ଭୁବନେଶ୍ବର ୩୧|୧୨: ଆସନ୍ତା ୨ ତାରିଖ ପର୍ଯ୍ୟନ୍ତ ସାରା ରାଜ୍ୟରେ ଜାରି ରହିବ ଶୀତ ଲହରି । ଦାରିଙ୍ଗିବାଡିରେ ସର୍ବନିମ୍ନ ତାପମାତ୍ରା ୨.୮ ଡିଗ୍ରୀ ସେଲସିୟସ ରେକର୍ଡ କରାଯାଇଛି । ସେହିପରି ଫୁଲବାଣୀରେ ୩, ଅନୁଗୋଳ ୫.୬, କଟକ-୮.୮, ଭୁବନେଶ୍ବର-୯.୫ ଡିଗ୍ରୀ ସେଲସିୟସ ତାପମାତ୍ରା ରେକର୍ଡ କରାଯାଇଛି । ରାଜ୍ୟରେ ୨୦ଟି ସହରର ତାପମାତ୍ରା ୧୦ ଡିଗ୍ରୀ ତଳେ ରହିଛି । ଉତ୍ତର ଦିଗରୁ ୧୦ରୁ ୧୫ କିମି ବେଗରେ ପବନ ବହୁଛି । ଯାହା ଫଳରେ ଅଧିକ ଥଣ୍ଡା ଅନୁଭୂତ ହେଉଛି । ଆଗାମୀ ୨ ଦିନ ପର୍ଯ୍ୟନ୍ତ ଫୁଲବାଣୀ ଓ ଦାରିଙ୍ଗିବାଡିରେ ହାଲ୍କା ତୁଷାରପାତ ହେବ ବୋଲି ପାଣିପାଗ ବିଭାଗ ପୂର୍ବାନୁମାନ କରିଛି । ୩ ତାରିଖ ପରଠାରୁ ପବନର ଦିଗ ପରିବର୍ତ୍ତନ ହେଲେ ପାଗରେ ପରିବର୍ତ୍ତନ ହେବ ।
କେବଳ କନ୍ଧମାଳ ନୁହେଁ ରାଜ୍ୟର ବିବିନ୍ନ ଜିଲ୍ଲାରେ ଶୀତର ପ୍ରକୋପ ଦେଖିବାକୁ ମିଳିଛି । କେନ୍ଦୁଝର ଜିଲ୍ଲାର କାଂଜିପାଣି ଘଟିରେ ମଧ୍ୟ ତୁଷାରପାତ ହେଉଛି । ରାଜଧାନୀ ଭୁବନେଶ୍ବରରେ ପ୍ରଚଣ୍ଡ ଥଣ୍ଡା ଅନୁଭୂତ ହେଉଛି ।
