ଭୁବନେଶ୍ୱର ୦୬।୧୧ – ସାଧାରଣ ଯାତ୍ରୀଙ୍କ ପରି ଟିକେଟ୍ କରି ମୋ ବସ୍ରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯାତ୍ରା କରିଛନ୍ତି ।
ଜୟଦେବ ଭବନରେ 'ମୋ ବସ"ର ବର୍ଷେ ପୂର୍ତ୍ତି ସମାରୋହ ଅନୁଷ୍ଠିତ ହୋଇଥିଲା । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମୁଖ୍ୟ ଅତିଥି ଭାବେ ଏଥିରେ ଯୋଗ ଦେଇଥିଲେ । ମୋବସ୍ ସେବାର ଉଦ୍ଘାଟନୀ ଅବସରରେ ମୁଖ୍ୟମନ୍ତ୍ରୀ ବସ୍ରେ ଯାତ୍ରା କରିଥିଲେ । ସେହି ପରି ଏକ ବର୍ଷ ପୂର୍ତ୍ତି ଅବସରରେ ମୁଖ୍ୟମନ୍ତ୍ରୀ ବସ୍ରେ ଟିକେଟ୍ କାଟି ଯାତ୍ରା କରିଛନ୍ତି ।
ଏହି ଅବସରରେ ମୋ ବସ୍ ମାସ୍କଟ 'ମୋବି' ଉନ୍ମୋଚିତ ହୋଇଛି । ଅନେକ ଯାତ୍ରୀ ମୁଖ୍ୟମନ୍ତ୍ରୀଙ୍କ ସହ ସେଲ୍ଫି ନେଇଥିଲେ ।