Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପରଲୋକରେ ରାଜ୍ୟସଭା ସାଂସଦ ରଘୁନାଥ ମହାପାତ୍ର
  • ||
  • ଦୁର୍ଘଟଣାରେ କେନ୍ଦ୍ରମନ୍ତ୍ରୀ ପ୍ରତାପ ଷଡ଼ଙ୍ଗୀ ଆହାତ, ମନ୍ତ୍ରୀଙ୍କ କାର୍‌କୁ ପିଟିଲା ଟ୍ରାକ୍ଟର
  • ||
  • କମୁନି ସଂକ୍ରମଣ : ଆଜି ବି ଦେଶରେ ୪ ଲକ୍ଷରୁ ଅଧିକ ପଜିଟିଭ୍ ଚିହ୍ନଟ, ୪୦୯୨ ମୃତ
  • ||
  • ଦନ୍ତାକୁ ଧକ୍କା ଦେଲା ମାଲବାହୀ ଟ୍ରେନ୍, ଗୋଡରେ ଲାଗିଛି ଶକ୍ତ ଆଘାତ
  • ||
  • ରାଜ୍ୟରେ କରୋନା ନେଲା ଆଉ ୧୯ଜଣଙ୍କ ଜୀବନ, ୨୧୮୦ରେ ପହଞ୍ଚିଲା ମୃତ୍ୟୁସଂଖ୍ୟା
  • ||
  • ୧୦ ହଜାର ଉପରେ କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୧୦,୬୩୫ ପଜିଟିଭ୍
  • ||
  • କମିଛି ତାତି, ୨ ଦିନ ପରେ ପୁଣି ବଢିବ ସୂର୍ଯ୍ୟଙ୍କ ପ୍ରକୋପ
  • ||

ବର୍ଷା ଆଶଙ୍କାକୁ ଦୃଷ୍ଟିରେ ରଖି ସିଏମସିର ଆଗୁଆ ପଦକ୍ଷେପ, ସହରର ସମସ୍ତ ନାଳ ନର୍ଦ୍ଦମାର ସାନି ସଫେଇ

7/11/2019 at 5:09 PM

କଟକ ୭।୧୧: ନିକଟରେ ହୋଇଥିବା ଲଗାଣ ବର୍ଷା କାରଣରୁ କଟକ ସହରରେ ଲୋକେ ନାହିଁ ନଥିବା ଦୁର୍ଦ୍ଦଶା ଭୋଗିଥିଲେ । ମୁଖ୍ୟ ନର୍ଦ୍ଦମା ସମେତ ସହରରେ ଥିବା ପ୍ରାୟ ଅର୍ଦ୍ଧାଧିକ ଡ୍ରେନ୍ ଚୋକ୍‌ ହୋଇଯାଇଥିବାରୁ ବର୍ଷା ପାଣି ନିଷ୍କାସନ ହୋଇ ପାରିଲାନାହିଁ । ତାକୁ ଆଖିରେ ରଖି ଆଗୁଆ ପଦକ୍ଷେପ ନେଉଛି ମହାନଗର ପ୍ରଶାସନ । କାରଣ ଆଗକୁ ବାତ୍ୟାର ଭୟ ନଥିଲେ ବି, ବର୍ଷା ହେବାର ସମ୍ଭାବନାକୁ ଏଡାଇ ହେବନାହିଁ । ସେପଟେ କିନ୍ତୁ ଜାଇକା ପ୍ରକଳ୍ପ କାମ ଜାରି ରହିଥିବାରୁ ଲଗାଣ ବର୍ଷା ହେଲେ କଟକବାସୀଙ୍କ ଲାଗି ସମସ୍ୟା ବଢିପାରେ ।

ବେଳେ ଥାଉ ଥାଉ କିଛିଟା ଆଗୁଆ ପଦକ୍ଷେପ ନନେଲେ ହୁଏତ ଆଗକୁ ସମସ୍ୟା ଦ୍ବିଗୁଣିତ ହୋଇପାରେ । ସେଥିଲାଗି କଟକ ସହର ସମସ୍ତ ନାଳ ନର୍ଦ୍ଦମା ଗୁଡିକର ସାନି ସଫେଇ କାମ ଚାଲିଛି । କାରଣ ଆଗକୁ ବର୍ଷା ହେବାକୁ ଯଥେଷ୍ଟ ସମ୍ଭାବନା ରହିଛି । ତେଣୁ ନାଳ ନର୍ଦ୍ଦମା ଗୁଡିକ ସଫା ରହିଲେ ହୁଏତ କଟକବାସୀ ଆଉ ଜଳବନ୍ଦୀ ହେବେନାହିଁ । ଏମିତି କିଛି ଧାରଣା ରଖିଛି ସିଏମସି ପ୍ରଶାସନ । ହେଲେ ଆଗକୁ ବର୍ଷା ହେବକି ନାହିଁ, ସେନେଇ ଜିଲ୍ଲା ପ୍ରଶାସନ ତରଫରୁ କିଛି ବି ଆନୁଷ୍ଠାନିକ ଭାବେ କୁହାଯାଇନାହିଁ ।

ଲଗାଣ ବର୍ଷା କାରଣରୁ ଅର୍ଦ୍ଧାଧିକ ଡ୍ରେନ୍ ଚୋକ୍‌ ହୋଇଯାଇଥିବାରୁ ବର୍ଷା ପାଣି ନିଷ୍କାସନ ହୋଇ ପାରିଲାନାହିଁ । ତା ସହିତ ଜାଇକା ପ୍ରକଳ୍ପ କାର୍ଯ୍ୟ ଯୋଗୁଁ ଅନେକ ସ୍ଥାନରେ ପାଣି ଜମି ରହିଲା । ତେବେ ବର୍ଷା ଛାଡିଯିବା ପରେ ପୁନର୍ବାର ନିର୍ମାଣ କାମ ଆରମ୍ଭ ହୋଇଯାଇଛି । ସେଲଟର ଛକ, ରାମଗଡ, କନିକା ଛକ ଭଳି ସ୍ଥାନ ଗୁଡିକରେ ଜାଇକା କାମ ସହିତ ଡ୍ରେନ ସଫେଇ କାମ ଏକକାଳୀନ ଭାବେ ଚାଲିଥିବାରୁ ରାସ୍ତା ଗହଳି ରହୁଛି । ଯାତ୍ରୀଙ୍କୁ ଅନେକ ସମୟରେ ନାନଦି ସମସ୍ୟାର ସମ୍ମୁଖୀନ ହେବାକୁ ପଡୁଛି । ତେବେ ନର୍ଦ୍ଦମା ସଫେଇ କାମ ଚାଲିଥିବା କାରଣରୁ ସ୍ଥାନୀୟ ବାସିନ୍ଦାଙ୍କ ଭିତରେ କିଛି ମାତ୍ରାରେ ଆସ୍ବସ୍ଥି ପ୍ରକାଶ ପାଇଛି ।

ଆଗକୁ ଆସୁଛି ବାଲିଯାତ୍ରା, ଯଦି ସେ ସମୟରେ ବର୍ଷା ହୁଏ, ତେବେ କଟକବାସୀଙ୍କ ଜୀବନ ଯାତ୍ରା ପ୍ରଭାବିତ ହେବା ସହିତ ବାଲିଯାତ୍ରା ଫିକା ପଡିଯିବାର ଆଶଂକା ମଧ୍ୟ ରହିଛି ।

   Related Posts