Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଢେଙ୍କାନାଳ : କପିଳାଶ ଜାଗର ଯାତ୍ରା ପାଇଁ କଟକଣା, ଜିଲ୍ଲା ବାହାର ଭକ୍ତଙ୍କୁ ମନା, ଜିଲ୍ଲାବାସୀଙ୍କ କୋଭିଡ୍ ନେଗେଟିଭ୍ ରିପୋର୍ଟ ବାଧ୍ୟତାମୂଳକ
  • ||
  • କଟକ : ରାଜ୍ୟରେ ପୁଣି ବଢିଲା ବସ୍ ଭଡା, ସାଧାରଣ ଓ ଏକ୍ସପ୍ରେସ କିଲୋମିଟର ପିଛା ୫ପଇସା, ଡିଲକ୍ସ ଓ ଏସି ଡିଲକ୍ସ ୧୦ପଇସା ବୃଦ୍ଧି
  • ||
  • ଧର୍ମଗଡ : ବାଇକ୍ ଉପରେ ମାଡିଗଲା ବସ୍, ଘଟଣାସ୍ଥଳରେ ୩ ମୃତ
  • ||
  • ସାନଖେମୁଣ୍ଡି : ବାରହା ଆକ୍ରମଣରେ ୭ ଆହତ, ଗ୍ରାମବାସୀ ଭୟଭୀତ
  • ||
  • ରାଉରକେଲା : ଶିଶୁପାଳ ହୋଇ ଫେରିଲା ବର, ଅଧାରୁ ବନ୍ଦ ହେଲା ବାଲ୍ୟ ବିବାହ
  • ||
  • ଆଠଗଡ : ସରିଯାଉଛି ଟୋକନ ଅବଧି, ମଣ୍ଡିରୁ ଉଠୁନି ଧାନ, ପ୍ରତିବାଦରେ ଚାଷୀଙ୍କ ରାସ୍ତା ଅବରୋଧ
  • ||
  • ଭଦ୍ରକ : ଅଷ୍ଟପ୍ରହରୀ ଚାନ୍ଦା ପାଇଁ ଗଛରେ ବାନ୍ଧି ନିସ୍ତୁକ ମାଡ ଅଭିଯୋଗ, ଥାନାରେ ଏତଲା
  • ||
  • ନୀଳଗିରି : ନୀଳଗିରି ସହରରେ ବୁଲୁଛି ଭାଲୁ, ଲୋକେ ଭୟଭୀତ
  • ||
  • ରାଉରକେଲା : ଛାତ୍ରଙ୍କ ନାଁରେ ଜିଏସଟି ଠକେଇ ଅଭିଯୋଗ, ୩୮କୋଟି ଟଙ୍କାର ଠକେଇ ନେଇ ନୋଟିସ୍
  • ||
  • ସାନଖେମୁଣ୍ଡି : ଥାନାଠାରୁ ୧ କି.ମି. ଦୂରରେ ଚାଲିଥିଲା ବେଆଇନ ବିଦେଶୀ ମଦ ବିକ୍ରି, ଚଢାଉ କରି ନଷ୍ଟ କଲା ପୋଲିସ
  • ||

ମାଛ ଧରୁଥିବା ବେଳେ କୋଷ୍ଟଗାର୍ଡ଼ଙ୍କ ଗୁଳିମାଡ଼ରେ ଟଳିପଡ଼ିଲେ ମତ୍ସ୍ୟଜୀବୀ : କ୍ଷତିପୂରଣ ସହ ଘଟଣାର ତଦନ୍ତ ଦାବି କଲା ମତ୍ସ୍ୟଜୀବୀ ସଂଘ

12/01/2019 at 4:17 PM

ପାରାଦୀପ୧୨|୧: ମାଛ ଧରୁଥିବା ବେଳେ କୋଷ୍ଟଗାର୍ଡ଼ଙ୍କ ଗୁଳିମାଡ଼ରେ ଟଳିପଡ଼ିଲେ ମତ୍ସ୍ୟଜୀବୀ । ବାଲେଶ୍ବର ଜମ୍ବୁ ମେରାଇନ୍‌ ଥାନା ଅଂଚଳରେ ଏହି ଅଘଟଣରେ ପ୍ରାଣ ହରାଇଛନ୍ତି ସ୍ଥାନୀୟ ନରଣପୁର ଅଂଚଳର ମତ୍ସ୍ୟଜୀବୀ ମାୟାଧର ମଲ୍ଲିକ । ଘଟଣାକୁ ନେଇ ମତ୍ସ୍ୟଜୀବୀ ସଂଘ ଅସନ୍ତୋଷ ପ୍ରକାଶ କରିଥିବା ବେଳେ ନିଜ ତରଫରୁ ସଫେଇ ଦେଇଛନ୍ତି ଇଣ୍ଡିଆନ୍‌ କୋଷ୍ଟଗାର୍ଡ଼ ଡିଆଇଜି ।

