Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟଣା : ବ୍ଲକ୍ କାର୍ଯ୍ୟାଳୟରେ ପସି ଟେଣ୍ଡରଧାରୀଙ୍କ ଡିଡି ଚିରିବା ଘଟଣା, ଯୁବ ନେତା କରୁଣା ସାଗର ଖଟୁଆ ଗିରଫ
  • ||
  • କରଞ୍ଜିଆ : ନିଆଁ ଲାଗି ଫାଟିଗଲା ଗ୍ୟାସ୍ ସିଲିଣ୍ଡର, ଅଳ୍ପକେ ବର୍ତ୍ତିଲା ପୁରା ପରିବାର
  • ||
  • ଟାଙ୍ଗୀ : ଜୁଆ ଆଡ୍ଡା ଉପରେ ପୋଲିସର ଚଢାଉ, ୮ ଜୁଆଡି ଗିରଫ
  • ||
  • ଭୁବନେଶ୍ବର : ୧୯ ଜିଲ୍ଲା ପାଇଁ ବଜ୍ରପାତ ସତର୍କ ସୂଚନା ଜାରି
  • ||
  • ଭୁବନେଶ୍ବର : ଟୋକିଓ ଅଲିମ୍ପିକ୍ସ : ଓଡିଆ ଖେଳାଳି ବୀରେନ୍ଦ୍ର ଲାକ୍ରାଙ୍କୁ ପୁରୁଷ ହକି ଦଳର ଉପଅଧିନାୟକ ଦାୟିତ୍ବ
  • ||
  • ଗଞ୍ଜାମ : ଟିକା ପ୍ରମାଣପତ୍ର ଲଗାଇବେ ଦୋକାନୀ, ନଚେତ ଖୋଲିପାରିବେନି ଦୋକାନ
  • ||
  • ଭୁବନେଶ୍ବର : ବିଳମ୍ବ ହୋଇପାରେ ପଞ୍ଚାୟତ ନିର୍ବାଚନ- ରାଜ୍ୟ ନିର୍ବାଚନ କମିଶନ ସଚିବ
  • ||
  • ପୁରୀ : ଯୁବଶିଳ୍ପୀଙ୍କ କମାଲ୍, ଆଇସକ୍ରିମ୍ କାଠିରେ ନିର୍ମାଣ କଲେ ମହାପ୍ରଭୁଙ୍କ ଗଜାନନ ବେଶ
  • ||
  • ତେଲକୋଇ : ଦନ୍ତାହାତୀ ଉପଦ୍ରବ, ଗାଁରେ ପସି ଭାଙ୍ଗିଲା ଘର, ଟେକି ନେଲା ଚାଉଳ ବସ୍ତା
  • ||
  • ଖୋର୍ଦ୍ଧା : ଗୋରୁ ଭର୍ତ୍ତି କଣ୍ଟେନର ଜବତ, ୨୦ରୁ ଅଧିକ ଗୋରୁ ଉଦ୍ଧାର, ଜଣେ ଗିରଫ
  • ||

ଅଙ୍ଗନବାଡି ଦିଦିଙ୍କୁ ନବୀନଙ୍କ ଭେଟି: ବଢ଼ିଲା ପାରିଶ୍ରମିକ, ଅବସରବେଳେ ସ୍ୱତନ୍ତ୍ର ସହାୟତା

13/01/2019 at 8:58 AM

ଭୁବନେଶ୍ୱର ୧୨/ ୧: ଅଙ୍ଗନବାଡି ଦିଦିଙ୍କୁ ନବୀନଙ୍କ ଭେଟି | ଅଙ୍ଗନବାଡି ଦିଦିଙ୍କ ପାଇଁ ବଡ ଘୋଷଣା କରିଛନ୍ତି ରାଜ୍ୟ ସରକାର | ବଢ଼ିଲା ଅଙ୍ଗନବାଡି କର୍ମୀଙ୍କ ପାରିଶ୍ରମିକ | ଏହାଛଡା ଅବସରବେଳେ ମଧ୍ୟ ସ୍ୱତନ୍ତ୍ର ସହାୟତା ପାଇବେ | ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଗତକାଲି ସମନ୍ୱିତ ଶିଶୁ ବିକାଶ ଯୋଜନାରେ କାମ କରୁଥିବା ଅଙ୍ଗନବାଡି କର୍ମୀ, ମିନି ଅଙ୍ଗନବାଡି କର୍ମୀ ଓ ସହାୟିକା ମାନଙ୍କ ପାଇଁ ଏକ ଐତିହାସିକ ପ୍ୟାକେଜ ଘୋଷଣା କରିଛନ୍ତି । ପାରିଶ୍ରମିକ ବୃଦ୍ଧି ସହ ଅବସରକାଳୀନ ଭତ୍ତା , ଚାକିରୀରର ଅବସର ସମୟସୀମା ବୃଦ୍ଧି ଓ ବାର୍ଷିକ ଛୁଟି ପ୍ରଦାନ ସମ୍ପର୍କରେ ଏହି ଘୋଷଣା ଅଙ୍ଗନବାଡି କର୍ମୀଙ୍କ ପାଇଁ ନୂଆବର୍ଷ ଉପହାର ହୋଇଛି । ଆଜି ସଚିବାଳୟରେ ଏକ ଉଚ୍ଚ ସ୍ଥରୀୟ ବୈଠକରେ ଏହି ବିଷୟରେ ନିଷ୍ପତ୍ତି ନେବାପରେ ମୁଖ୍ୟମନ୍ତ୍ରୀ ଏହା ଘୋଷଣା କରିଛନ୍ତି | ଏହି ପାରିଶ୍ରମିକ ବୃଦ୍ଧି ୨୦୧୮ ଅକ୍ଟୋବର ୧ ତାରିଖରୁ ପିଛିଲା ଭାବରେ ଲାଗୁ ହେବ |

