Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୧ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୪ କୋଭିଡ୍ ସଂକ୍ରମିତ, ୩୩୩୪୪୪ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଲକ୍ଷ୍ନୌ : ଟ୍ରାକ୍‌ରୁ ଖସିଲା ଟ୍ରେନ୍‌, ଶହିଦ ଏକ୍ସପ୍ରେସ୍‌ର ୨ଟି ବଗି ଲାଇନ୍‌ଚ୍ୟୁତ
  • ||
  • କେନ୍ଦୁଝର : ସ୍ତ୍ରୀକୁ ପିଟିପିଟି ମାରିଦେଲା ସ୍ବାମୀ, ଅଭିଯୁକ୍ତ ଅଟକ
  • ||
  • ଖସୁଛି କରୋନା ଗ୍ରାଫ୍‌, ଦେଶରେ ଗତ ୨୪ଘଣ୍ଟାରେ ୧୩,୭୮୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଭୁବନେଶ୍ୱର : ବିଶିଷ୍ଟ ଶ୍ରମିକ ନେତା ଲଳିତ ନାୟକଙ୍କ ପରଲୋକ
  • ||
  • କେନ୍ଦୁଗୁଡ଼ା ଘାଟିରେ ଓଲଟିଲା ଟୁରିଷ୍ଟ ବସ୍ : ଜଣେ ମୃତ , ୧୦ ରୁ ଅଧିକ ଆହତ
  • ||

ଶୀତରେ ଥରହର ପୁରା ରାଜ୍ୟ : ଓଡିଶାର କାଶ୍ମୀର ଦାରିଙ୍ଗବାଡିରେ ସର୍ବନିମ୍ନ ତାପମାତ୍ରା ୪ଡିଗ୍ରୀ, ଆସନ୍ତା ୪ଦିନ ଶୀତ ଆହୁରି ବଢିବା ଆଶଙ୍କା

24/12/2018 at 5:20 PM

କନ୍ଧମାଳ ୨୪/୧୨ : ପ୍ରବଳ ଶୀତରେ ଥରହର ହେଉଛି ପୁରା ଦେଶ | ବିଶେଷ କରି ଉତ୍ତର ଭାରତରେ ଥଣ୍ଡା ଓ ଶୀତର ପ୍ରକୋପ ଦିନକୁ ଦିନ ବଢ଼ିବାରେ ଲାଗିଛି | ପାଣିପାଗ ବିଭାଗ ସୂଚନା ଅନୁଯାୟୀ, ଆସନ୍ତା ୪ ଦିନ ଆହୁରି ଶୀତ ବଢିବାର ଆଶଙ୍କା ରହିଛି | ଏଭଳି ସ୍ଥିତିରେ ଓଡିଶା ମଧ୍ୟ କିଛି କାମ ନାହିଁ | ଗତକିଛି ଦିନ ହେଲା ଆକାଶ ମେଘମୁକ୍ତ ରହିବା ଫଳରେ ଫୁଲବାଣୀ ସମେତ ଓଡିଶାର କାଶ୍ମୀର କୁହାଯାଉଥିବା ଦାରିଙ୍ଗବାଡି, ବେଲଘର, ତୁମୁଡିବନ୍ଧ, କୋଟଗଡ, ବାଲିଗୁଡା, ଜି.ଉଦୟଗିରି, ରାଇକିଆ, ଫିରିଙ୍ଗିଆ ଆଦି ବିଭିନ୍ନ ସ୍ଥାନରେ ତାପମାତ୍ରା ଖସିବାରେ ଲାଗିଛି। ରବିବାର ଫୁଲବାଣୀରେ ତାପମାତ୍ରା ୮ ଡିଗ୍ରୀ ଥିବାବେଳେ ଦାରିଙ୍ଗବାଡିରେ ୭.୫ ଡିଗ୍ରୀ ସେଲସିୟସ ଥିଲା ।

ହେଲେ ଆଜି ଫୁଲବାଣୀରେ ତାପମାତ୍ରା ୬ ଡିଗ୍ରୀ ସେଲସିୟସକୁ ଖସି ଆସିଥିବା ବେଳେ ଦାରିଙ୍ଗବାଡିରେ ମଧ୍ୟ ତାପମାତ୍ରା ୪ ଡିଗ୍ରୀ ସେଲସିୟସକୁ ଖସି ଆସିବା ଫଳରେ ଥଣ୍ଡାର ପ୍ରକୋପ ଯଥେଷ୍ଟ ବୃଦ୍ଧି ପାଇଛି। ତା’ସାଙ୍ଗକୁ ଘନ କୁହୁଡି ଓ କାକର ସକାଳ ୯ ଟା ଯାଏଁ ରହୁଛି। ମୁହଁକୁ ମୁହଁ ଦିଶୁନି।


ସେହିପରି ସନ୍ଧ୍ୟା ହଲେ ପୁଣି ଥଣ୍ଡା ବଢିଯାଉଛି। ଫଳରେ ଦୋକାନ ବଜାର ଖାଁ ଖାଁ ହେବା ସହ ରାସ୍ତାଘାଟ ଜନଶୁନ୍ୟ ହୋଇପଡୁଛି। କି ବୁଢା କି ପିଲା ସମସ୍ତେ ଦିନସାରା ନିଆଁ ଜାଳି ନିଆଁ ପାଖରେ ବସି ରହୁଛନ୍ତି । କାମଧନ୍ଦା କରିବାକୁ ଯାଇପାରୁନାହାନ୍ତି ଲୋକେ। ବିଶେଷ କରି ବୟସ୍କ ମାନେ ବହୁ କଷ୍ଟ ପାଉଛନ୍ତି ।

ତେବେ ଶୀତ ଯେତେ ବଢୁଛି ଏବେ ପର୍ଯୟଟକଙ୍କ ସଂଖ୍ୟା ମଧ୍ୟ ଜିଲ୍ଲାକୁ ବଢିବାରେ ଲାଗିଛି। ଥଣ୍ଡାର ମଜା ନେବା ସହ ମନୋରମ ପ୍ରାକୃତିକ ପରିବେଶ ଉପଭୋଗ କରିବା ପାଇଁ ଦେଶୀ ଓ ବିଦେଶୀ ପର୍ଯୟଟକ ମାନଙ୍କ ସୁଅ ଛୁଟିଛି ଜିଲ୍ଲାକୁ। ଏହି ଶୀତ କାହାପାଇଁ ଖୁସି ଆଣିଦେଇଥିବା ବେଳେ କାହା ପାଇଁ ଆଣି ଦେଇଛି ଦୁଖ।

   Related Posts