ରାତି ପ୍ରାୟ ୧୦ଟା ହେବ । ଗଭୀର ସମୁଦ୍ର ଭିତରେ ଗୋଟିଏ ବୋଟ୍‌କୁ ଦେଖି ପିଛା କରିଥିଲେ ଇଣ୍ଡିଆନ୍‌ କୋଷ୍ଟଗାର୍ଡ଼ । ବିଭିନ୍ନ ପ୍ରକାର ସିଗ୍‌ନାଲ ଦେଇ ବୋଟଟିକୁ ଅଟକାଇବାକୁ ଚେଷ୍ଟା କରିଥିଲେ । ହେଲେ ବୋଟ୍‌ଟି ଅଟକିବା ବଦଳରେ ଆହୁରି ଜୋର୍‌ରେ ପଳାଇଯିବାକୁ ଉଦ୍ୟମ କରିଥିଲା । ବାଧ୍ୟ ହୋଇ ଫାୟାରିଂ କରିଥିଲେ କୋଷ୍ଟଗାର୍ଡ଼ । ଆଉ ଗୁଳିମାଡ଼ରେ ଟଳିପଡ଼ିଥିଲେ ମାଛ ଧରା ବୋଟ୍‌ର ଚାଳକ ମାୟାଧର ମଲ୍ଲିକ । ତାଙ୍କୁ ଗରୁତର ଅବସ୍ଥାରେ ପାରାଦୀପ ବନ୍ଦର ମେଡିକାଲକୁ ଅଣାଯାଇଥିଲା । ସେଠାରେ ମାୟାଧରଙ୍କୁ ମୃତ ଘୋଷଣା କରିଥିଲେ ଡାକ୍ତର । ମାୟାଧରଙ୍କ ଘର ବାଲେଶ୍ବର ନରଣପୁର ଅଂଚଳରେ । ବାଲେଶ୍ବର ଜମ୍ବୁ ମେରାଇନ୍‌ ଥାନା ଅଂଚଳରେ ଘଟିଛି ଏହି ଅଘଟଣ ।

ସେପଟେ ଭାରତୀୟ ତଟ୍ଟରକ୍ଷୀ ବାହିନୀର ଏଭଳି ସଫେଇକୁ କିନ୍ତୁ ମାନିବାକୁ ନାରାଜ୍‌  ନିଖିଳ ଓଡ଼ିଶା ମତ୍ସ୍ୟଜୀବୀ ସଂଘ ।  ସେମାନଙ୍କ କହିବା କଥା ସୀମା ଭିତରେ ରହି ମାଛଧରୁଥିବା ମତ୍ସ୍ୟଜୀବୀ ଯଦି କୌଣସି ନିୟମ ଉଲଂଘନ କଲେ ତାହେଲେ ତାଙ୍କୁ ଗିରଫ କରାଯାଇପାରିଥାନ୍ତା । ସେକଥା ନକରି ବାହ୍ୟ ଶତ୍ରୁଙ୍କ ଭଳି ସେମାନଙ୍କ ଉପରେ ଗୁଳି ଚଳାଇବା କ’ଣ ଦରକାର ଥିଲା ? ମୃତକଙ୍କ ପରିବାରକୁ ଉପଯୁକ୍ତ କ୍ଷତିପୂରଣ ସହ ଘଟଣାର ତଦନ୍ତ ଦାବି କରିଛି ସଂଘ ।

ଗୋଟେ ପଟେ ଏହି ଘଟଣାରେ ଇଣ୍ଡିଆନ୍‌ କୋଷ୍ଟ ଗାର୍ଡ଼ ପକ୍ଷରୁ ସୀମା ସୁରକ୍ଷାର ଦ୍ବାହି ଦିଆଯାଉଛି । ସେପଟେ ଉଭୟ ବାଲେଶ୍ବର ଓ ପାରାଦୀପ ମତ୍ସଜୀବୀ ସଂଘ ପକ୍ଷରୁ ଏହାକୁ ନିନ୍ଦା କରାଯାଇଛି । ତେବେ ପ୍ରକୃତ ଘଟଣା କ’ଣ ତା’ର ଏକ ବିଧିବଦ୍ଧ ତଦନ୍ତର ଆବଶ୍ୟକତା ରହିଛି ।

   Related Posts