Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକଣା କଡାକଡି କଲା ହଙ୍ଗକଙ୍ଗ, ବାହାର ଦେଶର ନାଗରିକଙ୍କ ପ୍ରବେଶ ଉପରେ ରୋକ୍
  • ||
  • ଟଳିଗଲା ମୃତ୍ୟୁ, ଅଳ୍ପକେ ମରଣ ମୁହଁରୁ ବର୍ତ୍ତିଲେ କଲେଜ ଛାତ୍ରୀ ଓ ସ୍କୁଟି ଚାଳକ : ସିସିଟିଭିରେ ଛାତିଥରା ଦୃଶ୍ୟ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୧୧କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୨୨୮ କରୋନା ସଂକ୍ରମିତ, ୧୦୪୯୧୦୮ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୬ ହଜାରରୁ ଅଧିକ କରୋନା ପଜିଟିଭ୍, ୧୯୦ ମୃତ
  • ||
  • ହଠାତ ହେଲା ବରଫ ଝଡ, ପବ୍‌ରେ ଫସିଗଲେ ୬୧ ଗ୍ରାହକ : ୩ ଦିନ ପରେ ଉଦ୍ଧାର
  • ||
  • ମା’ ସୁରେଶ୍ୱରୀ ମନ୍ଦିରରୁ ଚୋରି, ନେଇଗଲେ ଦେବୀଙ୍କ ରୁପା ମୁକୁଟ
  • ||
  • ବୁଧବାରଠୁ କମ୍ପିବ ବିଧାନସଭା, ଅଧିବେଶନ ପୂର୍ବରୁ ରଣନୀତି ପ୍ରସ୍ତୁତ କରିବେ ଶାସକ ଓ ବିରୋଧି
  • ||
  • ଆସୁଛି ବାତ୍ୟା ‘ଜଓ୍ୱାଦ’, ୪ ତାରିଖରେ କରିବ ଲ୍ୟାଣ୍ଡଫଲ
  • ||
  • ଜଗତସିଂହପୁରରେ ‘ସାଗର କବଚ ଓଡି-୨୧’, ସମରାଭ୍ୟାସରେ ସାମିଲ ଭାରତୀୟ ତଟରକ୍ଷୀ ବାହିନୀ ଓ ମେରାଇନ୍ ପୋଲିସ
  • ||

ମନରେଗା ଶ୍ରମିକଙ୍କ ପାଇଁ ଚିନ୍ତା, ଆର୍ଥିକ ସହାୟତା ଦେବାକୁ ପ୍ରଧାନମନ୍ତ୍ରୀଙ୍କୁ ଚିଠି ଲେଖିଲେ ମୁଖ୍ୟମନ୍ତ୍ରୀ

29/03/2020 at 9:00 PM

ଭୁବନେଶ୍ଵର ୨୯।୦୩: କରୋନା ଭାଇରସକୁ ରୋକିବାକୁ ସମଗ୍ର ଦେଶରେ ୨୧ ଦିନିଆ ଲକ୍‌ଡାଉନ୍‌ ଜାରି ରହିଛି। ଫଳରେ ଶ୍ରମିକ ଓ ଦିନ ମଜୁରିଆଙ୍କ ଚିନ୍ତା ବଢି ଯାଇଛି। ରୋଜଗାରର ସବୁ ପନ୍ଥା ବନ୍ଦ ହୋଇ ଯାଇଥିବାରୁ ପରିବାର ଭରଣ ପୋଷଣ ମୁସ୍କିଲ ହୋଇ ପଡିଛି। ଏହା ମଧ୍ୟରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରାଜ୍ୟର ମନରେଗା ଶ୍ରମିକଙ୍କୁ ନେଇ ପ୍ରଧାନମନ୍ତ୍ରୀଙ୍କ ପାଖକୁ ଚିଠି ଲେଖିଛନ୍ତି। ଚିଠିରେ ସେ ଶ୍ରମିକଙ୍କ ସମସ୍ୟା ଦୃଷ୍ଟି ଆକର୍ଷଣ କରିବା ସହ ଆର୍ଥିକ ପ୍ରୋତ୍ସାହନ ଦାବି କରିଛନ୍ତି।

