Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୂଆଦିଲ୍ଲୀ : ଦେଶ ପାଳୁଛି ୭୨ତମ ସାଧାରଣତନ୍ତ୍ର ଦିବସ
  • ||
  • ପଦ୍ମ ସମ୍ମାନ ଘୋଷଣା: ୩ଟି ବର୍ଗରେ ମୋଟ ୧୧୯ ଜଣ ପାଇବେ ସମ୍ମାନ
  • ||
  • ବଜେଟ୍‌ ଡେ’ରେ ପାର୍ଲାମେଣ୍ଟ ଚଲୋ: ଆନ୍ଦୋଳନକାରୀ କୃଷକ ଦେଲେ ଡାକରା
  • ||
  • ଚିନ୍ତା ବଢାଇଲେଣି କୁଲଡିହା ହାତୀପଲ, ନଷ୍ଟ କରୁଛନ୍ତି ବ୍ୟାପକ ଫସଲ
  • ||
  • ଭୁବନେଶ୍ବର : ଫେବୃଆରୀ ୧୪ରୁ ରାଜ୍ୟରେ ଦ୍ବିତୀୟ ପର୍ଯ୍ୟାୟ ଟିକାକରଣ
  • ||
  • ଅନୁଗୋଳ : ଜିଲ୍ଲାପାଳଙ୍କ ଅଫିସ୍ ଆଗରେ ମା’ ଓ ପୁଅଙ୍କ ଆତ୍ମାହୁତି ଉଦ୍ୟମ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୦ କୋଭିଡ୍ ସଂକ୍ରମିତ, ୩୩୪୪୩୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ବ୍ରହ୍ମପୁର : ଟ୍ରାକ୍ଟର ସହ ବାଇକ୍ ଧକ୍କା, ଜଣେ ମୃତ, ୨ ଶ୍ରମିକ ଗୁରୁତର
  • ||
  • ଆନନ୍ଦପୁର : ଧାନ ଡୋଲି ଓଲଟିପଡି ସ୍ତ୍ରୀ ମୃତ, ସ୍ବାମୀ ଗୁରୁତର
  • ||

ଭୁବନେଶ୍ବରରେ ସର୍ବକାଳୀନ ସର୍ବନିମ୍ନ ତାପମାତ୍ରା ୮.୨, ଦାରିଙ୍ଗିବାଡ଼ିରେ ୩.୫ କେନ୍ଦୁଝରରେ ତୁଷାରପାତ: ଉତ୍ତରଭାରତରେ ଭାଙ୍ଗିଲା ୨୮ ବର୍ଷର ରେକର୍ଡ

30/12/2018 at 4:54 PM

ରେକର୍ଡ ଭାଙ୍ଗିଛି ଶୀତ। ଏବର୍ଷ ସାରା ଦେଶରେ ଯେଉଁଭଳି ଶୀତ ପଡ଼ିଛି ତାହା ଗତ ୨୮ ବର୍ଷର ରେକର୍ଡ ଭାଙ୍ଗିଛି ।ଜାମ୍ମୁ କାଶ୍ମୀର ଓ ହିମାଚଳ ପ୍ରଦେଶରେ ବରଫର ମୋଟା ଆସ୍ତରଣ ଦେଖିବାକୁ ମିଳିଥିବା ଓଡ଼ିଶାରେ କନ୍ଧମାଳ ଓ କେନ୍ଦୁଝର ଜିଲ୍ଲାରେ ତୁଷାରପାତ ଦେଖିବାକୁ ମିଳିଛି । …

ଶୀତରେ କୋରାପୁଟର ଅପରୂପ ପ୍ରାକୃତିକ ସୌନ୍ଦର୍ଯ୍ୟ ।ଘନ କୁହୁଡ଼ିରେ ପାହାଡ଼ ଉହାଡ଼ରେ ସୂର୍ଯ୍ୟୋଦୟର ଦୃଶ୍ୟ ।ପ୍ରବଳ ଶୀତରେ କୋରାପୁଟର ପ୍ରାକୃତିକ ସୌନ୍ଦର୍ଯ୍ୟ ପ୍ରକୃତିପ୍ରେମୀଙ୍କୁ ପାଗଳ କରିଦେଇଛି ।

ଶୀତର ପ୍ରତିଟି ଦୃଶ୍ୟ ଦେଖିଲେ ଲାଗୁଛି ଯେମିତି ଏହା କୌଣସି ଶିଳ୍ପୀର ତୁଳୀର ସ୍ପର୍ଶ ।ଆଉ ଏହି ସୌନ୍ଦର୍ଯ୍ୟରେ ସାମିଲ ହୋଇଯାଇଛନ୍ତି ବିଦେଶାଗତ ପକ୍ଷୀ ।ପ୍ରକୃତିର ଏପରି ଅପରୂପ ସୌନ୍ଦର୍ଯ୍ୟ ଭିତରେ ଫଟୋ ଉଠାଇ ପର୍ଯ୍ୟଟକ ବେଶ୍‌ ମଜା ଉଠାଉଛନ୍ତି ।…

