Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସରିଲାନି ଆର୍ଯ୍ୟନ ଖାନ୍‌ଙ୍କ ଜାମିନ୍‌ ଆବେଦନର ଶୁଣାଣି, ଆସନ୍ତାକାଲିକୁ ସ୍ଥଗିତ ରଖିଲେ କୋର୍ଟ
  • ||
  • ଭାରତୀୟ ଶିକ୍ଷୟିତ୍ରୀଙ୍କ ପାକିସ୍ତାନ ପ୍ରେମ, ଷ୍ଟାଟସ୍ ଦେଲେ ‘ଆମେ ମ୍ୟାଚ୍ ଜିତିଗଲୁ’
  • ||
  • ରାଜ୍ୟରେ କମୁଛି କରୋନା ଗ୍ରାଫ୍ : କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୩୩ କୋଭିଡ୍ ପଜିଟିଭ୍
  • ||
  • ନୂଆଦିଲ୍ଲୀ ସୀମାପୁରୀରେ ଅଭାବନୀୟ ଘଟଣା : ଘରେ ଲାଗିଲା ନିଆଁ, ୪ ମୃତ
  • ||
  • ଏବର୍ଷ ରାଜ୍ୟରେ ହାଡଭଙ୍ଗା ଶୀତ, ଅଧିକ ଦିନ ଥରାଇବ
  • ||
  • ସିଆରପିଏଫ କ୍ୟାମ୍ପରେ ରାତି ବିତାଇଲେ ଶାହ, ଯବାନଙ୍କ ସହ କଲେ ରାତ୍ରି ଭୋଜନ
  • ||
  • ମମିତା ମେହେର ହତ୍ୟା ମାମଲା : ବିଜେପି ପକ୍ଷରୁ ୧୨ ଘଣ୍ଟିଆ ସମ୍ବଲପୁର ବନ୍ଦ, ସେପଟେ ଡିଜିପି ଅଫିସ ଘେରାଉ କରିବ କଂଗ୍ରେସ
  • ||

ଅମାନିଆଙ୍କୁ ଉଦ୍ଧବଙ୍କ ଚେତାବନୀ, ନିୟମ ନମାନିଲେ ପୁଣି ଲାଗୁ ହେବ ଲକ୍ ଡାଉନ୍

11/06/2020 at 8:07 AM

ମୁମ୍ବାଇ ୧୧।୬: ଦେଶରେ  କୋରନା ଆକ୍ରାନ୍ତଙ୍କ ସଂଖ୍ୟା ବଢିବାରେ ଲାଗିଛି । କରୋନା ସଂକ୍ରମଣକୁ ରୋକିବା ଲାଗି ଦେଶର କିଛି ଭାଗରେ ପୁଣି ଥରେ  ଲକ୍ ଡାଉନ୍ କଟକଣା  କଡାକଡି ଲାଗୁ ହେବା ନେଇ ସମ୍ଭାବନା ସୃଷ୍ଟି ହୋଇଛି । ମହାରାଷ୍ଟ୍ରରେ ସ୍ଥିତି ବେକାକୁ ହେବାରେ ଲାଗିଛି । ରାଜ୍ୟରେ ଏଯାଏଁ ପାଖାପାଖି ୯୫ ହଜାର କରୋନା ଭାଇରସ୍ ଦ୍ବାରା ସଂକ୍ରମିତ ହୋଇଥିବାବେଳେ କରୋନା ମହାମାରୀ  ଯୋଗୁଁ ୩୫୦୦ ଲୋକଙ୍କର ଜୀବନ ଗଲାଣି । ଗତ ୨୪ ଘଣ୍ଟା ମଧ୍ୟରେ ୩୨୫୪ ଜଣ ସଂକ୍ରମିତ ହୋଇଥିବା ବେଳେ ୧୪୯ ଜଣଙ୍କ ମୃତ୍ୟୁ ହୋଇଛି । ରାଜ୍ୟରେ ବଢିଚାଲିଥିବା କରୋନା ସଂକ୍ରମଣକୁ ଦେଖି ମୁଖ୍ୟମନ୍ତ୍ରୀ ଉଦ୍ଧବ ଠାକରେ ପୁଣି ଥରେ ଲକ୍ ଡାଉନ୍ ଲାଗୁ କରିବା ନେଇ କଥା ଉଠାଇଛନ୍ତି ।

