ଭୁବନେଶ୍ବର ୭।୧୦: ଭୁବନେଶ୍ବର ରାଜଭବନ ନିକଟ ପେଟ୍ରୋଲ ପମ୍ପରେ ଅଗ୍ନିକାଣ୍ଡ ଯୋଗୁଁ ୫ଜଣ ଗୁରୁତର ହୋଇଛନ୍ତି । ୩ ଗୁରୁତରଙ୍କୁ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଛି । ଅନ୍ୟ ଦୁଇ ଗୁରୁତରଙ୍କୁ କଟକ ବଡ ମେଡିକାଲ ସ୍ଥାନାନ୍ତର କରାଯାଇଛି ।
{"id":340088,"sizeSlug":"large"}ପେଟ୍ରୋଲ ପମ୍ପ୍ ଅଗ୍ନିକାଣ୍ଡରେ ଆହତଙ୍କୁ ମାଗଣାରେ ଚିକିତ୍ସା ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଘୋଷଣା କରିଛନ୍ତି । ଆହତମାନଙ୍କ ଆଶୁ ଆରୋଗ୍ୟ କାମନା କରିଛନ୍ତି ମୁଖ୍ୟମନ୍ତ୍ରୀ । ଏହାସହ ପେଟ୍ରୋଲ ପମ୍ପ୍ ରେ ଲାଗିଥିବା ନିଆଁ ନିୟନ୍ତ୍ରଣାଧିନ ରହିଛି ବୋଲି ମୁଖ୍ୟମନ୍ତ୍ରୀ ଟ୍ବିଟ୍ କରି ସୂଚନା ଦେଇଛନ୍ତି ।
wp:html/wp:htmlCM @Naveen_Odisha has announced free medical treatment of people injured in the fire accident at Petrol Pump near Raj Bhawan, Bhubaneswar and wished their speedy recovery. The fire has been extinguished and situation is under control now.
— CMO Odisha (@CMO_Odisha) October 7, 2020
ସୂଚନାଯୋଗ୍ୟ ଯେ, ଭୁବନେଶ୍ବର ରାଜଭବନ ନିକଟ ପେଟ୍ରୋଲ ପମ୍ପରେ ଭୟଙ୍କର ଅଗ୍ନିକାଣ୍ଡ ହୋଇଥିଲା । ହୁତ ହୁତ ହୋଇ ନିଆଁ ଜଳୁଥିଲା । ଟାଙ୍କିରେ କୌଣସି କାରଣରୁ ନିଆଁ ଲାଗି ଭୟଙ୍କର ଭାବେ ବିସ୍ଫୋରଣ ହୋଇଥିଲା । ଆଉ ହୁତ ହୁତ ହୋଇ ଆକାଶ ଉଚ୍ଚାରେ ଉଠିଥିଲା ନିଆଁ । ବିସ୍ଫୋରଣ ଏତେ ଭୟଙ୍କର ଥିଲା ଯେ ଆଖପାଖ ଅଞ୍ଚଳ ଥରି ଉଠିଥିଲା ।
{"id":340089,"sizeSlug":"large"}ଲୋକେ ଭୟରେ ଏଣେତେଣେ ଦୌଡିବାରେ ଲାଗିଥିଲେ । ଗାଡିରେ ତେଲ ପକାଇବାକୁ ଆସିଥିବା ଲୋକେ ନିଜ ଗାଡିକୁ ଫିଙ୍ଗି ଭୟରେ ଜୀବନ ବଞ୍ଚାଇବାକୁ ବିକଳରେ ଦୌଡିଥିଲେ । ପେଟ୍ରୋଲ ପମ୍ପ ନିକଟରେ ବହୁ ସଂଖ୍ୟାରେ ଗାଡି ଭାଙ୍ଗିରୁଜି ପଡିଥିଲା । ଏପରିକି ଆଖପାଖର ଘରଦ୍ବାର ସବୁ ଥରି ଉଠିଥିଲା । ଘଟଣାସ୍ଥଳରେ ପୋଲିସ କମିସନର ସୁଧାଂଶୁ ଷଡଙ୍ଗୀ, ଡିସିପି ଉମାଶଙ୍କର ଦାସ ପ୍ରମୁଖ ପହଞ୍ଚିଛନ୍ତି । ସ୍ଥିତିକୁ ନିୟନ୍ତ୍ରଣକୁ ଅଣାଯାଇଛି ବୋଲି ପୋଲିସ ଓ ଅଗ୍ନିଶମ ବାହିନୀ ପକ୍ଷରୁ କୁହାଯାଇଛି ।