ମୁଖ୍ୟମନ୍ତ୍ରୀ ଚିଠିରେ ଉଲ୍ଲେଖ କରିଛନ୍ତି ଯେ, କରୋନା ମହାମାରୀର ମୁକାବିଲା ପାଇଁ ସମଗ୍ର ବିଶ୍ଵ ଏବେ ସଂଘର୍ଷ କରୁଛି। ପ୍ରଶାସନସ୍ତରଠୁ ନେଇ ସାଧାରଣ ଲୋକଙ୍କ ପର୍ଯ୍ୟନ୍ତ ସମସ୍ତେ କରୋନାର ମୁକାବିଲା ପାଇଁ ଯୋଗଦାନ ଦେଉଛନ୍ତି। କରୋନାର ପ୍ରକୋପକୁ ରୋକିବାକୁ ଦେଶରେ ୨୧ ଦିନିଆ ଲକ୍‌ଡାଉନ୍‌ ଲାଗୁ ହୋଇଛି। ଓଡିଶା ସରକାର ମଧ୍ୟ କରୋନାର ଜନତାଙ୍କ ସୁରକ୍ଷା ପାଇଁ ଅନେକ ମହତ୍ଵପୂର୍ଣ୍ଣ ପଦକ୍ଷେପ ନେଇଛନ୍ତି। ହେଲେ ଲକ୍‌ଡାନଉ୍‌ ଫଳରେ ବିଶେଷ କରି ସମାଜର ତଳବର୍ଗର ଲୋକଙ୍କ ଦୁର୍ଦ୍ଦଶା ବଢିବାରେ ଲାଗିଛି। ଏଥିରେ ମନରେଗା ଶ୍ରମିକ ଗୁରୁତର ଭାବେ ପ୍ରଭାବିତ ହୋଇଛନ୍ତି।

ଓଡିଶାରେ ବର୍ତ୍ତମାନ ୩୬ ଲକ୍ଷ ୧୦ ହଜାର ୭୯୭ ଶ୍ରମିକ ସକ୍ରିୟ ଅଛନ୍ତି। ମନରେଗା ଆଧାରରେ ସେମାନଙ୍କୁ ରୋଜଗାର ମିଳିଥାଏ। କିନ୍ତୁ ୨୧ ଦିନିଆ ଲକ୍‌ଡାଉନ୍‌ କାରଣରୁ ସେମାନେ କାମରୁ ବଞ୍ଚିତ ହୋଇଛନ୍ତି। ସେମାନଙ୍କର ଜୀବିକା ରକ୍ଷା ପାଇଁ ୩୮୦.୩୯ ଟଙ୍କା ରହିଛି, ଯାହା ମନରେଗା ଅଧିନିୟମ ଅନୁସାରେ ପ୍ରତି ବେତନର ଏକ ଚତୁର୍ଥାଂଶ ରହିଛି। ଏହାକୁ କେବଳ ବେରୋଜଗାରୀ ଭତ୍ତା ଭାବେ ମଞ୍ଜୁର କରାଯାଇ ପାରିବ। ଲକ୍‌ଡାଉନ୍ ସମୟରେ ସେମାନଙ୍କର ପଳାୟନକୁ ରୋକା ଯାଇ ପାରିବ। ସଂପ୍ରତି ରାଜ୍ୟ ସରକାର ସେମାନଙ୍କୁ ରୋଜଗାର ଦେବା ସ୍ଥିତିରେ ନାହାନ୍ତି। ତେଣୁ ମନରେଗା ଶ୍ରମିକଙ୍କ ପାଇଁ ଆର୍ଥିକ ସହାୟତା ଦେବାକୁ ପ୍ରଧାନମନ୍ତ୍ରୀଙ୍କୁ ଚିଠି ଲେଖି ଜଣାଇଛନ୍ତି ମୁଖ୍ୟମନ୍ତ୍ରୀ।

   Related Posts