Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟାଙ୍ଗୀ: ବାଲିନାଶିରେ ୨ ଭାଇଙ୍କୁ ଗୋଡ଼େଇ ଗୋଡ଼େଇ ହାଣିଲେ ଦୁର୍ବୃତ୍ତ, ଗୁରୁତର ଅବସ୍ଥାରେ ଏମ୍ସରେ ଭର୍ତ୍ତି
  • ||
  • ବଲାଙ୍ଗୀର: ବେଆଇନ୍ ବାଲି ବୋଝେଇ ଟ୍ରାକ୍ଟର ଜବତ, ମାଲିକଙ୍କ ଉପରେ ୨୦ ହଜାର ଟଙ୍କାର ଫାଇନ୍ ଲଗାଇଲେ ତହସିଲଦାର
  • ||
  • ରାଇରଙ୍ଗପୁର: କଲୋନୀରେ ଅଗ୍ନିକାଣ୍ଡ, ଜଳି ପାଉଁଶ ହୋଇଗଲା ୨ ବଖରା ଘର
  • ||
  • ନବରଙ୍ଗପୁର : ନିଖୋଜ ଯୁବକଙ୍କ ଗଳିତ ମୃତଦେହ ଉଦ୍ଧାର
  • ||
  • କାମାକ୍ଷାନଗର : ବାଇକ୍‌କୁ ଧକ୍କା ଦେଲା ହାଇଓ୍ବା, ଜଣେ ମୃତ, ଜଣେ ଗୁରୁତର
  • ||
  • ବଲାଙ୍ଗୀର: ଆକ୍ସନ ମୋଡ୍‌ରେ ପଶ୍ଚିମ ଓଡିଶା ବିକାଶ ପରିଷଦର ଅଧ୍ୟକ୍ଷ, ଆରମ୍ଭ କଲେ ନୂଆ ପ୍ରକଳ୍ପ
  • ||
  • ବରଗଡ : ବାଲି ବୋଝେଇ ଟ୍ରାକ୍ଟର ଓ ବାଇକ୍ ମୁହାଁମୁହିଁ ଧକ୍କା, ୨ ଜଣ ମୃତ
  • ||
  • ଭୁବନେଶ୍ବର : ମାଟ୍ରିକ୍ ପରୀକ୍ଷାର୍ଥୀଙ୍କୁ ମିଳିବ ‘ପରୀକ୍ଷା ଦର୍ପଣ’, ପରୀକ୍ଷା ପାଇଁ ହେବ ସହାୟକ
  • ||
  • ଭୁବନେଶ୍ବର : ହୋଟେଲ୍ ଓ ରେଷ୍ଟୁରାଣ୍ଟକୁ BMCର କଡା ନିର୍ଦ୍ଦେଶ, ୭ ଦିନ ଭିତରେ ଦୋକାନ ସମ୍ମୁଖରେ ଲଗାଅ ଫୁଡ୍ ସେଫ୍ଟି ସାର୍ଟିଫିକେଟ୍
  • ||
  • ଭୁବନେଶ୍ବର : ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୩ ଛୁଇଁଲା ମୃତକଙ୍କ ସଂଖ୍ୟା
  • ||