୧. ଅଙ୍ଗନବାଡି କର୍ମୀମାନେ ପୂର୍ବରୁ ୬୦୦୦ ଟଙ୍କା ପାଉଥିବାବେଳେ ନୂତନ ନିଷ୍ପତ୍ତି ଅନୁଯାୟୀ ମାସକୁ ୭୫୦୦ ଟଙ୍କା ପାଇବେ | ଏଥିପାଇଁ ରାଜ୍ୟ ସରକାର ୪୮୦୦ ଟଙ୍କା ଦେଉଥିବାବେଳେ କେନ୍ଦ୍ର ସରକାର କେନ୍ଦ୍ର ସରକାରଙ୍କ ଅଂଶ ହେଉଛି ୨୭୦୦ ଟଙ୍କା |

୨. ମିନି ଅଙ୍ଗନବାଡି କର୍ମୀମାନେ ପୂର୍ବରୁ ୪୧୨୫ ଟଙ୍କା ପାଉଥିବାବେଳେ ନୂତନ ନିଷ୍ପତ୍ତି ଅନୁଯାୟୀ ମାସକୁ ୫୩୭୫ ଟଙ୍କା ପାଇବେ | ଏଥିପାଇଁ ରାଜ୍ୟ ସରକାର ୩୨୭୫ ଟଙ୍କା ଦେଉଥିବା ବେଳେ କେନ୍ଦ୍ର ସରକାରଙ୍କ ଅଂଶ ହେଉଛି ୨୧୦୦ ଟଙ୍କା |

୩. ଅଙ୍ଗନବାଡି ସହାୟିକାମାନେ ପୂର୍ବରୁ ୩୦୦୦ ଟଙ୍କା ପାଉଥିବାବେଳେ ନୂତନ ନିଷ୍ପତ୍ତି ଅନୁଯାୟୀ ମାସକୁ ୩୭୫୦ ଟଙ୍କା ପାଇବେ | ଏଥିପାଇଁ ରାଜ୍ୟ ସରକାର ୨୪୦୦ ଟଙ୍କା ଦେଉଥିବାବେଳେ କେନ୍ଦ୍ର ସରକାରଙ୍କ ଅଂଶ ହେଉଛି ୧୩୫୦ ଟଙ୍କା |

୪. ପୂର୍ବରୁ ଅଙ୍ଗନବାଡି କର୍ମୀ, ମିନି ଅଙ୍ଗନବାଡି କର୍ମୀ ଓ ସହାୟିକାମାନେ ୬୦ ବର୍ଷ ବୟସରେ କାମରୁ ଅବ୍ୟାହତି ନେଉଥିବା ବେଳେ ଏବେ ଏହା ୬୨ ବର୍ଷକୁ ବୃଦ୍ଧି କରାଯାଇଛି | ଏହା ସମ୍ପୂର୍ଣ୍ଣ ଭାବେ ରାଜ୍ୟ ସରକାରଙ୍କ ନିଷ୍ପତ୍ତି |

୫. ୬୨ ବର୍ଷ ବୟସରେ ଅବ୍ୟାହତି ନେବା ସମୟରେ ଅଙ୍ଗନବାଡି କର୍ମୀ, ମିନି ଅଙ୍ଗନବାଡି କର୍ମୀ ଓ ସହାୟିକାମାନେ ସେମାନଙ୍କ ସାମାଜିକ ସୁରକ୍ଷା ପାଇଁ ଯଥାକ୍ରମେ ୨୦ ହଜାର, ୧୫ ହଜାର ଓ ୧୦ ହଜାର ଟଙ୍କା ଲେଖାଏଁ ଏକକାଳୀନ ସହାୟତା ପାଇବେ | ଏହା ସମ୍ପୂର୍ଣ୍ଣ ଭାବେ ରାଜ୍ୟ ସରକାରଙ୍କ ପାଣ୍ଠିରୁ ଦିଆଯିବ |

୬. ଅଙ୍ଗନବାଡି କର୍ମୀ, ମିନି ଅଙ୍ଗନବାଡି କର୍ମୀ ଓ ସହାୟିକାମାନେ ବର୍ଷକୁ ଥରେ ଖରା ଦିନରେ ୧୫ ଦିନ ଛୁଟି ପାଇବେ |

   Related Posts