Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚଣ୍ଡିଖୋଲ : ଧଳା ଜହର ରାକେଟ୍‌ର ପର୍ଦ୍ଦାଫାଶ କଲା ସଡକ ଦୁର୍ଘଟଣା, ଜବତ ହେଲା ୯ ଗ୍ରାମ୍ ବ୍ରାଉନସୁଗାର
  • ||
  • ଚଣ୍ଡିଖୋଲ : ଚଳିତ ବର୍ଷ ଫିକା ପଡିଛି ଇଦ୍, ଯାଜପୁରରେ ନିରାଡମ୍ବର ଭାବେ ପାଳିତ ହେଉଛି ଉଦ୍-ଉଲ୍-ଫିତର
  • ||
  • ତେଲକୋଇ : ଭାରସାମ୍ୟ ହରାଇ ଗଛରେ ପିଟିହେଲା କାର୍, ସ୍ତ୍ରୀ ଗୁରୁତର, ସ୍ବାମୀ ଆହତ
  • ||
  • ନୂଆଦିଲ୍ଲୀ : ଆପ୍ ନେତା ଜରନେଲ୍ ସିଂହଙ୍କ କରୋନାରେ ଦେହାନ୍ତ, ଶୋକ ପ୍ରକାଶ କଲେ ମୁଖ୍ୟମନ୍ତ୍ରୀ କେଜରିଓ୍ବାଲ
  • ||
  • ରାଜ୍ୟରେ କରୋନା ନେଲା ଆଉ ୨୨ଜଣଙ୍କ ଜୀବନ, ୨୨୭୩ରେ ପହଞ୍ଚିଲା ମୃତ୍ୟୁସଂଖ୍ୟା
  • ||
  • ୧୨ ହଜାର ଉପରେ କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୧୨୩୯୦ ପଜିଟିଭ୍
  • ||
  • ନିରାଡମ୍ବର ଭାବେ ପାଳିତ ହେଉଛି ଇଦ୍-ଉଲ-ଫିତର, ଇଦଗାହରେ ହେବନାହିଁ ସାମୂହିକ ନମାଜ ପାଠ
  • ||
  • କମିବ କାଳବୈଶାଖି ପ୍ରଭାବ, ବଢିବ ଗୁଳୁଗୁଳି
  • ||
  • ଲଭ ୟୁ ଜିନ୍ଦେଗୀ ନୁହେଁ, ରୁଠ୍ ଗୟି ଜିନ୍ଦେଗୀ….ହସି ହସି ମହାମାରୀ ସହ ଲଢି ଲଢି ଚାଲିଗଲେ ୩୦ ବର୍ଷୀୟ ମହିଳା
  • ||

ସମ୍ବଲପୁରରେ ୧୯ଟି ପ୍ରକଳ୍ପର ଉଦ୍‌ଘାଟନ ସହ ୧୪ଟି ପ୍ରକଳ୍ପର ଶିଳାନ୍ୟାସ କଲେ ମୁଖ୍ୟମନ୍ତ୍ରୀ

1/02/2019 at 4:38 PM

ସମ୍ବଲପୁର ୧|୨: ଦିନିକିଆ ସମ୍ବଲପୁର ଗସ୍ତରେ ଆସି ବିଭିନ୍ନ ପ୍ରକଳ୍ପର ଉଦ୍‌ଘାଟନ କରିବା ସହ ଶିଳାନ୍ୟାସ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏହି ଅବସରରେ ସ୍ଥାନୀୟ ବୀର ସୁରେନ୍ଦ୍ର ସାଏ ଷ୍ଟାଡିୟମ୍‌ରେ ୬ଟି ଜିଲ୍ଲା ବିଜୁ ଯୁବବାହୀନ କନ୍‌କ୍ଲେଭ୍‌କୁ ଉଦ୍‌ଘାଟନ କରିବା ସହ ଯୁବବାହିନୀ କର୍ମୀ ମାନଙ୍କୁ ଉଦ୍‌ବୋଧନ ଦେଇଛନ୍ତି ।

ମୁଖ୍ୟମନ୍ତ୍ରୀ ତାଙ୍କ ଘୋଷଣାରେ ସମ୍ବଲପୁରର ନୂଆ ୫ଟି ପ୍ରକଳ୍ପ ପାଇଁ ଘୋଷଣା ମଧ୍ୟ କରିଛନ୍ତି । ୩୦ହଜାରରୁ ଉର୍ଦ୍ଧ୍ବ ବିଜୁ ଯୁବବାହିନୀ କର୍ମକର୍ତ୍ତାଙ୍କୁ ଉତ୍ସାହିତ କରିଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ମହାନଦୀ ଉପରେ ନିର୍ମିତ ଦ୍ବିତୀୟ ସେତୁକୁ ଉଦ୍‌ଘାଟନ କରିଛନ୍ତି । ବୀର ସୁରେନ୍ଦ୍ର ସାଏ ଷ୍ଟାଡିୟମରେ, ୧୯ଟି ପ୍ରକଳ୍ପର ଉଦ୍‌ଘାଟନ କରିବା ସହ, ୧୪ଟି ପ୍ରକଳ୍ପର ଶିଳାନ୍ୟାସ କରିଛନ୍ତି । ମୁଖ୍ୟମନ୍ତ୍ରୀ ମୋଟ୍ ୨୫୦କୋଟି ଟଙ୍କାର ପ୍ରକଳ୍ପ ଉଦ୍‌ଘାଟନ କରିଥିବା ବେଳେ, ୬ଶହ କୋଟି ଟଙ୍କାର ପ୍ରକଳ୍ପର ଶିଳାନ୍ୟାସ କରିଥିଲେ। ବୀରସୁରେନ୍ଦ୍ର ସାଏ ଷ୍ଟାଡିୟମରେ, ଆଞ୍ଚଳିକ ବିଜୁ ଯୁବବାହିନୀ କନକ୍ଲେଭ୍‌କୁ ଉଦ୍‌ଘାଟନ କରିଥିଲେ ।

