟାଙ୍କ ଗାଡି ଜାଳିଦେଲେ ଦୁର୍ବୃତ୍ତ
  • ||
  • ମହିଳାଙ୍କ ଦେହରେ ନିଆଁ ଲଗାଇ ଦେଲେ ଧରମ ଭାଇ ! ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି
  • ||
  • ବିଲଡର୍ ସଂସ୍ଥାର ଘର ଉପରେ ବୋମାମାଡ, ୩ ଶ୍ରମିକ ଆହତ
  • ||
  • ରାଜ୍ୟରେ ଆଉ ୩ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୪କୁ ବୃଦ୍ଧି
  • ||
  • ରାଜ୍ୟରେ ୧୦ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୦୪୮୯ କୋଭିଡ୍ ପଜିଟିଭ୍, ୧୧୪୪୪୦୧ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୫୮ ହଜାରରୁ ଅଧିକ କରୋନା ପଜିଟିଭ୍, ୩୮୫ ମୃତ
  • ||

ଡିସେମ୍ବର ୨୯ରୁ ଗଞ୍ଜାମରେ ଆରମ୍ଭ ହେବ ଧାନ ସଂଗ୍ରହ, ଚାଷୀଙ୍କ ପାଇଁ ଜାରି ହେଲା ଟୋଲଫ୍ରି ନମ୍ବର

27/11/2021 at 1:23 PM

ଖଲ୍ଲିକୋଟ ୨୭।୧୧:  ଚଳିତ ଖରିଫ୍ ଋତୁର ଧାନ ସଂଗ୍ରହ ପାଇଁ ପ୍ରକ୍ରିୟା ଆରମ୍ଭ । ଜିଲ୍ଲା ସ୍ତରୀୟ ଧାନ ସଂଗ୍ରହ କମିଟି ବୈଠକ ଜିଲ୍ଲାପାଳଙ୍କ କାର୍ଯ୍ୟାଳୟର ଧାନ ସଂଗ୍ରହ ନେଇ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି । ଏଥିରେ ଜିଲ୍ଲାସ୍ତରୀୟ ଧାନ ସଂଗ୍ରହ କମିଟି, ମନ୍ତ୍ରୀ, ସାଂସଦ, ବିଧାୟକମାନେ ଉପସ୍ଥିତ ରହିଥିଲେ । ଜିଲ୍ଲାପାଳ ବିଜୟ ଅମୃତା କୁଲାଙ୍ଗେଙ୍କ ଅଧ୍ୟକ୍ଷତାରେ ଏହି ବୈଠକ ଅନୁଷ୍ଠିତ ହୋଇଯାଇଛି  ।

ତେବେ ବସିଥିବା ବୈଠକରେ ସମସ୍ତଙ୍କ ସମ୍ମତି ପରେ ଆସନ୍ତା ମାସ ୨୯ ତାରିଖରୁ ଧାନ ସଂଗ୍ରହ ପାଇଁ ନିଷ୍ପତ୍ତି ହୋଇଛି । ସମସ୍ତ ଲୋକ ପ୍ରତିନିଧି ଏବଂ କମିଟିର ସମସ୍ତ ସଦସ୍ୟ ସଦସ୍ୟାଗଣଙ୍କ ସମ୍ମତି ପ୍ରକାଶ ପରେ ଏହି ନିଷ୍ପତ୍ତି ନିଆଯାଇଛି  । ବୈଠକରେ ମନ୍ତ୍ରୀ, ସାଂସଦ, ବିଧାୟକମାନେ ମଧ୍ୟ ନିଜର ମତ ରଖି କହିଥିଲେ ଯେ, ଚାଷୀଙ୍କ ଠାରୁ ଧାନ ସଂଗ୍ରହ ଯେପରି ସୁରୁଖୁରୁରେ ହେବ । ସେ ଦିଗରେ ଧ୍ୟାନ୍‌ ଦେବା ଉଚିତ୍‌ । ଅଦିନିଆ ବର୍ଷା ଲାଗି ଚାଷର କ୍ଷୟକ୍ଷତିକୁ ପ୍ରାଧାନ୍ୟ ଦେଇ ଧାନ କ୍ରୟ କରିବା ପାଇଁ ଜିଲ୍ଲାପାଳଙ୍କୁ ଅନୁରୋଧ କରିଥିଲେ । 

