Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଆଜି ଦିନିକିଆ ପୁରୀ ଗସ୍ତରେ ଯିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ

ଭୁବନେଶ୍ବର ୨୦|୨: ଆଜି ଦିନିକିଆ ପୁରୀ ଗସ୍ତରେ ଯିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ପୂର୍ବାହ୍ନ ୧୧ଟାରେ କଣାସରେ ପହଞ୍ଚି ସେଠାରେ ୨୫୧ କୋଟିରୁ ଅଧିକ ଟଙ୍କାର ୧୨ଟି ପ୍ରକଳ୍ପର ଉଦଘାଟନ ଓ ଭିତ୍ତିପ୍ରସ୍ତର ସ୍ଥାପନ କରିବେ । ନବନିର୍ମିତ ସତ୍ୟବାଦୀ ତହସିଲ କାର୍ଯ୍ୟାଳୟର ଶୁଭ ଉଦଘାଟନ କରିବେ ନବୀନ ।

ସେହିପରି ବାଗିପଡା ଏବଂ କାଳିଘଡିଠାରେ ଦୟା ନଦୀ ଉପରେ ୨ଟି ସେତୁ, ସିରୁଳି-କରମଳା ରାସ୍ତାରେ ଲୁଣା ନଦୀ ଉପରେ ହାଇଲେଭଲ ସେତୁର ଭିତ୍ତିପ୍ରସ୍ତର ସ୍ଥାପନ କରିବେ । ଏହା ସହ ୬ଟି ସଡକ ନିର୍ମାଣ ପ୍ରକଳ୍ପ, କଣାସଠାରେ ଓଡ଼ିଶା ଆଦର୍ଶ ବିଦ୍ୟାଳୟ, କଣାସ, ବ୍ରହ୍ମଗିରି ଏବଂ ସତ୍ୟବାଦୀ ବ୍ଲକରେ ମେଗା ପାନୀୟ ଜଳଯୋଗାଣ ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ କରିବେ । ଏହାପରେ ୧୧ଟା ୩୫ରେ କଣାସ ଅଭିମୁଖେ ବାହାରିବେ ନବୀନ । ସେଠାରେ ୨୭୧ କୋଟିରୁ ଅଧିକ ଟଙ୍କାର ୨୩ଟି ପ୍ରକଳ୍ପର ଉଦଘାଟନ ଓ ଭିତ୍ତିପ୍ରସ୍ତର ସ୍ଥାପନ କରିବେ ମୁଖ୍ୟମନ୍ତ୍ରୀ ।

   Related Posts