Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୂର୍ବ ଗୋଦାବରୀରେ ଭାରସାମ୍ୟ ହରାଇ ଓଲଟିଲା ଭ୍ୟାନ୍, ୬ ଜଣଙ୍କ ମୃତ୍ୟୁ
  • ||
  • ବୌଦ୍ଧ : ରାସ୍ତା ଉପରେ ପଡିଛି ଯୁବକଙ୍କ ମୃତଦେହ, ହତ୍ୟା ସନ୍ଦେହ
  • ||
  • ୩୧ରେ ଆଉ ଏକ ଲଘୁଚାପ ! ଉତ୍ତର ଓ ଉପକୂଳ ଓଡିଶାରେ ବର୍ଷା ସମ୍ଭାବନା
  • ||
  • ରାଉରକେଲା : ସ୍କର୍ପିଓ ଜାଳିଦେଲେ ଦୁର୍ବୃତ୍ତ, ଗାଡିରେ ଥିବା ୩ ଜଣଙ୍କୁ ନିସ୍ତୁକ ମାଡ
  • ||
  • ପରାଜୟ ଧାରା ଭାଙ୍ଗିଲା ଚେନ୍ନାଇ, ୬ ଓ୍ୱିକେଟରେ ହାରିଲା କୋଲକାତା ନାଇଟ ରାଇଡର୍ସ
  • ||

ପୁଣି ଥରିଲା ଓଡିଶା: ୧୦ ଡିଗ୍ରୀ ତଳେ ୧୦ ସହର, କଷ୍ଟ ଆହୁରି ୫ ଦିନ

19/01/2019 at 7:23 PM

ଭୁବନେଶ୍ବର୧୯|୧: କିଛି ଦିନ ବ୍ୟବଧାନ ପରେ ପୁଣି ଫେରିଛି ଶୀତ । ଅଭ୍ୟନ୍ତରୀଣରୁ ନେଇ ଉପକୂଳ ଓଡିଶା ଯାଏଁ, ପାରଦ ଅସ୍ବଭାବିକ ଭାବେ ହ୍ରାସ ପାଇଛି । ଏହି ଶୀତର ଲହରୀ ଆଗାମୀ ୫ ଦିନ ପର୍ଯ୍ୟନ୍ତ ଅନୁଭୁତ ହେବ । ସେପଟେ ଶୀତ ସାଙ୍ଗକୁ ଆଜି ସକାଳୁ ଘନ କୁହୁଡିର ଆସ୍ତରଣ ମଧ୍ୟ ଦେଖିବାକୁ ମିଳିଥିଲା ।

ବଢିଛି ଥଣ୍ଡାର ପ୍ରକୋପ । ଥରୁଛି ସାରା ଓଡିଶା । ଅଭ୍ୟନ୍ତରୀଣରୁ ନେଇ ଉପକୂଳ ଓଡିଶା ଯାଏଁ, ପାରଦ ଅସ୍ବଭାବିକ ଭାବେ ହ୍ରାସ ପାଇଛି । ରାଜ୍ୟର ୧୦ଟି ସହରର ତାପମାତ୍ରା ଏବେ ୧୦ ଡିଗ୍ରି  ତଳେ ରହିଛି । ଆସନ୍ତା ପାଞ୍ଚ ଦିନ ପାର୍ଯ୍ୟନ୍ତ ଏଭଳି ସ୍ଥିତି ଲାଗି ରହିବ ବୋଲି ଅନୁମାନ କରିଛି ପାଣିପାଗ ବିଭାଗ ।

ସେପଟେ ଓଡିଶା ଉପରେ ଏବେ ଉତ୍ତର ପଶ୍ଚିମ ଦିଗରୁ ଥଣ୍ଡା ପବନ ବହୁଛି । ଯାହାର ପ୍ରଭାବରେ ରାଜଧାନୀ ସମେତ ଉକକୂଳ ଓଡିଶାରେ କୁହୁଡି ଦେଖିବାକୁ ମଳିଛି । ତେବେ ଫୁଲବାଣୀରେ ସର୍ବନିମ୍ନ ୭ ଡିଗ୍ରି ତାପମାତ୍ରା ରେକର୍ଡ କରାଯାଇଛି ।

ଆଜି ସକାଳୁ ରାଜଧାନୀରେ ଘନ କୁହୁଡି ଦେଖିବାକୁ ମିଳିଥିଲା । ଦିନ ୧୦ ଟା ପର୍ଯ୍ୟନ୍ତ ପୁରା ସହରକୁ ଆଚ୍ଛାଦିତ କରି ରଖିଥିଲା କୁହୁଡି । ଯାହାକୁ ନେଇ ଗାଡି ଚାଳକ ଯାତାୟତରେ ନାହିଁ ନଥିବା ଅସୁବିଧାର ସମ୍ମୁଖୀନ ହୋଇଥିଲେ ।

ସେହିପରି କହୁଡି ଯୋଗୁଁ ଭୁବନେଶ୍ବର ଏୟାପୋର୍ଟ କର୍ତ୍ତୃପକ୍ଷ କିଛି ପ୍ଲେନର ଉଡାଣ ବାତିଲ ମଧ୍ୟ କରିଥିଲେ । ସେପଟେ ଇଷ୍ଟକୋଷ୍ଟ ରେଲଓ୍ବ ପକ୍ଷରୁ ଟ୍ରେନ ଯାତୟତ ନେଇ ମଧ୍ୟ ବିଶେଷ ଧ୍ୟାନ ଦିଆଯାଇଥିଲା ।

ଆସନ୍ତା ୪ ଦିନ ପର୍ଯ୍ୟନ୍ତ ଶୀତର ପ୍ରକୋପ ସହ କୁହୁଡିର ପ୍ରଭାବ ଲାଗି ରହିବ ରହିବ।  

   Related Posts