ସେହିପରି ଗଞ୍ଜାମ ଜିଲ୍ଲାପାଳ କହିଛନ୍ତି ଯେ, ୨୦୨୦-୨୧ରେ ଖରିଫ୍ ଧାନ ୪୫ ଲକ୍ଷ ୪୩  ହଜାର ୨୮୩ କ୍ବିଣ୍ଟାଲ ଧାନ ସଂଗ୍ରହ କରାଯାଇଥିଲା । ଯାହାକି ୯୫ ପ୍ରତିଶତ ଅଟେ । ତନ୍ମଧ୍ୟରୁ ୩୧ ଲକ୍ଷ ୭୮ ହଜାର କ୍ବିଣ୍ଟାଲ ଚାଉଳ ହୋଇପାରିଥିଲା  । ଚଳିତ ଖରିଫ୍ ଧାନ ସଂଗ୍ରହ ସକାଶେ ୩୬ ଲକ୍ଷ ୪୪୭୭ କୁଇଣ୍ଟାଲ ଧାନ ସଂଗ୍ରହ ତଥା  ୨୪୧୫୦୦ମେଟ୍ରିକ୍ ଟନ୍ ଚାଉଳ ଆମଦାନୀର ଲକ୍ଷ୍ୟ ରଖାଯାଇଛି  । ଚଳିତ ବର୍ଷରେ ୧ ଲକ୍ଷ ୨୪ ହଜାର ୮୧ ଜଣ ଚାଷୀ ପଞ୍ଜିକରଣ କରିଛନ୍ତି ।

୨୦୨୦-୨୧ ଆର୍ଥିକ ବର୍ଷରେ ସାଧାରଣ ଧାନ ନିମନ୍ତେ କ୍ବିଣ୍ଟାଲ ପିଛା ୧୮୬୮ ଟଙ୍କା ଏବଂ ଗ୍ରେଡ୍ ଏ ଧାନ ନିମନ୍ତେ ୧୮୮୮ଟଙ୍କା କ୍ବିଣ୍ଟାଲ ପ୍ରତି ଦର ଧାର୍ଯ୍ୟ ଥିଲା  । ତେବେ ୨୦୨୧-୨୨ ବର୍ଷରେ ସାଧାରଣ ଧାନ କ୍ବିଣ୍ଟାଲ ପିଛା ୧୯୪୦ ଟଙ୍କା ଏବଂ ଗ୍ରେଡ୍ ଏ ଧାନ ସକାଶେ ୧୯୬୦ ଟଙ୍କା ଦର ଧାର୍ଯ୍ୟ ରଖାଯାଇଛି  ।ମୋଟ୍ ୩୮୬ ପ୍ୟାକ୍ସ,  ୧୦୫ ଗୋଟି ମହିଳା ସ୍ବୟଂ ସହାୟକ ଗୋଷ୍ଠୀ ଓ ଗୋଟିଏ ପାଣି ପଞ୍ଚାୟତ ଧାନ ସଂଗ୍ରହ ପାଇଁ ସାମିଲ ଅଛନ୍ତି  । ଚଳିତ ବର୍ଷର ଧାନ ସଂଗ୍ରହ ସମୟରେ କୋଭିଡ୍ ନିୟମର ଅନୁପାଳନ ଯେପରି ହେବ, ସେଥିପ୍ରତି ଦୃଷ୍ଟି ଦେବାକୁ ସଂପୃକ୍ତ ଅଧିକାରୀଙ୍କୁ ଜିଲ୍ଲାପାଳ ପରାମର୍ଶ ଦେଇଥିଲେ  । ଚଳିତ ଥର ଧାନ କିଣାରେ ସ୍ବଚ୍ଛତା ନେଇ ପ୍ରଥମ ଥର ପାଇଁ ଧାନ ସଂଗ୍ରହ ସମୟରେ ଆଇ.ଭି.ଆର.ଏସ୍. ବ୍ୟବସ୍ଥା ରହିବ  । ପଞ୍ଜିକୃତ କରିଥିବା ଚାଷୀ ୧୯୬୭ ଟୋଲଫ୍ରି ନମ୍ବରରେ ଯୋଗାଯୋଗ କଲେ ସେମାନଙ୍କ ଟୋକନ୍, କେଉଁ ତାରିଖରେ ଧାନ ବିକ୍ରୟ କରିବେ ଏବଂ ଅନ୍ୟାନ୍ୟ ବିଷୟରେ ତଥ୍ୟ ଜାଣି ପାରିବେ  । 

   Related Posts