ବରଗଡ଼୨୩/୧୧: 'ନୋ କ୍ଲାସ୍ ନୋ ଫି' ଦାବିରେ ଜିଲ୍ଲାପାଳଙ୍କୁ ଘେରିଲେ କଲେଜ ଛାତ୍ରଛାତ୍ରୀ। ଏ ନେଇ ବରଗଡ଼ ପଞ୍ଚାୟତ କଲେଜର କମ୍ପ୍ୟୁଟର ସାଇନ୍ସ ଛାତ୍ରଛାତ୍ରୀ ଜିଲ୍ଲାପା ଜ୍ୟୋତିରଞ୍ଜନ ପ୍ରଧାନଙ୍କୁ ଏକ ସ୍ମାରକପତ୍ର ପ୍ରଦାନ କରିଛନ୍ତି।
ଚଳିତ ବର୍ଷ କରୋନା ମହାମାରୀ ଯୋଗୁଁ ଦୀର୍ଘ ୮ ମାସ ହେବ ବରଗଡ଼ ପଞ୍ଚାୟତ କଲେଜରେ ଗୋଟିଏ ବି କ୍ଲାସ ହୋଇ ନାହିଁ। ଏ ନେଇ ଚଳିତ ସେମିଷ୍ଟାର ପରୀକ୍ଷା ଫି ଛାଡ଼ କରିବାକୁ ଛାତ୍ର ଛାତ୍ରୀମାନେ ଜିଲ୍ଲାପାଳଙ୍କ ନିକଟରେ ଦାବି କରିଛନ୍ତି। ଏ ନେଇ ଦୀର୍ଘ ୪ ଘଣ୍ଟା କାଳ ଛାତ୍ରଛାତ୍ରୀମାନେ ଆନ୍ଦୋଳନରେ ବସିଥିଲେ। ବରଗଡ଼ ଜିଲ୍ଳାପାଳ ଶ୍ରୀ ପ୍ରଧାନ ସେମାନଙ୍କୁ ବୁଝାସୁଝା କରିବା ପରେ ସେମାନେ ଆନ୍ଦୋଳନରୁ ଓହରିଥିଲେ।