ନୟାଗଡରେ ନିର୍ବାଚନ ପ୍ରଚାରର ବିଗୁଲ ଫୁଙ୍କିଲେ ନବୀନ : ଦୁଇ ଜାତୀୟ ଦଳକୁ କଲେ ଟାର୍ଗେଟ୍

24/03/2019 at 5:19 PM

ନୟାଗଡ ୨୪|୩: ୧୯ ନିର୍ବାଚନ ପାଇଁ ଆରମ୍ଭ ହୋଇଗଲା ପ୍ରଚାର ।ନୟାଗଡ଼ରେ ପ୍ରଥମ ନିର୍ବାଚନୀ ରାଲି କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।ପ୍ରଥମ ପ୍ରଚାରରେ ଦୁଇ ଜାତୀୟ ଦଳ ଉପରେ ଜୋରଦାର ନିଶାନା ସାଧିଛନ୍ତି ନବୀନ ।ବିଜେପି ଓ କଂଗ୍ରେସର ହାଇକମାଣ୍ଡ ଦିଲ୍ଲୀରେ ଥିବା ବେଳେ ଆମ ହାଇକମାଣ୍ଡ ଓଡ଼ିଆ ବୋଲି କହିଛନ୍ତି ନବୀନ ।ଓଡ଼ିଶାରେ ୨୧ରୁ ୨୧ ଲୋକସଭା ସିଟ୍‌ ବିଜେଡି ଅକ୍ତିୟାର କରିବ ବୋଲି କହିଛନ୍ତି ବିଜେଡି ସୁପ୍ରିମୋ ।

ନୟାଗଡ଼ରେ ନବୀନ ।ଉଣେଇଶି ନିର୍ବାଚନର ପ୍ରଥମ ପ୍ରଚାର ସଭା ।ଦୁଇ ଜାତୀୟ ଦଳ ବିଜେପି ଓ କଂଗ୍ରେସକୁ ଜୋରଦାର ଟାର୍ଗେଟ୍‌ କଲେ ନବୀନ ।କହିଛନ୍ତି ସେମାନଙ୍କ ହାଇକମାଣ୍ଡ ଦିଲ୍ଲୀରେ । ଆମ ହାଇକମାଣ୍ଡ ଓଡ଼ିଆ ।ସ୍ବତନ୍ତ୍ର ରାଜ୍ୟପାହ୍ୟା ଓ କେନ୍ଦ୍ରୀୟ ଅବହେଳା ପ୍ରସଙ୍ଗରେ ଉଭୟ ଦଳକୁ ଘନ ଘନ ଟାର୍ଗେଟ୍‌ କରିଛନ୍ତି ନବୀନ । ମୁଖ୍ୟମନ୍ତ୍ରୀ ସିଧାସିଧା କହିଥିଲେ ଯେ ଓଡ଼ିଶା ଦେଶର ପ୍ରଥମ ରାଜ୍ୟ ଯିଏକି ମହିଳାଙ୍କୁ ସଂସଦ ପାଇଁ ୩୩ ପ୍ରତିଶତ ସଂରକ୍ଷଣ ଦେଇଛି। ପ୍ରମିଳା ବିଶୋୟୀଙ୍କୁ ପ୍ରାର୍ଥୀ କରି ମହିଳା ସଶକ୍ତିକରଣର ବାର୍ତ୍ତା ଦେଇଛି। ଆଉ ଏହାପରେ ନବୀନ ସ୍ବତନ୍ତ୍ର ରାଜ୍ୟ ପାହ୍ୟା ପ୍ରସଙ୍ଗ ଉଠାଇଥିଲେ। କହିଥିଲେ ବିଜେପି ୨୦୧୪ ନିର୍ବାଚନୀ ଇସ୍ତାହାରରେ ଓଡ଼ିଶାକୁ ସ୍ବତନ୍ତ୍ର ରାଜ୍ୟ ପାହ୍ୟା ଦେବାକୁ ପ୍ରଥମ ପ୍ରତିଶ୍ରୁତି ଦେଇଥିଲା। କିନ୍ତୁ ଏହାକୁ ପାଳନ କରିନାହିଁ । ସ୍ବତନ୍ତ୍ର ରାଜ୍ୟ ପାହ୍ୟା ପାଇଥିଲେ ଓଡ଼ିଶାରେ ବହୁତ ଉନ୍ନତି ହୋଇଥାନ୍ତା। ଦୁଇଗୁଣା ନିଯୁକ୍ତି ମିଳିଥାନ୍ତା। ସେହିଭଳି ଓଡ଼ିଶାରୁ ରେଳବାଇ ୨୦ ହଜାର କୋଟି ନେଉଥିବା ବେଳେ ମାତ୍ର ବାର୍ଷିକ ୧ ହଜାର କୋଟି ଟଙ୍କା ଦେଉଛି, କୋଇଲା ବାବଦରେ କେନ୍ଦ୍ର ହଜର ହଜାର କୋଟି ଟଙ୍କା ନେଉଥିବା ବେଳେ ଓଡ଼ିଶାକୁ ପ୍ରଦୂଷଣ ଧୂଳି ପାଉଛି।