ଉଦ୍ଧବ ଠାକରେ କହିଛନ୍ତି ଯେ, ଯଦି ଲୋକେ କରୋନା ସଂକ୍ରମଣ ବ୍ୟାପିବାକୁ ରୋକିବା ଲାଗି ଲଗାଇଯାଇଥିବା କଟକଣାକୁ ନ ମାନନ୍ତି ତେବେ ରାଜ୍ୟରେ ପୁଣି ଲକ୍ ଡାଉନ୍ ଲାଗୁ କରିବାକୁ ପଡିପାରେ । ସେ ଏହା ମଧ୍ୟ କହିଛନ୍ତି ଉଦ୍ଧବ ଠାକରେ ମୁମ୍ବାଇରେ ଲୋକାଲ ଟ୍ରେନ୍ ପୁଣି ଚଳାଚଳ ଆରମ୍ଭ କରିବାକୁ କେନ୍ଦ୍ର ନିକଟରେ ଦାବି ରଖିଛନ୍ତି । ସଟ୍ ଡାଉନ୍ ଯୋଗୁଁ ଅନେକ ଲୋକ ସେମାନଙ୍କ ଦୈନନ୍ଦିନ କାମ ଆରମ୍ଭ କରିପାରୁନାହାଁନ୍ତି ବୋଲି ସେ କହିଛନ୍ତି ।

ମୁଖ୍ୟମନ୍ତ୍ରୀ ଉଦ୍ଧବ ଠାକରେ କହିଛନ୍ତି ଯେ ସରକାର ‘ମିଶନ ଷ୍ଟାର୍ଟ ଏଗେନ୍’ ପାଇଁ ସତର୍କ ପଦକ୍ଷେପ ନେଉଛନ୍ତି । ଆମେ ଲକ୍ ଡାଉନ୍ କୁ ପର୍ଯ୍ୟାୟକ୍ରମେ ଲାଗୁ କରିଛୁ । ସେହିଭଳି ପର୍ଯ୍ୟାୟକ୍ରମେ ଏହାକୁ ହଟାଯିବା ଉଚିତ । ବିପଦ ଏବେ ମଧ୍ୟ ଟଳିନାହିଁ ।

ସେ କହିଛନ୍ତି ଯଦି ଲକ୍ ଡାଉନ୍ କୋହଳ ଦ୍ବାରା ବିପଦ ସୃଷ୍ଟି ହେବ ତେବେ ଲକ୍ ଡାଉନ୍ ପୁଣି ଲାଗୁ କରିବାକୁ ବାଧ୍ୟ ହେବେ । ମହାରାଷ୍ଟ୍ରର ଜନସାଧାରଣ ସରକାରଙ୍କୁ ସହଯୋଗ କରୁଛନ୍ତି । ସରକାରଙ୍କ ନିର୍ଦ୍ଦେଶ ମଧ୍ୟ ପାଳନ କରୁଛନ୍ତି । ତାଙ୍କୁ ବିଶ୍ବାସ ରହିଛି ଯେ, ସରକାର ଜନସାଧାରଣଙ୍କ ହିତ ଉଦ୍ଦେଶ୍ୟରେ କାମ କରୁଛନ୍ତି ।

ମହାରାଷ୍ଟ୍ରରେ କରୋନା ସଂକ୍ରମିତଙ୍କ ସଂଖ୍ୟା ୯୪୦୪୧ରେ ପହଞ୍ଚିଛି । ଏଥିମଧ୍ୟରୁ ୩୪୩୮ ଲୋକଙ୍କ ମୃତ୍ୟୁ ହୋଇସାରିଲାଣି । ମହାରାଷ୍ଟ୍ରରେ ୪୬୦୭୪ କରୋନା ଆକ୍ଟିଭ୍ କେସ୍ ରହିଛି । ସେହିପରି ୪୪୫୧୭ ଲୋକ କରୋନରୁ ସୁସ୍ଥ ହୋଇ ଘରକୁ ଫେରିଛନ୍ତି ।

ମୁମ୍ବାଇରେ ୫୨୬୬୭ ଲୋକ ସଂକ୍ରମିତ ହୋଇଥିବା ବେଳେ ୧୮୫୭ ଲୋକଙ୍କ ମୃତ୍ୟୁ ହୋଇଛି । ଗତ ୨୪ ଘଣ୍ଟା ମଧ୍ୟରେ ୧୫୬୭ ଲୋକ ସଂକ୍ରମିତ ହୋଇଥିବା ବେଳେ ୯୭ ଜଣଙ୍କର ମୃତ୍ୟୁ ହୋଇଛି ।

   Related Posts