ମାଳତୀ ଜୋର୍‌ ଉପରେ ୨୦କୋଟି ଟଙ୍କାରେ ଆଉ ଏକ ସେତୁ ନିର୍ମାଣ, ବାଲିବନ୍ଧା ନିକଟରେ ୧୦କୋଟି ଟଙ୍କା ମୂଲ୍ୟରେ ଆଉ ଏକ ସେତୁ ନିର୍ମାଣ, ଦୁର୍ଗାପାଲ୍ଲୀରୁ-ଜାତୀୟ ରାଜପଥ ରାସ୍ତାକୁ ୧୫କୋଟି ଟଙ୍କା ବ୍ୟୟରେ ଫୋର୍‌ ଲେନ୍‌ ବିଶିଷ୍ଟ କରିବା, ଜିଲ୍ଲା ସ୍କୁଲ୍‌ ଠାରୁ ନକ୍ସାପାଲ୍ଲୀ ରାସ୍ତାକୁ ୪୦କୋଟି ଟଙ୍କା ବ୍ୟୟରେ ଫୋର୍‌ ଲେନ୍‌ ବିଶିଷ୍ଟ କରିବା ଓ ବୀରସୁରେନ୍ଦ୍ର ସାଏ ଷ୍ଟାଡିୟମ୍‌ର ବିକାଶ ପାଇଁ ୩କୋଟି ଟଙ୍କା ଅନୁଦାନ ମଧ୍ୟ ଘୋଷଣା କରିଛନ୍ତି ।

ସମ୍ବଲପୁରରେ ଆୟୋଜିତ ବିଜୁ ଯୁବବାହିନୀ କନ୍‌କ୍ଲେଭ୍‌ରେ, ସମ୍ବଲପୁର, ଝାରସୁଗୁଡା, ଦେବଗଡ, ସୁନ୍ଦରଗଡ, ଅନୁଗୁଳ ଓ ବରଗଡର ପ୍ରାୟ ୩୦ହଜାର ଯୁବକ ଯୁବତୀ ଯୋଗ ଦେଇଥିଲେ। ମୁଁ ହିରୋ କାର୍ଯ୍ୟକ୍ରମ ଦ୍ବାରା କୃତିତ୍ବ ଅର୍ଜନ କରିଥିବା ଯୁବକ ଯୁବତୀଙ୍କୁ ମୁଖ୍ୟମନ୍ତ୍ରୀ ସମ୍ମାନୀତ କରିଥିଲେ ।  ଏଥିରେ ପୁର୍ବ ପ୍ରସ୍ତୁତି ଅନୂସାରେ ସାହିତ୍ୟ ଚର୍ଚ୍ଚା,ସାଂସ୍କୃତିକ କାର୍ଯ୍ୟକ୍ରମ ସହ,ବିଭିନ୍ନ ସଚେତନତା କାର୍ଯ୍ୟକ୍ରମର ମଧ୍ୟ ଆୟୋଜନ କରାଯିବ। ଏଭଳି ଏକ ଭିନ୍ନ ଧରଣର କାର୍ଯ୍ୟକ୍ରମରେ ଯୋଗଦେଇ,ବିଜୁଯୁବବାହିନୀର କର୍ମକର୍ତ୍ତମା ମାନେ ନିଜକୁ ଖୁବ୍‌ ଗର୍ବିତ ମନେ କରୁଥିବା କହିଛନ୍ତି ।

ମୁଖ୍ୟମନ୍ତ୍ରୀଙ୍କ ଗସ୍ତକୁ ବିରୋଧ କରେ, କଳାପତକା ପ୍ରଦର୍ଶନ କରିବାକୁ ଯାଉଥିବା ବେଳେ, ବିଜେପି ନେତା ଜୟନାରାୟଣ ମିଶ୍ରଙ୍କ ସମେତ ୩୫ଜଣ ଓ କଂଗ୍ରେସର ୨୦ଜଣ କର୍ମୀଙ୍କୁ ବିଭିନ୍ନ ଥାନାରେ ଅଟକ ରଖାଯାଇଥିଲା। ମୁଖ୍ୟମନ୍ତ୍ରୀଙ୍କ ଗସ୍ତକୁ ନଜରରେ ରଖି, ସହରରେ ୨୫ପ୍ଲାଟୁନ୍‌ ପୋଲିସ୍‌ ଫୋର୍ସ ମୁତୟନ କରାଯିବା ସହ, ୫୦ଜଣ ଅଫିସରଙ୍କୁ ନିୟୋଜିତ କରାଯାଇଥିଲା ।

   Related Posts