Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କେନ୍ଦ୍ରକୁ ଓଡ଼ିଶା ମାଗିଲା ଅଗଷ୍ଟ ବର୍ଷା-ବନ୍ୟାର ସହାୟତା, ଦାବି କଲା ୧୫୬୯.୫୦ କୋଟି ଟଙ୍କା
  • ||
  • ରାଜ୍ୟରେ ଆଉ ୧୬ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୬୩୩ କରୋନା ସଂକ୍ରମିତ ଚିହ୍ନଟ
  • ||
  • ଟ୍ରକକୁ ପଛ ପଟୁ ପିଟିଲା ଟ୍ରଲର, ୨ ମୃତ
  • ||
  • ଡ଼କାୟତି ଯୋଜନା ପଣ୍ଡ, ବାଇପାସ କଡ଼ରୁ ୬ ଡକାୟତ ଗିରଫ
  • ||

ସରପଞ୍ଚ ହେବ ତ ଏମିତି… କାଦୁଅ ରାସ୍ତାରେ କାନ୍ଧରେ ଖାଦ୍ୟ ବ୍ୟାଗ୍ ଧରି ସଙ୍ଗରୋଧ କେନ୍ଦ୍ରକୁ ଚାଲି ଚାଲି ଗଲେ : ମୁଖ୍ୟମନ୍ତ୍ରୀ କଲେ ପ୍ରଶଂସା

3/06/2020 at 9:43 AM

ସୋର ୩।୬: ମହାନତା ଦେଖାଇଲେ ସରପଞ୍ଚ । ଭିଡିଓ ହେଲା ଭାଇରାଲ । ମୁଖ୍ୟମନ୍ତ୍ରୀ ପ୍ରଶଂସା କରି କଲେ ଟ୍ବିଟ୍ । ରାସ୍ତା ଖରାପ ଥିବାରୁ ପ୍ରତ୍ୟକ ଦିନ ପଞ୍ଚାୟତ ଅଫିସଠାରୁ ଦେଢ କିଲୋମିଟର ଦୂରରେ ଥିବା ସଙ୍ଗରୋଧ କେନ୍ଦ୍ର ପର୍ଯ୍ୟନ୍ତ ସରପଞ୍ଚ ଚାଲି ଚାଲି କାନ୍ଧରେ ଖାଦ୍ୟ ବ୍ୟାଗ୍ ବୋହୁଥିବାର ଭିଡିଓ ସୋସିଆଲ ମିଡିଆରେ ଭାଇରାଲ୍ ହୋଇଥିଲା ।

ଭିଡିଓ ଭାଇରାଲ୍ ପରେ ମୁଖ୍ୟମନ୍ତ୍ରୀ ସରପଞ୍ଚଙ୍କୁ ଟ୍ବିଟ୍ କରି ପ୍ରଶଂସା କରିଛନ୍ତି । ଏଭଳି ଏକ ଘଟଣା ଦେଖିବାକୁ ମିଳିଛି ବାଲେଶ୍ବର ଜିଲ୍ଲା ଖଇରା ବ୍ଲକ୍ ମହତିପୁର ପଞ୍ଚାୟତ ଅଞ୍ଚଳରେ ।

ସୂଚନାଯୋଗ୍ୟ ଯେ, ବାଲେଶ୍ବର ଜିଲ୍ଲା ମହତିପୁର ପଞ୍ଚାୟତ ମହାସମପୁର ଗ୍ରାମକୁ ସଂଯୋଗ କରୁଥିବା ରାସ୍ତାରେ ଅସରାଏ ବର୍ଷା ହେଲେ କାଦୁଅରେ ଯାତାୟତ କରି ହୁଏନାହିଁ । ମହାସମପୁର କରଳାପାଳ ଗ୍ରାମରେ ଥିବା ସଙ୍ଗରୋଧ କେନ୍ଦ୍ରକୁ ଯିବାକୁ ଏହା ଗୋଟିଏ ମାତ୍ର ରାସ୍ତା । ଏହି କାଦୁଅ ପଚପଚ ରାସ୍ତାରେ ଖାଦ୍ୟ ନେଇ ଯିବାକୁ କେହି ରାଜି ହୋଇନଥିଲେ ।

ଫଳରେ ନିଜେ ସରପଞ୍ଚ ସଞ୍ଜୟ କୁମାର ସେଠୀ ସେହି ଦେଢ କିଲୋମିଟର କାଦୁଅ ରାସ୍ତାରେ ପ୍ରତ୍ୟକ ଦିନ ୩ ଓଳି ଖାଦ୍ୟ ନିଜ କାନ୍ଧରେ ବୋହି ନେଉଥିବା ଭିଡିଓ ଏବେ ଭାଇରାଲ ହେବାରେ ଲାଗିଛି । ତେବେ ଏହା ତାଙ୍କ କର୍ତ୍ତବ୍ୟ ତେଣୁ ସେ ନିଜ କର୍ତ୍ତବ୍ୟ ପାଳନ କରୁଥିବା ସରପଞ୍ଚ କହିଛନ୍ତି ।

ଅନ୍ୟପଟେ ଏଭଳି ଲୋକ ହିତକର କାର୍ଯ୍ୟ ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଟ୍ବିଟ୍ ଯୋଗେ ସରପଞ୍ଚଙ୍କୁ ଧନ୍ୟବାଦ ଜଣାଇଛନ୍ତି ।

   Related Posts