Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କୃଷକଙ୍କ ପରି ଆମକୁ ମଧ୍ୟ ଦେବାକୁ ପଡିବ ବଳିଦାନ, ତେବେ ଯାଇ ଜାମ୍ମୁ-କାଶ୍ମୀରରେ ଲାଗୁ ହେବ ୩୭୦: ଫାରୁକ ଅବଦୁଲ୍ଲା
  • ||
  • ମଙ୍ଗଳବାର କଥା ହେବେ ପୁଟିନ୍ ଓ ବାଇଡେନ୍, ୟୁକ୍ରେନ ହେବ ମୁଖ୍ୟ ପ୍ରସଙ୍ଗ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୨କୁ ବୃଦ୍ଧି
  • ||
  • ମାଆର ସାହସ ଆଗରେ ହାରିଲା ବାଘ, ନିଜ ପୁଅକୁ ମୃତ୍ୟୁ ମୁଖରୁ ଛଡାଇ ଆଣିଲେ ମହିଳା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୭୯୬ ମୃତ
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୮୯ କରୋନା ସଂକ୍ରମିତ, ୧୦୫୦୨୪୯ରେ ପହଞ୍ଚିଲା ସଂଖ୍ୟା
  • ||
  • ୟୁକ୍ରେନ ଉପରେ ଆକ୍ରମଣ କରିବ ଋଷ ! ପୁଟିନଙ୍କ ଦେଢ ଲକ୍ଷରୁ ଅଧିକ ସୈନ୍ୟ ଅଛନ୍ତି ପ୍ରସ୍ତୁତ
  • ||
  • ଜାନୁଆରୀ-ଫେବୃଆରୀ ମଧ୍ୟରେ ଭାରତରେ ଆସିବ ତୃତୀୟ ଲହର, ଓମିକ୍ରନ୍ ସାଜିବ ବାହକ : ଦାବି କଲେ ବିଶେଷଜ୍ଞ
  • ||
  • ଚାଲିଥିଲା ଧାନ ଚୋରା ଚାଲାଣ, ୨୨୦ ବସ୍ତା ଜବତ କଲା ଯୋଗାଣ ବିଭାଗ
  • ||
  • ଜଓ୍ୱାଦ ଦୁର୍ବଳ, ଟଳିଲା ବଡ ବିପଦ : ପୁରୀଠୁ ୨୭୦ କିମି ଦୂରରେ କେନ୍ଦ୍ରୀଭୂତ
  • ||

ଜାଡରେ ଥରୁଛି ସାରାଦେଶ : ଓଡ଼ିଶାରେ ବି ଶୀତ ଲହରି ଜାରି, ବର୍ଷାରେ ଭିଜିପାରେ ନୂଆବର୍ଷ

31/12/2019 at 9:02 AM

ଭୁବନେଶ୍ବର ୩୧।୧୨: ଜାଡରେ ଥରୁଛି ସାରା ରାଜ୍ୟ । ଭୁବନେଶ୍ବରରୁ କେନ୍ଦୁଝର, ମୟୁରଭଞ୍ଜରୁ କୋରାପୁଟ ସବୁଠି ହାଡଥରା ଶୀତ । ସ୍ବାଭାବିକଠାରୁ ୬ ଡିଗ୍ରୀ ତଳେ ରହୁଛି ପାରଦ । ରାଜ୍ୟରେ ଆହୁରି ୪୮ ଘଣ୍ଟା ପର୍ଯ୍ୟନ୍ତ ଥଣ୍ଡାର ପ୍ରକୋପ ରହିବ ବୋଲି ପାଣିପାଗ ବିଭାଗ ପୂର୍ବାନୁମାନ କରିଛି ।  ଶୀତରୁ ରକ୍ଷା ପାଇଁ କିଏ ନିଆଁ ପୋଉଁଛି ତ କିଏ ସକାଳୁ ସକାଳୁ ଚା’ର ମଜା ନେଉଛି ।

ରାଜ୍ୟର ୧୬ଟି ସହରରେ ତାପମାତ୍ରା ୧୦ଡିଗ୍ରୀ ତଳେ ରହିଛି । କେବଳ ଓଡିଶା ନୁହେଁ ସାରା ଦେଶରେ ମଧ୍ୟ ପ୍ରବଳ ଶୀତ ଲହରି ଜାରି ରହିଛି । ବିଶେଷକରି ଉତ୍ତର ଭାରତର ସ୍ଥିତି ପୂରା ବେହାଲ । ଶ୍ରୀନଗର ଡାଲ୍ ଲେକ ବରଫ ପାଲଟିଯାଇଛି । ମାଇନସ୍ ୬.୨କୁ ଚାଲିଯାଇଛି ତାପମାତ୍ରା । 

ରାଜଧାନୀ ଦିଲ୍ଲୀର ନିମ୍ନତମ ତାପମାତ୍ରା ୨.୫ଡିଗ୍ରୀ କୁ ଖସି ଆସିଛି । ଡିସେମ୍ବର ୧୪ରୁ ଏଭଳି ସ୍ଥିତି ଲାଗି ରହିଛି । ରାଜସ୍ଥାନ ମାଉଣ୍ଟ ଆବୁରେ ତାପମାତ୍ରା ୩ ଡିଗ୍ରୀ ରେକର୍ଡ କରାଯାଇଛି । ଭୟଙ୍କର ଥଣ୍ଡା ସାଙ୍ଗକୁ ଘନ କୁହୁଡି ଦିଲ୍ଲୀ ଏନସିଆର୍ ସହ ସାରା ଉତ୍ତର ଭାରତକୁ ଅସ୍ତବ୍ୟସ୍ତ କରିଛି । ଘନ କୁହୁଡି କାରଣରୁ ବିମାନ ଏବଂ ଟ୍ରେନ୍ ସେବା ଉପରେ ପ୍ରଭାବ ପଡିଛି । ଅନେକ ଟ୍ରେନ୍ ବିଳମ୍ବରେ ଚାଲୁଛି । 

ପାଣିପାଗ ବିଭାଗର ପୂର୍ବାନୁମାନ ଅନୁଯାୟୀ ପଶ୍ଚିମ ହିମାଳୟ ପଟୁ ବୋହୁଥିବା ପବନର ଗତି ସାମାନ୍ୟ ପରିବର୍ତ୍ତନ ସହ ଆଜି ଠାରୁ ଶୀତ ଲହରୀରୁ ସାମାନ୍ୟ ତ୍ରାହି ମିଳିପାରେ । ସେପଟେ ନୂଆ ବର୍ଷରେ ରାଜ୍ୟକୁ ମଧ୍ୟ  ଭିଜାଇବ ବର୍ଷା।  ୨ ତାରିଖ ଆଡ଼କୁ ବିଭିନ୍ନ ସ୍ଥାନରେ ଘଡ଼ଘଡ଼ି ସହ ବର୍ଷା ହେବ ବୋଲି ପୂର୍ବାନୁମାନ କରାଯାଇଛି । ବର୍ଷା ପରେ ପୁଣି ଶୀତ ବଢ଼ିବ ।

   Related Posts