ଗୋଟିଏ ପଟେ ପ୍ରାକୃତିକ ସୌନ୍ଦର୍ଯ୍ୟ ଅନ୍ୟପଟେ ଜାଡ଼ କଷ୍ଟ ।ନିଆଁଜାଳି ପ୍ରବଳ ଶୀତରୁ ରକ୍ଷା ପାଇବା ପାଇଁ ଲୋକଙ୍କର ଚେଷ୍ଟା ।କନ୍ଧମାଳ ଓ କେନ୍ଦୁଝ ଜିଲ୍ଲାରେ ଦେଖିବାକୁ ମିଳିଛି ତୁଷାରପାତ । ଥଣ୍ଡା ପବନରେ ଦେହହାତ କାଲୁଆ ହୋଇଯାଉଛି ।

ରାଜ୍ୟରେ ୧୮ଟି ସ୍ଥାନରେ ରାତ୍ରିର ତାପମାତ୍ରା ରହିଛି ୧୦ ଡିଗ୍ରୀ ତଳେ। ଦାରିଙ୍ଗିବାଡ଼ିରେ ସର୍ବନିମ୍ନ ତାପମାତ୍ରା ୩.୫ ଡିଗ୍ରୀ ଓ ଫୁଲବାଣୀରେ ୪.୫ ଡିଗ୍ରୀ ସେଲସିୟସ ରେକର୍ଡ କରାଯାଇଛି। ସେହିଭଳି ଭୁବନେଶ୍ବରର ତାପମାତ୍ରା ରହିଛି ୮.୨ ।

ତେବେ ରାଜଧାନୀର ତାପମାତ୍ରା ଡିସେମ୍ବର ମାସରେ ସର୍ବକାଳୀନ ରେକର୍ଡ ଭାଙ୍ଗିଛି ।ପୂର୍ବରୁ ରାଜଧାନୀରେ ତାପମାତ୍ରା କେବେ ୮ ଡିଗ୍ରୀ ଯାଏଁ  ଖସିନଥିଲା। ଆହୁରି ଦୁଇ ଦିନ ରାଜ୍ୟରେ ଜାରି ରହିବ ଶୀତ ଲହରୀ । ଏବେ ରାଜ୍ୟରେ ଉତ୍ତର ଦିଗରୁ ୧୦ରୁ ୧୫ କିମି ବେଗରେ ବହୁଛି ପବନ ।…

ସେପଟେଜାଡ ମାଡ଼ରେ ଉତ୍ତର ଭାରତ ପୁରା ଥରହର ।୨୮ ବର୍ଷର ରେକର୍ଡ ଭାଙ୍ଗିଛି ଶୀତ । କାଶ୍ମୀରରୁ କନ୍ୟାକୁମାରୀ, ଗୁଜରାଟରୁ ଅରୁଣାଚଳ ପ୍ରଦେଶ ସାରାଦେଶରେ ବଢ଼ିବାରେ ଲାଗିଛି ଶୀତର ପ୍ରକୋପ ।

ମାଇନସ୍ ଡିଗ୍ରୀରେ ଥରୁଛି ଜାମ୍ମୁ ଓ କାଶ୍ମୀର । ଗୁଲମର୍ଗ ଯିବା ବେଳେ ଲୁଚିଯାଇଛି ରାସ୍ତା । ଦୁଇ କଡ଼ରେ ଥିବା ବଣଜଙ୍ଗଲ, ପାହାଡ଼ ପର୍ବତ ସବୁକିଛି ବରଫାବୃତ ହୋଇ ରହିଛି। ମାଇନସ୍ ଡିଗ୍ରୀ ତାପମାତ୍ରା ରହିବା କାରଣରୁ ଜାମ୍ମୁ କାଶ୍ମୀରର ଅଧିକାଂଶ ଭାଗରେ ଏବେ ବରଫର ମୋଟା ଆସ୍ତରଣ ଦେଖିବାକୁ ମିଳିଛି ।

ଉତ୍ତରାଖଣ୍ଡ ପାହାଡ଼ିଆ ଅଞ୍ଚଳରେ ମଧ୍ୟ ସେହି ସମାନ ସ୍ଥିତି ।  ଘରଦ୍ବାର, ଗଛଲତା ସବୁକିଛି ବରଫମୟ । ସେହିଭଳି ଦିଲ୍ଲୀରେ ମଧ୍ୟ ଚଳିତ ଥର ରେକର୍ଡ ସ୍ଥରରେ ଛୁଇଁଛି ଶୀତ। ପ୍ରବଳ ଶୀତ ଯୋଗୁ ରାତ୍ରିକାଳୀନ ଆଶ୍ରୟସ୍ଥଳୀ ଗୁଡ଼ିକରେ ଲୋକମାନେ ନାହିଁନଥିବା ହଇରାଣର ଶିକାର ହେଉଛନ୍ତି।…

   Related Posts