Sunday, September 15, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଖାମଖିଆଲ ସ୍କୁଲ କର୍ତ୍ତୃପକ୍ଷ : ପ୍ରଥମ ଶ୍ରେଣୀ ଛାତ୍ର ପାଇଖାନାରେ ଥିବାବେଳେ ସ୍କୁଲରେ ପଡିଲା ତାଲା, ତାପରେ…

ବାଲେଶ୍ବର ୧୨।୯: ଖାମ ଖିଆଲ ସ୍କୁଲ ଶିକ୍ଷକ ଓ ପିଅନ। ପ୍ରଥମ ଶ୍ରେଣୀ ଛାତ୍ର ପାଇଖାନାରେ ଥିବାବେଳେ ସ୍କୁଲରେ ପଡିଲା ତାଲା । ସ୍କୁଲ ଛୁଟି ହେବାର ୨ ଘଂଟା ପରେ ଗ୍ରାମବାସୀଙ୍କ ସହାୟତାରେ ସ୍କୁଲରୁ ମୁକ୍ତ ହେଲା ପ୍ରଥମ ଶ୍ରେଣୀର ଛାତ୍ର। 

ସୂଚନାଯୋଗ୍ୟ ଯେ, ବାଲେଶ୍ବର ସହରର ମଠସାହି ୟୁଜିଏମଇ ସ୍କୁଲରେ ଗତକାଲି ଘଟିଛି ଏକ ଅଭାବନୀୟ ଘଟଣା। ସ୍କୁଲର ପ୍ରଥମ ଶ୍ରେଣୀର ଛାତ୍ର ଅମର ପ୍ରତ୍ୟେକ ଦିନ ଭଳି କାଲି ମଧ୍ୟ ସ୍କୁଲକୁ ଆସିଥିଲେ । ୪ଟାରେ ସ୍କୁଲ ଛୁଟି ହେଲା । ପିଲାଟି ସ୍କୁଲ ଛୁଟି ପୂର୍ବରୁ ପାଇଖାନାକୁ ଯାଇଥିବା ବେଳେ ସ୍କୁଲ ଛୁଟି ହୋଇଯିବାରୁ ସମସ୍ତେ ସ୍କୁଲ ଗେଟରେ ତାଲା ପକାଇ ପଳାଇ ଯାଇଥିଲେ । ପିଲାଟି ସ୍କୁଲ ଭିତରେ ରହି କାନ୍ଦୁଥାଏ । ସେଠାରେ ଥିବା ଦୋକାନୀମାନେ ପିଲାଟି ସ୍କୁଲ ଭିତରେ ରହିଥିବାର ଦେଖି ଗାଁ ଲୋକଙ୍କୁ ଖବର ଦେଇଥିଲେ । ଗାଁ ଲୋକେ ସେଠାରେ ଥିବା ଅସ୍ଥାୟୀ ପିଅନକୁ ଡାକି ତାଲା ଖୋଲିବା ପରେ ପିଲାଟିକୁ ସ୍କୁଲରୁ ବାହାର କରି ଘରକୁ ପଠାଇଥିଲେ । ହେଲେ ପିଲାଟି ତାଙ୍କର ବହି ବସ୍ତାନି ଆଉ ନେଇ ପାରିନଥିଲେ । ଆଜି ସେ ତାଙ୍କର ବସ୍ତାନି ପାଇଛି। ପିଲାର ବାପା ଅନେକ ଖୋଜା ଖୋଜି କରିବା ପରେ ପିଲାଟିକୁ ପାଇନଥିଲେ । ସ୍କୁଲ କର୍ତ୍ତୃପକ୍ଷକଙ୍କର ଏ ପ୍ରକାର ଖାମ ଖିଆଲି ନୀତିକୁ ସମସ୍ତେ ନିନ୍ଦା କରିଛନ୍ତି ।

149 Views

   ସମ୍ବନ୍ଧିତ ଖବର