ଭୁବନେଶ୍ବର ୨୧|୨: ଆଜି ବରଗଡ ଗସ୍ତରେ ଯିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।  ପୂର୍ବାହ୍ନ  ୧୧ଟାରେ ସୋହେଲା ଇଛାପାଲି ଗସ୍ତରେ ଯାଇ ଏକ ଚାଷୀ  ମହାସମାବେଶରେ ଯୋଗଦେବେ ମୁଖ୍ୟମନ୍ତ୍ରୀ । ଗସ୍ତ ସମୟରେ  ୨ହଜାର ୩୬ କୋଟି ୬୮ ଲକ୍ଷ ଟଙ୍କାର ପ୍ରାୟ ୫୦ ରୁ ଉର୍ଦ୍ଧ୍ବ ପ୍ରକଳ୍ପ ର ଶିଳାନ୍ୟାସ ଏବଂ ଶୁଭ ଉଦଘାଟନ କରିବେ ନବୀନ । ସମାବେଶରେ କିଛି ଚାଷୀ ଏବଂ କଳାକାର ମାନଙ୍କୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସମ୍ବର୍ଦ୍ଧନା ଜ୍ଞାପନ  କରିବାର କାର୍ଯ୍ୟକ୍ରମ ରହିଛି ।

{"id":87254}

ଏହି  ଅବସରରେ ଖେଦାପାଲି ନିକଟସ୍ଥ ନୂଆ ଡାକ୍ତରଖାନା ସମେତ କିଛି ଗ୍ରୀଡ଼କୁ ଲୋକାର୍ପଣ କରିବେ ମୁଖ୍ୟମନ୍ତ୍ରୀ । ଏହା ସହିତ ବହୁ ପ୍ରତୀକ୍ଷିତ ଗଙ୍ଗାଧର ବୃହତ ଜଳସେଚନ ପ୍ରକଳ୍ପର ଶିଳାନ୍ୟାସ କରିବେ । 

ଚାଷୀ ମହାସମାବେଶରେ କାଳିଆ ଯୋଜନାରେ ଦ୍ବିତୀୟ ପର୍ଯ୍ୟାୟ ସହାୟତା ରାଶି ପ୍ରଦାନ କରିବେ ମୁଖ୍ୟମନ୍ତ୍ରୀ । ଏହି ପର୍ଯ୍ୟାୟରେ ପାଖାପାଖି ୧୪ ଲକ୍ଷରୁ ଅଧିକ କ୍ଷୁଦ୍ର ଓ ନାମମାତ୍ର ଚାଷୀଙ୍କୁ  ମିଳିବ କଳିଆ ଟଙ୍କା। ପ୍ରଥମ କିସ୍ତି ବାବଦକୁ ହିତାଧିକାରୀ ପାଇବେ ୫ ହଜାର ଟଙ୍କା । ଏହି ଟଙ୍କା ସିଧାସଳଖ ସେମାନଙ୍କର ବ୍ୟାଙ୍କ ଖାତାକୁ ଯିବ। ଏଯାଏଁ ୭୦୦ କୋଟିରୁ ଅଧିକ ଟଙ୍କା ଜମା ହୋଇଛି  ଚାଷୀଙ୍କ ବ୍ୟାଙ୍କ ଆକାଉଣ୍ଟରେ।