ମହାନଦୀ ଓ ପୋଲାଭରମ ପାଇଁ ଓଡ଼ିଶା କ୍ଷତିଗ୍ରସ୍ତ ହେଉଥିବା ବେଳେ କେନ୍ଦ୍ର, ଛତିଶଗଡ଼ ଓ ଆନ୍ଧ୍ରପ୍ରଦେଶକୁ ସମର୍ଥନ କରିବା କେନ୍ଦ୍ରୀୟ ଅବହେଳା ନୁହେଁ କି ବୋଲି ନବୀନ ପ୍ରଶ୍ନ କରିଥିଲେ। ଆଉ ଶେଷରେ ରାହୁଲଙ୍କ ରିମୋଟ୍‌ କଣ୍ଟ୍ରୋଲ ଆକ୍ଷେପର ଜବାବ ଦେଇ କହିଥିଲେ ଯେ ଓଡ଼ିଶାର ରିମୋଟ୍‌ କଣ୍ଟ୍ରୋଲ ସାଢ଼େ ୪କୋଟି ଓଡ଼ିଆଙ୍କ ହାତରେ ରହିଛି। ରାଷ୍ଟ୍ରୀୟ ଦଳ ବହୁମତ ପାଇବେନି କେନ୍ଦ୍ରରେ ସରକାର ଗଠନରେ ବିଜେଡିର ପ୍ରମୁଖ ଭୁମିକା ରହିବ ବୋଲି ମୁଖ୍ୟମନ୍ତ୍ରୀ କହିଛନ୍ତି। ଆଗାମୀ ନିର୍ବାଚନରେ ବିଜେଡି ୨୧ରୁ ୨୧ଟି ଏମ୍‌ପି ସିଟ୍‌ ଜିତିବ ବୋଲି ଦମ୍‌ ଦେଖାଇଥିଲେ ମୁଖ୍ୟମନ୍ତ୍ରୀ ।

ନୟାଗଡ଼ରେ ପ୍ରଥମ ନିର୍ବାଚନୀ ସଭାକୁ ନେଇ ବିଜେଡି ନେତା ଓ କର୍ମୀଙ୍କ ମଧ୍ୟରେ ବେଶ୍ ଉତ୍ସାହ ଦେଖାଯାଇଛି ।ଜିଲ୍ଲାର ୪ଟ ନିର୍ବାଚନମଣ୍ଡଳୀରୁ ୩୦ ହଜାରରୁ ଅଧିକ ଲୋକ ଏହି ସଭାରେ ଯୋଗ ଦେଇଥିଲେ ।ନିର୍ବାଚନୀ ସଭାରେ ଜନ ସମାଗମକୁ ଦେଖିଲେ ଦଳ ନିର୍ବାଚନରେ କିଭଳି ସଫଳତା ପାଇବ ତାହା ସ୍ପଷ୍ଟ ବୋଲି ନୟାଗଡ଼ ବିଧାୟକ ଅରୁଣ ସାହୁ କହିଛନ୍ତି ।

ନିକଟରେ ଦଶପଲ୍ଲା ବିଧାୟକ, ପୂର୍ବତନ ବିଧାୟକ ଓ କନ୍ଧମାଳ ସାଂସଦ ଦଳ ଛାଡ଼ିଥିବା ବେଳେ ନବୀନଙ୍କ ଏହି ନିର୍ବାଚନୀ ସଭା ଦଳୀୟ ନେତା ଓ କର୍ମୀଙ୍କୁ କେତେ ଉତ୍ସାହିତ କରିଛି ତାହା ଆଗାମୀ ନିର୍ବାଚନରେ ଜଣାପଡ଼ିବ ।

   Related Posts