କଟକ ୦୧।୦୭: ସରକାର କରୋନା ସ୍ଥିତିକୁ ନିୟନ୍ତ୍ରଣ ଆଣିବା ପାଇଁ ବିଭିନ୍ନ ପଦକ୍ଷେପ ନେଉଛନ୍ତି । ରାଜ୍ୟରେ କରୋନା ସଂକ୍ରମଣ ଚେନ୍ ରୋକିବା ପାଇଁ ଲକ୍ଡାଉନ୍ , ସଟ୍ଡାଉନ୍ ଲାଗୁ କରୁଛନ୍ତି । ଏପରିକି କିଛି ଦୋକାନା ଖୋଲିବାକୁ ପ୍ରଶାସନ ଅନୁମତି ଦେଇଥିଲେ ମଧ୍ୟ କୋଭିଡ଼ ଗାଇଡଲାଇନ୍ ପାଳନ କରିବାକୁ ନିର୍ଦ୍ଦେଶ ଦେଇଛନ୍ତି । ଏହିପରି କଟକରେ କୋଭିଡ ଗାଇଡ଼ ଲାଇନ୍ ଉଲ୍ଲଘଂନ କରିବା ଅଭିଯୋଗରେ ୩ଟି ଦୋକାନକୁ ସିଲ୍ କରାଯାଇଛି । କଟକ ମହାନଗର ନିଗମ ପକ୍ଷରୁ ସମସ୍ତ ଦୋକାନକୁ ସିଲ୍ କରାଯାଇଛି ।
ସୂଚନାଯୋଗ୍ୟ ଯେ, କଟକରେ କୋଭିଡ ଗାଇଡ ଲାଇନ ପାଳନ କରି ଦୋକାନ ଖୋଲିବାକୁ ନିର୍ଦ୍ଦେଶ ଦିଆଯାଇଥିଲା । କିନ୍ତୁ ଏହି ଗାଇଡ୍ ଲାଇନ୍ର ଉଲଙ୍ଘନ କରାଯାଇଥିବା ଅଭିଯୋଗ ଆସିଛି । କୋଭିଡ଼ ଗାଇଡ୍ଲାଇନ୍ ଉଲ୍ଲଘଂନ ଅଭିଯୋଗରେ କଟକ କେଊଟ ସାହି ଅଞ୍ଚଳରେ ୨ଟି ରାକ୍ଷୀ ଦୋକାନ ଓ ଚୌଧୁରୀ ବଜାର ଅଞ୍ଚଳର ଗୋଟିଏ ହାର୍ଡୱାର ଦୋକାନରେ ସିଏମ୍ସି ଓ ପୁରୀଘାଟ ଥାନା ପୋଲିସ ପକ୍ଷରୁ ଚଢାଉ କରାଯାଇଛି । ତେବେ ଏହି ସବୁ ଦୋକାନ ନିୟମ ଉଲଙ୍ଘନ ଅଭିଯୋଗରେ ଏହି ୩ଟି ଦୋକାନକୁ ସିଲ୍ କରିଛି କଟକ ମହାନଗର ନିଗମ ।